ದೆಹಲಿಯಲ್ಲಿ ಪ್ರತಿಭಟನೆಯ ನಡುವೆ ಎಎಪಿ ನಾಯಕರ ಬಂಧನ, ಕೇಜ್ರಿವಾಲ್ ರಾಜೀನಾಮೆಗೆ ಬಿಜೆಪಿ ಒತ್ತಾಯ

ದೆಹಲಿ ಫೆಬ್ರುವರಿ 02: ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ (Arvind Kejriwal) ಅವರು ಜಾರಿ ನಿರ್ದೇಶನಾಲಯದಿಂದ (Enforcement Directorate) ಐದನೇ ಸಮನ್ಸ್​​ಗೂ ಗೈರಾಗಲು ಯೋಜಿಸುತ್ತಿದ್ದಾರೆ ಎಂದು ಶುಕ್ರವಾರ ಬೆಳಿಗ್ಗೆ ಹೇಳಿದ ನಂತರ ಎಎಪಿ ಮತ್ತು ಬಿಜೆಪಿ ರಾಜಕೀಯ ವಿವಾದವು ಮತ್ತೆ ಸ್ಫೋಟಗೊಳ್ಳಲು ಸಿದ್ಧವಾಗಿದೆ. ಎಎಪಿ (AAP) ಮುಖ್ಯಸ್ಥರನ್ನು ಮದ್ಯ ನೀತಿ ಪ್ರಕರಣದ ಕುರಿತು ವಿಚಾರಣೆಗೆ ಕರೆಯಲಾಗಿತ್ತು. ಆದರೆ ಚಂಡೀಗಢದ ಮೇಯರ್ ಚುನಾವಣೆ ಬಗ್ಗೆ ಇಂದು (ಶುಕ್ರುವಾರ) ಎಎಪಿ ಪ್ರತಿಭಟನೆ ನಡೆಸಲಿದೆ.  ಕೇಜ್ರಿವಾಲ್ ಮತ್ತು ಪಂಜಾಬ್ ಸಿಎಂ ಭಗವಂತ್ ಮಾನ್ ಅವರು ದೆಹಲಿಯ ಬೀದಿಗಳಲ್ಲಿ ಒಟ್ಟಿಗೆ ಪ್ರತಿಭಟನೆ ನಡೆಸುವ ಹಿನ್ನಲೆಯಲ್ಲಿ ಮುಖ್ಯಮಂತ್ರಿಯವರ ನಿವಾಸ ಮತ್ತು ಎಎಪಿ ಮತ್ತು ಬಿಜೆಪಿ ಪ್ರಧಾನ ಕಚೇರಿಗಳಿದೆ ಭದ್ರತೆಯನ್ನು ಬಿಗಿಗೊಳಿಸಲಾಗಿದೆ.

ಆಮ್ ಆದ್ಮಿ ಪಕ್ಷದ (ಎಎಪಿ) ಹಲವು ನಾಯಕರನ್ನು ಬಂಧಿಸಲಾಗಿದ್ದು, ಪಕ್ಷದ ಶಾಸಕರು ಮತ್ತು ಕೌನ್ಸಿಲರ್‌ಗಳು ಸೇರಿದಂತೆ ಅನೇಕರನ್ನು ಶುಕ್ರವಾರ ಗೃಹಬಂಧನದಲ್ಲಿ ಇರಿಸಲಾಗಿತ್ತು, ಪಕ್ಷವು ಬಿಜೆಪಿ ಪ್ರಧಾನ ಕಚೇರಿಯ ಹೊರಗೆ ಪ್ರತಿಭಟನೆ ನಡೆಸಿತು. ಸ್ವಯಂಸೇವಕರು ಪ್ರತಿಭಟನೆಯಲ್ಲಿ ಭಾಗವಹಿಸಲು ತೆರಳುತ್ತಿದ್ದಾಗ ಅವರನ್ನು ಬಂಧಿಸಲಾಯಿತು ಎಂದು ದೆಹಲಿ ಪೊಲೀಸರು ತಿಳಿಸಿದ್ದಾರೆ.

