ನಿನ್ನೆ ಮಗಳ ಅಂತರ್ಜಾತಿ ಮದುವೆ, ಮನನೊಂದು ಇಂದು ಹೆತ್ತವರು ಸಾವಿಗೆ ಶರಣು! ಎಲ್ಲಿ?

ನೆಲಮಂಗಲ: ಮಗಳ ಅಂತರ್ಜಾತಿ ವಿವಾಹಕ್ಕೆ ಮನನೊಂದು ಸಂಪ್‌ಗೆ ಬಿದ್ದು ದಂಪತಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಬೆಂಗಳೂರು ಉತ್ತರ ತಾಲೂಕಿನ ಹಾರೋಕೇತನಹಳ್ಳಿ ಗ್ರಾಮದಲ್ಲಿ ನಡೆದಿದೆ. ಶಿವಲಿಂಗಪ್ಪ(51), ಪತ್ನಿ ಚಂದ್ರಕಲಾ(45) ಆತ್ಮಹತ್ಯೆಗೆ ಶರಣಾದವರು.

ಮಗಳು ಸೌಮ್ಯಾ ನಿನ್ನೆಯಷ್ಟೇ ಅಂತರ್ಜಾತಿ ಹುಡುಗನ ಜೊತೆ ಮದುವೆಯಾಗಿ ಮನೆ ತೊರೆದಿದ್ರು. ಈ ಬಗ್ಗೆ ಮನನೊಂದ ದಂಪತಿ ಮನೆಯ ಸಂಪಿಗೆ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಸಂಪ್ ಬಳಿ ನಮ್ಮ ಸಾವಿಗೆ ನಾವೇ ಜವಾಬ್ದಾರರು ಎಂದು ಡೆತ್ ನೋಟ್ ಬರೆದಿಟ್ಟು ಸಾವಿಗೆ ಶರಣಾಗಿದ್ದಾರೆ. ಮಾದನಾಯಕನಹಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಸ್ಥಳಕ್ಕೆ ಬಂದ ಪೊಲೀಸರು ತನಿಖೆ ಕಾರ್ಯ ಆರಂಭಿಸಿದ್ದಾರೆ.