ಫಿಟ್ಸ್​ ಬಂದು ರಸ್ತೆಯಲ್ಲಿ ಒದ್ದಾಡ್ತಿದ್ರೂ ಜನ ಬರಲಿಲ್ಲ ಸಹಾಯಕ್ಕೆ.. ಮುಂದೇನಾಯ್ತು?

ಬೆಂಗಳೂರು: ಫಿಟ್ಸ್​ ಬಂದು ಆಟೋ ಚಾಲಕ ರಸ್ತೆಯಲ್ಲೇ ಕುಸಿದು ಬಿದ್ದ ಘಟನೆ ನಗರದ ಮಲ್ಲೇಶ್ವರಂನಲ್ಲಿ ನಡೆದಿದೆ. ಬೆಳಗ್ಗೆ 7 ಗಂಟೆ ಸುಮಾರಿಗೆ ಫಿಟ್ಸ್​ ಬಂದು ಆಟೋ ಡ್ರೈವರ್‌ ನಡು ರಸ್ತೆಯಲ್ಲಿ ಬಿದ್ದು ಒದ್ದಾಡುತ್ತಿದ್ದಂತಹ ಮನ ಕಲಕುವ ಘಟನೆ ನಡೆದಿದೆ. ಆಟೋ ಡ್ರೈವರ್‌ ಫಿಟ್ಸ್ ಬರೋಕು ಮೊದಲೇ ಚೆನ್ನಾಗಿ ಕುಡಿದಿದ್ದ ಎಂದೂ ಹೇಳಲಾಗುತ್ತಿದೆ. ಫಿಟ್ಸ್​ ಬಂದು ರಸ್ತೆಯಲ್ಲಿ ಬಿದ್ದು ಒದ್ದಾಡಿದರೂ ಯಾರೂ ವ್ಯಕ್ತಿಯ ಸಹಾಯಕ್ಕೆ ಬಂದಿಲ್ಲ.

ಕೊರೊನಾ ಭೀತಿಯಿಂದ ವ್ಯಕ್ತಿಯನ್ನು ಮುಟ್ಟಲೂ ಜನ ಹಿಂದೇಟು ಹಾಕಿದ್ದಾರೆ. ಮುಕ್ಕಾಲು ಗಂಟೆ ತಡವಾಗಿ ಆಂಬುಲೆನ್ಸ್​ ಸ್ಥಳಕ್ಕೆ ಬಂದಿದೆ. ಆದರೆ ವಿಪರ್ಯಾಸ ಅಂದ್ರೆ ಆಂಬುಲೆನ್ಸ್​ ಬಂದರೂ ಪೊಲೀಸರು ಬಾರದ ಹಿನ್ನೆಲೆಯಲ್ಲಿ ಆಟೋ ಡ್ರೈವರ್​ನ ಶಿಫ್ಟ್​ ಮಾಡಲು ಸಿಬ್ಬಂದಿ ಹಿಂದೇಟು ಹಾಕಿದ್ದಾರೆ. ಕೊನೆಗೆ ಟಿವಿ9 ಕ್ಯಾಮರಾ ಕಂಡ ನಂತರ ಆಂಬುಲೆನ್ಸ್​ಗೆ ಶಿಫ್ಟ್ ಮಾಡಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದಾರೆ.