National News
ರಾಷ್ಟ್ರೀಯ ಸುದ್ದಿಗಳನ್ನು ಸಮಗ್ರ ಚಿತ್ರಣ ಇಲ್ಲಿ ಸಿಗುತ್ತೇ. ರಾಷ್ಟ್ರೀಯ ಮಟ್ಟದಲ್ಲಿ ನಡೆದ ಸುದ್ದಿಗಳನ್ನು ಇಲ್ಲಿ ತಿಳಿಸಲಾಗುತ್ತದೆ. ರಾಜಕೀಯವಾಗಿ, ಸಾಮಾಜಿಕ, ಹಾಗೂ ದೇಶದ ಬೇರೆ ಬೇರೆ ಊರಿನಲ್ಲಿ ನಡೆದ ಘಟನೆಗಳನ್ನು, ಸುದ್ದಿಗಳನ್ನು ಇಲ್ಲಿ ತಿಳಿಸಲಾಗುವುದು. ದೇಶದ ವಿವಿಧ ರಾಜ್ಯಗಳಲ್ಲಿ ನಡೆಯುವ ಸಂಗತಿಗಳನ್ನು ಹಾಗೂ ಸುದ್ದಿಗಳನ್ನು ತಕ್ಷಣದಲ್ಲಿ ನೀಡಲಾಗುವುದು.
‘ರಾಹುಲ್ ಗಾಂಧಿಗೆ ರಾಜಕೀಯ ಜ್ಞಾನವಿಲ್ಲ, ಕಾಂಗ್ರೆಸ್ಗೆ ಸ್ವಂತ ಬಲದಿಂದ ಗೆಲ್ಲಲು ಸಾಧ್ಯವೇ ಇಲ್ಲ’; ಬಿಜೆಪಿ ವಾಗ್ದಾಳಿ
ಬಿಜೆಪಿಗೆ 'ಆಡಳಿತ ವಿರೋಧಿ ಅಲೆ' ಎದುರಾಗುತ್ತಿಲ್ಲ ಎಂದು ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಮಾಡಿದ್ದ ಆರೋಪಕ್ಕೆ ಬಿಜೆಪಿ ತಿರುಗೇಟು ನೀಡಿದೆ. "ನಿಜವಾದ ಆಡಳಿತ ವಿರೋಧಿ ಅಲೆ ಇರುವುದೇ ಗಾಂಧಿ ಕುಟುಂಬದ ವಿರುದ್ಧ" ಎಂದು ಬಿಜೆಪಿ ರಾಷ್ಟ್ರೀಯ ವಕ್ತಾರ ಸುಧಾಂಶು ತ್ರಿವೇದಿ ವಾಗ್ದಾಳಿ ನಡೆಸಿದ್ದಾರೆ. ದೆಹಲಿಯಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಸುಧಾಂಶು ತ್ರಿವೇದಿ, ರಾಹುಲ್ ಗಾಂಧಿ ಅವರನ್ನು ‘ರಾಜಕೀಯ ನಾಟಕಗಳ ಮಾಸ್ಟರ್’ಎಂದು ಲೇವಡಿ ಮಾಡಿದರು. ಹಲವು ರಾಜ್ಯಗಳಲ್ಲಿ ಕಾಂಗ್ರೆಸ್ ಸುದೀರ್ಘ ಕಾಲದಿಂದ ಅಧಿಕಾರದಿಂದ ದೂರವಿರುವುದನ್ನು ಉಲ್ಲೇಖಿಸಿ ಸುಧಾಂಶು ತ್ರಿವೇದಿ, ರಾಹುಲ್ ವಾದವನ್ನು ತಳ್ಳಿಹಾಕಿದರು.
- Sushma Chakre
- Updated on: Sep 24, 2026
- 8:13 pm
‘ದೇಶದ್ರೋಹಿ ಜ್ಞಾನೇಶ್ ಕುಮಾರ್ ರಾಜೀನಾಮೆ ಕೊಡಬೇಕು’; ರಾಹುಲ್ ಗಾಂಧಿ ಒತ್ತಾಯ
ಮತದಾರರ ಪಟ್ಟಿಗಳ ವಿಶೇಷ ತೀವ್ರ ಪರಿಷ್ಕರಣೆ (ಎಸ್ಐಆರ್) ವಿಚಾರದಲ್ಲಿ ಇತರ ಆಯುಕ್ತರ ಆಕ್ಷೇಪಣೆಗಳನ್ನು ನಿರ್ಲಕ್ಷಿಸಲಾಗಿದೆ ಎಂಬ ವರದಿಗಳ ಬೆನ್ನಲ್ಲೇ, ಲೋಕಸಭೆಯ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಅವರು ಕೇಂದ್ರ ಸರ್ಕಾರ ಹಾಗೂ ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಜ್ಞಾನೇಶ್ ಕುಮಾರ್ ಅವರನ್ನು ‘ದೇಶದ್ರೋಹಿ’ ಎಂದು ಕರೆದ ಅವರು ತಕ್ಷಣವೇ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಬೇಕೆಂದು ಆಗ್ರಹಿಸಿದ್ದಾರೆ.