ಚಂಡೀಗಢ ಮೇಯರ್ ಚುನಾವಣೆಯಲ್ಲಿ ಮೋಸ ಮಾಡಿದ್ದಾರೆ ಎಂದು ಆರೋಪಿಸಿ ಬಿಜೆಪಿ ವಿರುದ್ಧ ಪ್ರತಿಭಟನೆ ನಡೆಸುತ್ತಿದ್ದ 25ಕ್ಕೂ ಹೆಚ್ಚು ನಾಯಕರನ್ನು ಸಿಂಘು ಗಡಿಯಲ್ಲಿ ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಸುದ್ದಿ ಸಂಸ್ಥೆ ಎಎನ್ಐ ಹಂಚಿಕೊಂಡ ವಿಡಿಯೊದಲ್ಲಿ ನಗರದ ವಿವಿಧ ಸ್ಥಳಗಳಲ್ಲಿ ಹಲವಾರು ಎಎಪಿ ಮತ್ತು ಬಿಜೆಪಿ ಕಾರ್ಯಕರ್ತರು ಸಾಮೂಹಿಕವಾಗಿ, ಪ್ಲೆಕಾರ್ಡ್‌ಗಳು ಮತ್ತು ಪಕ್ಷದ ಧ್ವಜಗಳನ್ನು ಹಿಡಿದುಕೊಂಡು, ಇನ್ನೊಂದು ಬದಿಯ ವಿರುದ್ಧ ಘೋಷಣೆಗಳನ್ನು ಕೂಗುವುದನ್ನು ತೋರಿಸಿದೆ.

ಅಲ್ಲದೆ, ಪಂಜಾಬ್-ಹರಿಯಾಣ ಗಡಿಯಲ್ಲಿ 25 ಎಎಪಿ ಕಾರ್ಯಕರ್ತರನ್ನು ಬಂಧಿಸಲಾಗಿದೆ. ನಗರಕ್ಕೆ ಬರುವ ಕಾರುಗಳನ್ನು ಪೊಲೀಸರು ಪರಿಶೀಲಿಸುತ್ತಿದ್ದಾರೆ. ಇತರ ಬಂಧನಗಳ ವರದಿಗಳೂ ಇವೆ. ಎಎಪಿ ಹರ್ಯಾಣ ಮುಖ್ಯಸ್ಥ ಸುಶೀಲ್ ಗುಪ್ತಾ ಅವರನ್ನು ದೆಹಲಿ ಪೊಲೀಸರು ಬಂಧಿಸಿದ್ದಾರೆ ಎಂದು ಎಎನ್ಐ ವರದಿ ಮಾಡಿದೆ.  ಯಾವುದೇ ಕಾನೂನು-ಸುವ್ಯವಸ್ಥೆ ಪರಿಸ್ಥಿತಿ ಉದ್ಭವಿಸದಂತೆ ನೋಡಿಕೊಳ್ಳಲು ನಾವು ಸಿದ್ಧರಿದ್ದೇವೆ ಮತ್ತು ಎಲ್ಲವೂ ಸುಗಮವಾಗಿ ನಡೆಯುತ್ತದೆ. ನಾವು ಎಲ್ಲಾ ಅಗತ್ಯ ಕ್ರಮಗಳನ್ನು ತೆಗೆದುಕೊಂಡಿದ್ದೇವೆ ಎಂದು ಉಪ ಪೊಲೀಸ್ ಆಯುಕ್ತ (ಕೇಂದ್ರ) ಎಂ ಹರ್ಷ ವರ್ಧನ್ ಹೇಳಿದ್ದಾರೆ.

ಎಕ್ಸ್ ನಲ್ಲಿ ಎಎಪಿ, ಬಿಜೆಪಿ ಜಗಳ

ಶುಕ್ರವಾರ ದೆಹಲಿ ಪೊಲೀಸರು ಸಿದ್ಧತೆ ನಡೆಸುತ್ತಿರುವಾಗ, ಎರಡು ಪಕ್ಷಗಳ ನಾಯಕರು ಈಗಾಗಲೇ ಎಕ್ಸ್ ನಲ್ಲಿ ಜಗಳ ಶುರು ಮಾಡಿದ್ದಾರೆ. ದೆಹಲಿಯ ಶಿಕ್ಷಣ ಸಚಿವೆ ಅತಿಶಿ ಇಂದು ಬೆಳಿಗ್ಗೆ ಚಂಡೀಗಢ ಚುನಾವಣೆಯಲ್ಲಿ ಬಿಜೆಪಿ “ವಂಚನೆ” ಎಸಗಿದ್ದು ಬಿಜೆಪಿ ತನ್ನ ಪಕ್ಷದ ಬಗ್ಗೆ “ತುಂಬಾ ಭಯಪಡುತ್ತಿದೆ” ಎಂದು ಲೇವಡಿ ಮಾಡಿದರು. “ದೆಹಲಿಯಾದ್ಯಂತ ಭಾರೀ ಬ್ಯಾರಿಕೇಡ್‌ಗಳು, ಸ್ವಯಂಸೇವಕರಿಂದ ತುಂಬಿದ ಬಸ್‌ಗಳನ್ನು ಬಂಧಿಸಲಾಗಿದೆ, ಎಎಪಿ ಕಚೇರಿಯ ಹೊರಗೆ ನೂರಾರು ಪ್ಯಾರಾ-ಮಿಲಿಟರಿ ಪಡೆಗಳು ಇವೆ. ಚಂಡೀಗಢ ಮೇಯರ್ ಚುನಾವಣೆಯ ಪ್ರತಿಭಟನೆಗೆ ಬಿಜೆಪಿ ಏಕೆ ಹೆದರುತ್ತಿದೆ ಎಂದು ಕೇಳಿದ್ದಾರೆ.

