Valentine’s Day 2023: ಸ್ಟ್ರಾಬೆರಿ ಕೇಕ್ ತಯಾರಿಸಿ ನಿಮ್ಮ ಪ್ರೀತಿ ಪಾತ್ರರಿಗೆ ಹೀಗೆ ಪ್ರಪೋಸ್ ಮಾಡಿ

ಈ ವ್ಯಾಲೆಂಟೈನ್ಸ್ ಡೇ ಪ್ರಯುಕ್ತ ನಿಮ್ಮ ಪ್ರೀತಿ ಪಾತ್ರರಿಗಾಗಿ ಮನೆಯಲ್ಲಿಯೇ ರುಚಿಯಾದ ಸ್ಟ್ರಾಬೆರಿ ಕೇಕ್ ತಯಾರಿಸಿ ಕ್ಯಾಂಡಲ್​​ ಲೈಟ್​​ನೊಂದಿಗೆ ಸವಿಯಿರಿ. ಅಡುಗೆಮನೆಯಲ್ಲಿ ಸುಲಭವಾಗಿ ದೊರೆಯುವ ಕೆಲವು ಪದಾರ್ಥಗಳನ್ನು ಬಳಸಿ ಈ ವಿಶೇಷ ಪಾಕವಿಧಾನವನ್ನು ತಯಾರಿಸಬಹುದಾಗಿದೆ. ಪ್ರೇಮಿಗಳ ದಿನದಂದು ಮನೆಯಲ್ಲಿಯೇ ಅತ್ಯಂತ ಸರಳವಾಗಿ ಹಾಗೂ ಆರೋಗ್ಯವಾಗಿ ಸ್ಟ್ರಾಬೆರಿ ಕೇಕ್​​ನೊಂದಿಗೆ ಆಚರಿಸಿ. ಕೇವಲ 10 ರಿಂದ 15 ನಿಮಿಷಗಳ ಒಳಗಾಗಿ ನೀವು ಈ ರುಚಿಕರ ಕೇಕ್​​​ನ್ನು ತಯಾರಿಸಬಹುದಾಗಿದೆ.

ಸ್ಟ್ರಾಬೆರಿ ಕೇಕ್ ರೆಸಿಪಿ:

ಸ್ಟ್ರಾಬೆರಿ ಕೇಕ್​​ಗೆ ಬೇಕಾಗುವ ಸಾಮಾಗ್ರಿಗಳು:

500 ಗ್ರಾಂ ಸ್ಟ್ರಾಬೆರಿ
1 ಕಪ್ ಸೂರ್ಯಕಾಂತಿ ಎಣ್ಣೆ
1 ಕಪ್ ಮೊಸರು
1/4 ಕಪ್ ಮೈದಾ ಹಿಟ್ಟು
1 ಚಿಟಿಕೆ ಉಪ್ಪು
1 ಕಪ್ ಸಕ್ಕರೆ
2 ಮೊಟ್ಟೆ
1/4 ಕಪ್ ನಿಂಬೆ ರಸ
1 ಚಮಚ ವೆನಿಲ್ಲಾ ಎಸೆನ್ಸ್
4 ಚಮಚ ಬೇಕಿಂಗ್ ಪೌಡರ್

ಸ್ಟ್ರಾಬೆರಿ ಕೇಕ್ ಮಾಡುವ ವಿಧಾನ:

ಹಂತ 1:

ಮೊದಲಿಗೆ , ಸ್ಟ್ರಾಬೆರಿಗಳನ್ನು ತೊಳೆದು ಸ್ವಚ್ಛಗೊಳಿಸಿ. ನಂತರ ಕೆಲವೊಂದಿಷ್ಟು ಸ್ಟ್ರಾಬೆರಿಗಳನ್ನು ತೆಗೆದುಕೊಂಡು ಚಿಕ್ಕ ಚಿಕ್ಕದಾಗಿ ಕತ್ತರಿಸಿ. ಉಳಿದಿರುವ ಸ್ಟ್ರಾಬೆರಿಗಳನ್ನು ಒಂದೇ ಸಮನಾಗಿ ಅಲಂಕಾರಕ್ಕೆ ಬೇಕಾಗುವ ರೀತಿಯಲ್ಲಿ ಕತ್ತರಿಸಿ.
ಹಂತ 2: ಒಂದು ಬೌಲ್​​ನಲ್ಲಿ ಮೊಟ್ಟೆ, ಬೆಣ್ಣೆ, ಸಕ್ಕರೆ, ವೆನಿಲ್ಲಾ ಎಸೆನ್ಸ್, ಅಡುಗೆ ಸೋಡಾ, ಬೇಕಿಂಗ್ ಪೌಡರ್ ಮತ್ತು ಮೈದಾಹಿಟ್ಟು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ನಂತರ ಇದಕ್ಕೆ ಮೊಸರು ಸೇರಿಸಿ.

