ಶಿವಮೊಗ್ಗ ಬೈಪಾಸ್, ಹೆದ್ದಾರಿ ಅಭಿವೃದ್ಧಿಗೆ ಕೇಂದ್ರ ಸರ್ಕಾರದಿಂದ ​466.74 ಕೋಟಿ ಹಣ ರಿಲೀಸ್​​

ಶಿವಮೊಗ್ಗ, ಅಕ್ಟೋಬರ್​​ 04: ಶಿವಮೊಗ್ಗದ ಬೈಪಾಸ್, ಹೆದ್ದಾರಿ ಅಭಿವೃದ್ಧಿ ಕಾಮಗಾರಿಗಳಿಗಾಗಿ ಕೇಂದ್ರ ಸರ್ಕಾರ ​466.74 ಕೋಟಿ ಹಣ ಮಂಜೂರು ಮಾಡಿದೆ. ಈ ಬಗ್ಗೆ ಸ್ವತಃ ಮಾಹಿತಿ ಹಂಚಿಕೊಂಡಿರುವ ಕೇಂದ್ರ ಸರ್ಕಾರದ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್​​ ಗಡ್ಕರಿ, ಕರ್ನಾಟಕದಲ್ಲಿ NH-206 (ಹೊಸ NH-69)ರ ಶಿವಮೊಗ್ಗ ಸಿಟಿ ಬೈಪಾಸ್‌ನ ಉಳಿದ 4.74 ಕಿ.ಮೀ. ಉದ್ದದ 4 ಪಥದ ರಸ್ತೆ ನಿರ್ಮಾಣಕ್ಕೆ ಹಣ ಮಂಜೂರು ಮಾಡಲಾಗಿದೆ. ಇದರೊಂದಿಗೆ ಬೈಪಾಸ್ ಮಾಡಲಾಗುತ್ತಿರುವ ನಗರದ ವ್ಯಾಪ್ತಿಯಲ್ಲಿನ ಹಾಲಿ ರಾಷ್ಟ್ರೀಯ ಹೆದ್ದಾರಿಯ ಒನ್‌ಟೈಮ್ ಸುಧಾರಣಾ ಕಾಮಗಾರಿಗಳನ್ನೂ ಕೈಗೊಳ್ಳಲಾಗುತ್ತದೆ ಎಂದು ತಿಳಿಸಿದ್ದಾರೆ.

‘ವೇಗ ಹಾಗೂ ಸುಗಮ ಸಂಚಾರಕ್ಕೆ ಅನುಕೂಲ’

📢Karnataka🛣️

In Karnataka, we have approved ₹466.74 Cr. for the construction of the remaining 4.74 km stretch of the 4️⃣-lane Shivamogga City Bypass on NH-206 (New NH-69), along with One Time Improvement works on the existing NH within the city portion being bypassed.

The project will strengthen connectivity along the NH-69 corridor and decongest Shivamogga by separating through traffic from local traffic. The completed four-lane bypass will enable faster and smoother movement of people and goods, reduce travel delays, improve road safety, and enhance overall mobility while supporting regional economic activity.

#PragatiKaHighway #GatiShakti

@PMOIndia @DKShivakumar @JoshiPralhad @ShobhaBJP @bhagwantkhuba @BYRBJP @BYVijayendra @BJP4Karnataka