ತಮ್ಮ ಟ್ವೀಟ್ ಅನ್ನು ಮತ್ತೊಮ್ಮೆ ಪೋಸ್ಟ್ ಮಾಡಿದ ಕೇಜ್ರಿವಾವಲ್ ಬಿಜೆಪಿ ಮತ “ಕದ್ದಿವೆ” ಎಂದು ಹೇಳಿಕೊಂಡರು. “ಈಗ ಇದರ ವಿರುದ್ಧ ಶಾಂತಿಯುತವಾಗಿ ಪ್ರತಿಭಟಿಸಲು ಬರುವ ಜನರನ್ನು ದೆಹಲಿಯ ವಿವಿಧ ಸ್ಥಳಗಳಲ್ಲಿ ತಡೆಯಲಾಗುತ್ತಿದೆ” ಎಂದಿದ್ದಾರೆ. ಬಿಜೆಪಿ ವಂಚನೆ ಮಾಡಿದೆ ಎಂದು ಆರೋಗ್ಯ ಸಚಿವ ಸೌರಭ್ ಭಾರದ್ವಾಜ್ ಆರೋಪಿಸಿದ್ದಾರೆ.

ಇದನ್ನೂ ಓದಿ: ಚುನಾವಣೆಗೆ ಮುನ್ನವೇ ಸಮನ್ಸ್ ಏಕೆ?: ಬಿಜೆಪಿ ವಿರುದ್ಧ ಅರವಿಂದ್ ಕೇಜ್ರಿವಾಲ್ ವಾಗ್ದಾಳಿ

“ಚಂಡೀಗಢದಲ್ಲಿ ಬಿಜೆಪಿ ಹೇಗೆ ವಂಚನೆ ಮಾಡಿದೆ ಎಂದು ದೇಶಕ್ಕೆ ತಿಳಿದಿದೆ. ಈ ಪ್ರತಿಭಟನೆಗೆ ಮುನ್ನ ನಮ್ಮ ಶಾಸಕರು, ಕೌನ್ಸಿಲರ್‌ಗಳು ಮತ್ತು ಪಕ್ಷದ ಕಾರ್ಯಕರ್ತರನ್ನು ಬಂಧಿಸಲಾಗುತ್ತಿದೆ. ಅರವಿಂದ್ ಕೇಜ್ರಿವಾಲ್‌ಗೆ ಬಿಜೆಪಿಗೆ ಅಷ್ಟೊಂದು ಹೆದರಿಕೆಯೇ…? ಎಂದು ಕೇಳಿದ್ದಾರೆ
ರಾಷ್ಟ್ರೀಯ ವಕ್ತಾರ ಶೆಹಜಾದ್ ಪೂನವಾಲಾ ಅವರು “ಬಲಿಪಶು” ಕಾರ್ಡ್ ಅನ್ನು ಆಡುವುದನ್ನು ಮುಂದುವರೆಸಿದ್ದಕ್ಕಾಗಿ ಕೇಜ್ರಿವಾಲ್ ಮೇಲೆ ದಾಳಿ ಮಾಡುವ ಸುದೀರ್ಘ ವೀಡಿಯೊ ಸಂದೇಶವನ್ನು ಪೋಸ್ಟ್ ಮಾಡುವುದರೊಂದಿಗೆ ಬಿಜೆಪಿ ಶೀಘ್ರವಾಗಿ ಪ್ರತಿಕ್ರಿಯಿಸಿದೆ.
ಅರವಿಂದ್ ಕೇಜ್ರಿವಾಲ್… ಮುಚ್ಚಿಡಲು ಏನೂ ಇಲ್ಲದಿದ್ದರೆ ಇಡಿ ಮತ್ತು ಇತರ ಏಜೆನ್ಸಿಗಳ ಮುಂದೆ ನಿಮ್ಮನ್ನು ಏಕೆ ಹಾಜರುಪಡಿಸುತ್ತಿಲ್ಲ? ಅಣ್ಣಾ ಹಜಾರೆ ಅವರ ಮಾರ್ಗದರ್ಶನದಲ್ಲಿ ಮೊದಲು ರಾಜೀನಾಮೆ, ನಂತರ ತನಿಖೆ ಎಂದು ಹೇಳಿದ ಅದೇ ಕೇಜ್ರಿವಾಲ್ ನೀವು ಆದರೆ ಇಂದು ನೀವು ತನಿಖೆಗೆ ಸಹಕರಿಸಲು ನಿರಾಕರಿಸುತ್ತೀರಿ ಎಂದು ಕೇಳಿದ್ದಾರೆ.