ಇದನ್ನೂ ಓದಿ: ಈ ವರ್ಷ ವ್ಯಾಲೆಂಟೈನ್ಸ್ ಡೇಗೆ ಏನು ಗಿಫ್ಟ್ ಕೊಡುವುದು ಎಂದು ಯೋಚಿಸುತ್ತಿದ್ದೀರಾ? ಟಾಪ್​​ ಗಿಫ್ಟ್ ಐಡಿಯಾಗಳು ಇಲ್ಲಿವೆ

ಹಂತ 3:

ಕೇಕ್ ಟಿನ್​ ಅಥವಾ ಅಗಲವಾದ ಚಿಕ್ಕ ಪಾತ್ರೆಯ ಒಳಭಾಗದಲ್ಲಿ ಎಣ್ಣೆಯನ್ನು ಹರಡಿ. ನಂತರ ಈಗಾಗಲೇ ಮಾಡಿಟ್ಟ ಮಿಶ್ರಣವನ್ನು ಪಾತ್ರೆಯ ಒಳಗೆ ಚೆನ್ನಾಗಿ ಹರಡಿ. ನಂತರ ಇದರ ಮೇಲೆ ಚಿಕ್ಕ ಚಿಕ್ಕದಾಗಿ ತುಂಡರಿಸಿಟ್ಟ ಸ್ಟ್ರಾಬೆರಿಗಳನ್ನು ಅದರ ಮೇಲೆ ಹರಡಿ.

ಹಂತ 4:

ಓವನ್​ 200 ಡಿಗ್ರಿ ಸೆಲ್ಸಿಯಸ್​​​ನಲ್ಲಿ ಪೂರ್ವಭಾವಿಯಾಗಿ ಕಾಯಿಸಿ. ಅಥವಾ ನೀವು ಕುಕ್ಕರ್​ನಲ್ಲಿ ಕೇಕ್​​ ತಯಾರಿಸಬಹುದು. ಕುಕ್ಕರಿನಲ್ಲಿ ಸುಮಾರು ಒಂದು ಲೀಟರ್ ನೀರು ಹಾಕಿ ಬಿಸಿ ಮಾಡಿ. ನೀರು ಕುದಿಯುತ್ತಿರುವಾಗ ಕೇಕ್​ ಮಿಶ್ರಣದ ಟಿನ್​​ನ್ನು ಕುಕ್ಕರ್​​ ಒಳಗಡೆ ಇಡಿ. ಪಾತ್ರೆಯ ತಳದಲ್ಲಿ ಇಡ್ಲಿ ಪಾತ್ರೆ ಇಡುವ ತಟ್ಟೆ ಅಥವಾ ಒಂದು ಚಿಕ್ಕ ಕಪ್ ಇಟ್ಟು ಮುಚ್ಚಳ ಮುಚ್ಚಿ. ಮಧ್ಯಮ ಉರಿಯಲ್ಲಿ ಸುಮಾರು ಮೂವತ್ತು ನಿಮಿಷ ಬೇಯಿಸಿ.

ಹಂತ 5:

ಮೂವತ್ತು ನಿಮಿಷಗಳ ನಂತರ ​​ ಸ್ವಲ್ಪ ಹೊತ್ತು ತಣ್ಣಗಾಗಲು ಬಿಡಿ. ತಣಿದ ನಂತರ ಹಾಲಿನ ಕೆನೆ ಮತ್ತು ಉಳಿದ ಸ್ಟ್ರಾಬೆರಿಗಳಿಂದ ಅಲಂಕರಿಸಿ. ಈಗ ನೀವು ನಿಮ್ಮ ಸಂಗಾತಿಯೊಂದಿಗೆ ವಿಶೇಷ ದಿನದಂದು ಸವಿಯಿರಿ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ: