ನಾರಾಯಣ ಮೂರ್ತಿ ವಾರದ 70 ಗಂಟೆ ಕೆಲಸ ಸಲಹೆಗೆ ಉದ್ಯಮಿ ವಿನೋದ್ ಖೋಸ್ಲಾ ಬೆಂಬಲ

ಬೆಂಗಳೂರು, ಡಿ.04: ವಾರದ 70 ಗಂಟೆ ಕೆಲಸ ಮಾಡಬೇಕು ಎಂಬ ಐಟಿ ಸಂಸ್ಥೆ ಇನ್ಫೋಸಿಸ್​ನ (Infosys) ಮಾಜಿ ಮುಖ್ಯಸ್ಥ ನಾರಾಯಣ ಮೂರ್ತಿ (Narayana Murthy) ಅವರ ಹೇಳಿಕೆಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ನಾರಾಯಣ ಮೂರ್ತಿ ಅವರ ಹೇಳಿಕೆಗೆ ಅನೇಕರು ಟೀಕೆ ವ್ಯಕ್ತಪಡಿಸಿದ್ದರು. ಆದರೆ ಇದೀಗ ನಾರಾಯಣ ಮೂರ್ತಿ ಅವರ ಹೇಳಿಕೆಗೆ ಸನ್ ಮೈಕ್ರೊಸಿಸ್ಟಮ್ಸ್ ಸಹ-ಸಂಸ್ಥಾಪಕ ವಿನೋದ್ ಖೊಸ್ಲಾ ಬೆಂಬಲ ವ್ಯಕ್ತಪಡಿಸಿದ್ದಾರೆ. ಹೌದು ನಾರಾಯಾರಣ ಮೂರ್ತಿ ಅವರ ಹೇಳಿಕೆಯನ್ನು ತಪ್ಪು ಎಂದು ಟೀಕೆ ಮಾಡಿದವರಿಗೆ “ಮಾನಸಿಕ ಆರೋಗ್ಯ ಚಿಕಿತ್ಸೆಯ ಅಗತ್ಯವಿದೆ” ಎಂದು ವಿನೋದ್​ ಖೋಸ್ಲಾ (Vinod Khosla) ತಮ್ಮ ಎಕ್ಸ್ (ಟ್ವಿಟರ್​​) ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.

ಮುಂದುವರೆದು “ಅವರು ಅದನ್ನು ಕಠಿಣ ಪರಿಶ್ರಮ ಎಂದು ಭಾವಿಸಬೇಕೇ ಹೊರತು ತಮ್ಮ ಮೇಲಿನ ಹೇರಿಕೆ ಎಂದು ಭಾವಿಸಬಾರದು. ಟೀಕೆ ಮಾಡುವವರು 70 ಗಂಟೆ ಕೆಲಸ ಮಾಡುವ ಗಟ್ಟಿತನವನ್ನು ಬೆಳಸಿಕೊಳ್ಳಬೇಕು. ಇದು ಸಾಧ್ಯವಾಗದಿದ್ದರೇ ಸುಮ್ಮನಿರಬೇಕು. ನಿಮಗೆ 70 ಗಂಟೆ ಕೆಲಸ ಮಾಡುವ ಇಚ್ಛೆ ಇರದಿದ್ದರೇ ಇದರ ಪರಿಣಾಮವನ್ನು ನೀವು ಮುಂದಿನ ದಿನಗಳಲ್ಲಿ ಎದುರಿಸಲು ಸಿದ್ದರಾಗಿರಿ” ಎಂದು ಖ್ಯಾತ ಉದ್ಯಮಿ ವಿನೋದ್​ ಖೋಸ್ಲಾ ತಮ್ಮ ಎಕ್ಸ್​ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ನಾರಾಯಣಮೂರ್ತಿ ಹೇಳಿದ್ದು ಹಂಗಲ್ಲ, ಹಿಂಗೆ: 70 ಗಂಟೆ ಕೆಲಸವನ್ನು ಬಿಡಿಸಿ ವಿವರಿಸಿದ ಟೆಕ್ ಮಹೀಂದ್ರ ಸಿಇಒ ಗುರ್ನಾನಿ

70 ಗಂಟೆಗಳು/ವಾರ ಕೆಲಸ ಮಾಡಬೇಡಿ ಮತ್ತು ನೀವು ಮಾಡುವ ಆಯ್ಕೆಗಳ ಪರಿಣಾಮಗಳೊಂದಿಗೆ ಬದುಕಬೇಕು. ಅವರು ಮಾತನಾಡುತ್ತಿದ್ದಾರೆ. “ವೃತ್ತಿ ಮಹತ್ವಾಕಾಂಕ್ಷೆಯ” ಯುವಕರಿಗೆ ಆದರೆ ವಿಭಿನ್ನ ಆಯ್ಕೆಗಳೊಂದಿಗೆ ಬದುಕಲು ಇತರ ಮಾರ್ಗಗಳಿವೆ” ಎಂದು ಖೋಸ್ಲಾ ಬರೆದಿದ್ದಾರೆ.

ಸರಿ, ವಾರಕ್ಕೆ 70 ಗಂಟೆ ಕೆಲಸ ಮಾಡುವುದಿಲ್ಲ ಎಂದು ತೀರ್ಮಾನಿಸಿ ನೀವು ಮಾಡುವ ಆಯ್ಕೆಗಳ ಪರಿಣಾಮಗಳೊಂದಿಗೆ ಜೀವಿಸಿ. ಅವರು “ವೃತ್ತಿ ಮಹತ್ವಾಕಾಂಕ್ಷೆಯ” ಯುವಜನರೊಂದಿಗೆ ಮಾತನಾಡುತ್ತಿದ್ದಾರೆ ಆದರೆ ವಿಭಿನ್ನ ಆಯ್ಕೆಗಳೊಂದಿಗೆ ಬದುಕಲು ಇತರ ಮಾರ್ಗಗಳಿವೆ” ಎಂದು ಖೋಸ್ಲಾ ಬರೆದಿದ್ದಾರೆ.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