ವಾಯುಮಾಲಿನ್ಯದಿಂದ ಹದಿಹರೆಯದವರಲ್ಲಿ ಹೆಚ್ಚುತ್ತಿದೆ ಖಿನ್ನತೆ ಸಮಸ್ಯೆ: ಅಧ್ಯಯನ

ಹದಿಹರೆಯದ (Adolescents) ವಯಸ್ಸಿನ ಮಕ್ಕಳಲ್ಲಿ ಕಾಡುವ ಮಾನಸಿಕ ಖಿನ್ನತೆ,ಒತ್ತಡಕ್ಕೆ ವಾಯುಮಾಲಿನ್ಯವೂ (Air Pollution) ಕಾರಣ ಎನ್ನುವ ಅಂಶವನ್ನು ವಿಜ್ಞಾನಿಗಳು ಸಂಶೊಧನೆ ಮೂಲಕ ಕಂಡುಕೊಂಡಿದ್ದಾರೆ. ಸದ್ಯ ಈ ವಿಚಾರ ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ. ಹದಿಹರೆಯದ ಮಕ್ಕಳು ವಾಯುಮಾಲಿನ್ಯದ ಪ್ರದೇಶದಲ್ಲಿ ಓಡಾಡುವುದಿಂದ ಮಾನಸಿಕ ಖಿನ್ನತೆ (Depression) ಹೆಚ್ಚುತ್ತದೆ ಎಂದು ವರದಿಯಲ್ಲಿ ಹೇಳಲಾಗಿದೆ. ಡೆವಲೆಂಪ್​ಮೆಂಟಲ್​​ ಸೈಕಾಲಜಿ ಎನ್ನುವ ಜರ್ನಲ್​ನಲ್ಲಿ ಅಧ್ಯಯನದ ವರದಿಯನ್ನು ಪ್ರಕಟಿಸಲಾಗಿದೆ.

ಓಝೋನ್ ಎನ್ನುವುದು ವಾಹನಗಳಿಂದ ಹೊರಬರುವ ಹೊಗೆ ಇದು ವಿದ್ಯುತ್ ಸ್ಥಾವರಗಳು ಮತ್ತು ಇತರ ಮೂಲಗಳಿಂದ ವಿವಿಧ ಮಾಲಿನ್ಯಕಾರಕಗಳು ಸೂರ್ಯನ ಬೆಳಕಿಗೆ ಪ್ರತಿಕ್ರಿಯಿಸಿದಾಗ ಉತ್ಪತ್ತಿಯಾಗುವ ಅನಿಲವಾಗಿದೆ. ಹೆಚ್ಚಿನ ಓಝೋನ್ ಮಟ್ಟಗಳು ಅಸ್ತಮಾ, ಉಸಿರಾಟದ ವೈರಸ್‌ಗಳು ಮತ್ತು ಉಸಿರಾಟದ ಕಾರಣಗಳಿಂದ ಅಕಾಲಿಕ ಮರಣ ಸೇರಿದಂತೆ ವಿವಿಧ ದೈಹಿಕ ಕಾಯಿಲೆಗಳಿಗೆ ಕಾರಣವಾಗುತ್ತದೆ.

ಸ್ಯಾನ್ ಫ್ರಾನ್ಸಿಸ್ಕೊ ​​​​ಕೊಲ್ಲಿ ಪ್ರದೇಶದಲ್ಲಿ 213 ಹದಿಹರೆಯದ 9 ರಿಂದ 13 ವರ್ಷ ವಯಸ್ಸಿನವರಲ್ಲಿ ಕಾಣಿಸಕೊಳ್ಳುವ ಆರಂಭಿಕ ಜೀವನ ಒತ್ತಡದ ಕುರಿತು ಅಧ್ಯಯನ ನಡೆಸಿದ್ದಾರೆ. ಸಂಶೋಧಕರು ನಾಲ್ಕು ವರ್ಷಗಳ ಅವಧಿಯಲ್ಲಿ ಹದಿಹರೆಯದವರ ಮಾನಸಿಕ ಆರೋಗ್ಯದ ಕುರಿತಾದ ಡೇಟಾವನ್ನು ಸಂಗ್ರಹಿಸಿ ಕ್ಯಾಲಿಫೋರ್ನಿಯಾ ಎನ್ವಿರಾನ್ಮೆಂಟಲ್ ಪ್ರೊಟೆಕ್ಷನ್ ಏಜೆನ್ಸಿಯಿಂದ ಆ ಪ್ರದೇಶಗಳಿಗೆ ಗಾಳಿಯ ಗುಣಮಟ್ಟದ ಡೇಟಾದೊಂದಿಗೆ ಹೋಲಿಸಿದ್ದಾರೆ. ಫಲಿತಾಂಶದಲ್ಲಿ ಹದಿಹರೆಯದ ಮಕ್ಕಳು ಹೆಚ್ಚು ಕಾಲ ಹೊರಗಿನ ವಾತಾವರಣದಲ್ಲಿ ಇರುವುದರಿಂದ ಧೂಳು, ಕಳಪೆ ಗಾಳಿಯ ಮಟ್ಟದ ಪ್ರಭಾವದಿಂದ ಮಕ್ಕಳು ಖಿನ್ನತೆಗೆ ಒಳಗಾಗುವುದು ಸಾಬೀತಾಗಿದೆ. ಓಝೋನ್ ಮತ್ತು ವಾಯು ಮಾಲಿನ್ಯದ ಇತರ ಅಂಶಗಳು ದೇಹದಲ್ಲಿ ಹೆಚ್ಚಿನ ಮಟ್ಟದ ಉರಿಯೂತಕ್ಕೆ ಕಾರಣವಾಗಬಹುದು, ಇದು ಖಿನ್ನತೆಯ ಆಕ್ರಮಣ ಮತ್ತು ಬೆಳವಣಿಗೆಗೆ ಕಾರಣವಾಗುತ್ತದೆ.

ನಮ್ಮ ಸಂಶೋಧನೆಗಳು ಮತ್ತು ಇತರ ಅಧ್ಯಯನಗಳು ಕಡಿಮೆ ಮಟ್ಟದ ಓಝೋನ್ ಮಾನ್ಯತೆ ಕೂಡ ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ಗಂಭೀರವಾದ ಅಪಾಯಗಳನ್ನು ಉಂಟುಮಾಡಬಹುದು ಎಂದು ಸೂಚಿಸುತ್ತದೆ ಎಂದು ಸಂಶೋಧನೆಯ ರುವಾರಿ ಡೆನ್ವರ್ ವಿಶ್ವವಿದ್ಯಾಲಯದಲ್ಲಿ ಮನೋವಿಜ್ಞಾನದ ಸಹಾಯಕ ಪ್ರಾಧ್ಯಾಪಕ ಮ್ಯಾನ್ಕ್ಜಾಕ್ ತಳಿಸಿದ್ದಾರೆ.

ಇದನ್ನೂ ಓದಿ:

Beer: ನಿಯಮಿತವಾಗಿ ಬಿಯರ್​ ಸೇವನೆ ಮಾಡಿದರೆ ಈ ಅಪಾಯಗಳು ಕಟ್ಟಿಟ್ಟಬುತ್ತಿ