ಕರ್ನಾಟಕ ವಾಯು ಗುಣಮಟ್ಟ ವರದಿ: ಬೆಂಗಳೂರಿನಲ್ಲಿ ಹೆಚ್ಚಿದ ವಾಯು ಮಾಲಿನ್ಯ!

ಬೆಂಗಳೂರು, ಅಕ್ಟೋಬರ್ 02: ಇಂದು ಕರ್ನಾಟಕದ ಪ್ರಮುಖ ನಗರಗಳಲ್ಲಿ ವಾಯು ಗುಣಮಟ್ಟ ಸೂಚ್ಯಂಕ ದಾಖಲಾಗಿದ್ದು, ಬೆಂಗಳೂರು ಸೇರಿದಂತೆ ವಿವಿಧ ಪ್ರದೇಶಗಳಲ್ಲಿ ಗಾಳಿಯ ಗುಣಮಟ್ಟದಲ್ಲಿ ಏರಿಳಿತ ಕಂಡುಬಂದಿದೆ. ಬೆಂಗಳೂರಿನಲ್ಲಿ ಇಂದು ಸರಾಸರಿ ಎಕ್ಯೂಐ 120 ರಿಂದ 135 ರ ವ್ಯಾಪ್ತಿಯಲ್ಲಿ ದಾಖಲಾಗಿದ್ದು, ಇದು ಕಳಪೆ ವಿಭಾಗಕ್ಕೆ ಸೇರುತ್ತದೆ. ನಗರದ ವಾಹನ ಸಂಚಾರ ದಟ್ಟಣೆ ಹಾಗೂ ರಸ್ತೆ ಧೂಳು ಇದಕ್ಕೆ ಮುಖ್ಯ ಕಾರಣವಾಗಿದೆ.

ಬೆಂಗಳೂರಿನ ವಿವಿಧ ಪ್ರದೇಶಗಳ ಎಕ್ಯೂಐ

• ಬಿಟಿಎಂ ಲೇಔಟ್ : ನಗರದ ಅತ್ಯಂತ ಹೆಚ್ಚು ಮಾಲಿನ್ಯ ಹೊಂದಿದ ಪ್ರದೇಶವಾಗಿ ದಾಖಲಾಗಿದ್ದು, ಇಲ್ಲಿ ಎಕ್ಯೂಐ 130ಕ್ಕೂ ಹೆಚ್ಚು ತಲುಪಿದೆ.
• BWSSB ಪ್ರದೇಶ ಮತ್ತು ಪೀಣ್ಯ: ಇಲ್ಲಿ ಎಕ್ಯೂಐ 65 ರಿಂದ 85 ರ ಆಜುಬಾಜಿನಲ್ಲಿದ್ದು, ‘ಸಾಧಾರಣ’ ಮಟ್ಟದಲ್ಲಿದೆ.

ಸೂಕ್ಷ್ಮ ಕಣಗಳಾದ PM2.5 ಮತ್ತು PM10 ಪ್ರಮಾಣ ಹೆಚ್ಚಿರುವುದರಿಂದ ವೃದ್ಧರು, ಮಕ್ಕಳು ಹಾಗೂ ಉಸಿರಾಟದ ತೊಂದರೆ ಇರುವವರು ಹೊರಗಡೆ ಸಂಚರಿಸುವಾಗ ಮುನ್ನೆಚ್ಚರಿಕೆ ವಹಿಸುವುದು ಸೂಕ್ತ.

ರಾಜ್ಯದ ಇತರೆ ನಗರಗಳ ಗಾಳಿಯ ಗುಣಮಟ್ಟ ಹೇಗಿದೆ?

ಬೆಂಗಳೂರಿಗೆ ಹೋಲಿಸಿದರೆ ರಾಜ್ಯದ ಮಲೆನಾಡು ಹಾಗೂ ಉತ್ತರ ಕರ್ನಾಟಕದ ಕೆಲವು ಭಾಗಗಳಲ್ಲಿ ವಾಯು ಗುಣಮಟ್ಟ ಉತ್ತಮವಾಗಿದೆ.

• ಮಡಿಕೇರಿ : ಅತ್ಯಂತ ಶುದ್ಧ ಗಾಳಿ ಹೊಂದಿದ್ದು, ಎಕ್ಯೂಐ 25 – 35 ದಾಖಲಾಗಿದೆ
• ಗದಗ ಮತ್ತು ಹುಬ್ಬಳ್ಳಿ: ಎಕ್ಯೂಐ 36 – 60ರಷ್ಟಿದ್ದು, ‘ಉತ್ತಮದಿಂದ ಸಾಧಾರಣ’ ಮಟ್ಟದಲ್ಲಿದೆ.
• ಮೈಸೂರು ಹಾಗೂ ಮಂಗಳೂರು : ಎಕ್ಯೂಐ 50 – 75 ರ ನಡುವೆ ದಾಖಲಾಗಿದ್ದು, ವಾಯು ಗುಣಮಟ್ಟ ಸ್ಥಿರವಾಗಿದೆ.

ಬೆಂಗಳೂರಿನಂತಹ ಕಳಪೆ ವಾಯು ಗುಣಮಟ್ಟವಿರುವ ಪ್ರದೇಶಗಳಲ್ಲಿ ಬೆಳಗಿನ ಜಾವ ವಾಯುವಿಹಾರಕ್ಕೆ ತೆರಳುವಾಗ ಮಾಸ್ಕ್ ಧರಿಸುವುದು ಹಾಗೂ ತೆರೆದ ಸ್ಥಳಗಳಲ್ಲಿ ದೀರ್ಘಕಾಲ ಇರುವುದನ್ನು ಕಮ್ಮಿ ಮಾಡುವುದು ಆರೋಗ್ಯಕ್ಕೆ ಒಳ್ಳೆಯದು.

ಕರ್ನಾಟಕದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