- Sushma Chakre
- Updated on: Sep 24, 2026
- 7:12 pm
ಮುಖ್ಯ ಚುನಾವಣಾ ಆಯುಕ್ತರ ವಜಾಕ್ಕೆ ಪ್ರತಿಪಕ್ಷಗಳ ಪಟ್ಟು; ದೋಷಾರೋಪ ನಿರ್ಣಯ ಮಂಡನೆಗೆ ಇಂಡಿಯಾ ಮೈತ್ರಿಕೂಟ ಸಿದ್ಧತೆ
ಇತ್ತೀಚೆಗೆ ವಿವಿಧ ರಾಜ್ಯಗಳ ವಿಧಾನಸಭಾ ಚುನಾವಣೆಗಳಿಗೆ ಸಂಬಂಧಿಸಿದಂತೆ ನಡೆದ ಮತದಾರರ ಪಟ್ಟಿ ಪರಿಷ್ಕರಣೆ (ಎಸ್ಐಆರ್) ಪ್ರಕ್ರಿಯೆಯಲ್ಲಿನ ಗಂಭೀರ ಅಕ್ರಮಗಳ ಆರೋಪದ ಹಿನ್ನೆಲೆಯಲ್ಲಿ, ಮುಖ್ಯ ಚುನಾವಣೆ ಆಯುಕ್ತ ಜ್ಞಾನೇಶ್ ಕುಮಾರ್ ಅವರನ್ನು ಹುದ್ದೆಯಿಂದ ವಜಾಗೊಳಿಸಲು 'ಇಂಡಿಯಾ' ಮೈತ್ರಿಕೂಟವು ಸಂಸತ್ತಿನಲ್ಲಿ ಮತ್ತೆ ದೋಷಾರೋಪ ನಿರ್ಣಯ ಮಂಡಿಸಲು ಸಜ್ಜಾಗಿದೆ. ಮೂಲಗಳ ಪ್ರಕಾರ, ಈ ಪ್ರಕ್ರಿಯೆಯ ನೋಟಿಸ್ ಸಿದ್ಧಗೊಳ್ಳುತ್ತಿದ್ದು, ಸಂಸತ್ತಿನ ಅಧಿವೇಶನ ನಡೆಯದಿರುವ ಸಮಯದಲ್ಲೂ ಇದನ್ನು ಸಲ್ಲಿಸಲು ಅವಕಾಶವಿರುವುದರಿಂದ, ಮುಂದಿನ ವಾರದಲ್ಲೇ ಸಲ್ಲಿಸುವ ಸಾಧ್ಯತೆಯಿದೆ.
- Sushma Chakre
- Updated on: Sep 24, 2026
- 6:08 pm
ಸಿಇಸಿ ಜ್ಞಾನೇಶ್ ಕುಮಾರ್ 48 ಗಂಟೆಯಲ್ಲಿ ರಾಜೀನಾಮೆ ನೀಡದಿದ್ದರೆ ದೇಶಾದ್ಯಂತ ಬೃಹತ್ ಪ್ರತಿಭಟನೆ; ಸಿಜೆಪಿ ಎಚ್ಚರಿಕೆ
ಭಾರತದ ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ಅವರು ತಕ್ಷಣವೇ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಬೇಕು ಎಂದು 'ಕಾಕ್ರೋಚ್ ಜನತಾ ಪಾರ್ಟಿ' (ಸಿಜೆಪಿ) ಸಂಸ್ಥಾಪಕ ಅಭಿಜೀತ್ ದೀಪ್ಕೆ ಆಗ್ರಹಿಸಿದ್ದು, 48 ಗಂಟೆಗಳ ಗಡುವು ನೀಡಿದ್ದಾರೆ. ಒಂದು ವೇಳೆ ಅವರು ರಾಜೀನಾಮೆ ನೀಡದಿದ್ದರೆ ದೇಶಾದ್ಯಂತ 'ಜಂತರ್ ಮಂತರ್ 2.0' ಮಾದರಿಯ ಬೃಹತ್ ಪ್ರತಿಭಟನೆ ನಡೆಸುವುದಾಗಿ ಎಚ್ಚರಿಕೆ ನೀಡಿದ್ದಾರೆ. ನವದೆಹಲಿಯಲ್ಲಿ ನಡೆಸಿದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅಭಿಜೀತ್ ದೀಪ್ಕೆ, ಚುನಾವಣಾ ಆಯೋಗದ ಕಾರ್ಯಾಚರಣೆ ಹಾಗೂ ನಿಲುವುಗಳ ವಿರುದ್ಧ ಕಿಡಿಕಾರಿದ್ದಾರೆ.