— Nitin Gadkari (@nitin_gadkari) October 3, 2026

ಈ ಯೋಜನೆಯಿಂದ NH-69 ಕಾರಿಡಾರ್‌ನ ಸಂಪರ್ಕ ವ್ಯವಸ್ಥೆ ಮತ್ತಷ್ಟು ಬಲಗೊಳ್ಳಲಿದ್ದು, ಹೊರಗಿನಿಂದ ಸಾಗುವ ವಾಹನಗಳ ಸಂಚಾರವನ್ನು ಸ್ಥಳೀಯ ಸಂಚಾರದಿಂದ ಪ್ರತ್ಯೇಕಿಸುವ ಮೂಲಕ ಶಿವಮೊಗ್ಗ ನಗರದ ಸಂಚಾರ ದಟ್ಟಣೆ ಕಡಿಮೆಯಾಗಲಿದೆ. ಪೂರ್ಣಗೊಂಡ 4 ಪಥದ ಬೈಪಾಸ್‌ನಿಂದ ಜನರು ಮತ್ತು ಸರಕುಗಳ ಸಂಚಾರ ವೇಗವಾಗಿ ಹಾಗೂ ಸುಗಮವಾಗಿ ಸಾಗಲು ಸಾಧ್ಯವಾಗಲಿದೆ. ಪ್ರಯಾಣದ ವಿಳಂಬ ಕಡಿಮೆಯಾಗುವುದರ ಜೊತೆಗೆ ರಸ್ತೆ ಸುರಕ್ಷತೆ ಸುಧಾರಿಸಲಿದೆ. ಒಟ್ಟಾರೆ ಸಂಚಾರ ವ್ಯವಸ್ಥೆ ಮತ್ತಷ್ಟು ಉತ್ತಮಗೊಳ್ಳಲಿದ್ದು, ಪ್ರಾದೇಶಿಕ ಆರ್ಥಿಕ ಚಟುವಟಿಕೆಗಳಿಗೂ ಉತ್ತೇಜನ ಸಿಗಲಿದೆ ಎಂದವರು ಹೇಳಿದ್ದಾರೆ.

ಇದನ್ನೂ ಓದಿ: ಮಾರಕಾಸ್ತ್ರಗಳನ್ನು ಹಿಡಿದು ಸಿಗಂದೂರು ರಸ್ತೆಯಲ್ಲಿ ನಿಗೂಢ ಪೂಜೆ, ಮಾಟಮಂತ್ರದಿಂದ ಬೆಚ್ಚಿಬಿದ್ದ ಜನ

ಕಾಮಗಾರಿಯಿಂದಾಗಲಿರುವ ಪ್ರಯೋಜನಗಳು

• ಶಿವಮೊಗ್ಗ ನಗರದ ಸಂಚಾರ ದಟ್ಟಣೆ ಕಡಿಮೆಯಾಗಲಿದೆ.
• ನಗರದ ಸ್ಥಳೀಯ ಸಂಚಾರ ಮತ್ತು ಹೊರಭಾಗದ ವಾಹನ ಸಂಚಾರ ಪ್ರತ್ಯೇಕಗೊಳ್ಳಲಿದೆ.
• NH-69 ಮಾರ್ಗದಲ್ಲಿ ರಸ್ತೆ ಸುರಕ್ಷತೆ ಹೆಚ್ಚಲಿದ್ದು, ಪ್ರಯಾಣದ ಸಮಯ ಕಡಿಮೆಯಾಗಲಿದೆ.
• ಪ್ರಾದೇಶಿಕ ಆರ್ಥಿಕ ಬೆಳವಣಿಗೆ ಹಾಗೂ ಸುಗಮ ಸಾರಿಗೆಗೆ ಉತ್ತೇಜನ ಸಿಗಲಿದೆ.

ಇನ್ನು ಬೈಪಾಸ್, ಹೆದ್ದಾರಿ ಅಭಿವೃದ್ಧಿ ಕಾಮಗಾರಿಗಳಿಗಾಗಿ ಹಣ ಬಿಡುಗಡೆ ಮಾಡಿರುವುದಕ್ಕೆ ಪ್ರಧಾನಿ ಮೋದಿ ಮತ್ತು ನಿತಿನ್​​ ಗಡ್ಕರಿ ಅವರಿಗೆ ಕೇಂದ್ರ ಸಚಿವ ಹೆಚ್​​.ಡಿ. ಕುಮಾರಸ್ವಾಮಿ, ಶಿವಮೊಗ್ಗ ಸಂಸದ ಬಿ.ವೈ. ರಾಘವೇಂದ್ರ ಧನ್ಯವಾದ ತಿಳಿಸಿದ್ದಾರೆ.

ಮತ್ತಷ್ಟು ಸುದ್ದಿ ಓದಲು ಇಲ್ಲಿ ಕ್ಲಿಕ್​​ ಮಾಡಿ.