- Sushma Chakre
- Updated on: Sep 24, 2026
- 7:14 pm
‘ಸಾಯುವುದಿದ್ದರೆ ಸಾಯಿರಿ, ಬಸ್ ನಿಲ್ಲಿಸಲ್ಲ’; ನೊಯ್ಡಾ ಬಸ್ ದುರಂತದ ವೇಳೆ ಚಾಲಕ, ಕಂಡಕ್ಟರ್ ಕ್ರೂರ ವರ್ತನೆ
ಉತ್ತರ ಪ್ರದೇಶದ ಗ್ರೇಟರ್ ನೋಯ್ಡಾದ ಯಮುನಾ ಎಕ್ಸ್ಪ್ರೆಸ್ವೇನಲ್ಲಿ ಸಂಭವಿಸಿದ ಭೀಕರ ಅಗ್ನಿ ಅನಾಹುತದಲ್ಲಿ ಸ್ಲೀಪರ್ ಬಸ್ ಸಂಪೂರ್ಣ ಭಸ್ಮಗೊಂಡು 9 ಜನ ಪ್ರಯಾಣಿಕರು ಸಜೀವ ದಹನಗೊಂಡಿದ್ದಾರೆ. ಈ ಘಟನೆಯ ಹಿಂದೆ ಬಸ್ ಚಾಲಕ ಮತ್ತು ಕಂಡಕ್ಟರ್ ಅವರ ತೀವ್ರ ಬೇಜವಾಬ್ದಾರಿ ಹಾಗೂ ಕ್ರೂರ ವರ್ತನೆ ಬಯಲಿಗೆ ಬಂದಿದ್ದು, ಪೊಲೀಸರು ಇಬ್ಬರನ್ನೂ ಬಂಧಿಸಿದ್ದಾರೆ. ಬಸ್ ಚಲಿಸುತ್ತಿದ್ದಾಗ ಚಾಲಕ ಮತ್ತು ಕಂಡಕ್ಟರ್ ಕ್ಯಾಬಿನ್ನಲ್ಲಿ ಸಿಗರೇಟ್ ಹಾಗೂ ಬೀಡಿಗಳನ್ನು ಸೇದುತ್ತಿದ್ದರು. ಪ್ರಯಾಣಿಕರು ಧೂಮಪಾನಕ್ಕೆ ಆಕ್ಷೇಪ ವ್ಯಕ್ತಪಡಿಸಿದಾಗ, ಇಬ್ಬರೂ ನಗುತ್ತಾ, ಸುಮ್ಮನಿರಲು ಬೆದರಿಕೆ ಹಾಕಿದ್ದರು.
- Sushma Chakre
- Updated on: Sep 24, 2026
- 3:25 pm
ಭಾರತದ ಸಂವಿಧಾನಕ್ಕಿದೆ ಭಾರೀ ಭದ್ರತೆ; ಲೋಕಸಭೆ ವಿಧೇಯಕ ವಿಫಲವಾಗಿದ್ದು ತಾಜಾ ನಿದರ್ಶನ
Santosh Nair's article in 'Your India' series: ಏಪ್ರಿಲ್ನಲ್ಲಿ ಲೋಕಸಭೆ ಸೀಟುಗಳನ್ನು ಹೆಚ್ಚಿಸುವ ಪ್ರಸ್ತಾವನೆ ಬಹುಮತದ ಬೆಂಬಲವಿದ್ದರೂ ವಿಫಲವಾಯಿತು. ಕಾರಣ, ಇದು ಸಾಮಾನ್ಯ ಕಾಯಿದೆಯಾಗಿರದೆ ಸಂವಿಧಾನ ತಿದ್ದುಪಡಿಯಾಗಿದ್ದು, 2/3ರಷ್ಟು ವಿಶೇಷ ಬಹುಮತ ಕಡ್ಡಾಯವಾಗಿತ್ತು. 528 ಹಾಜರಿದ್ದ ಸದಸ್ಯರಲ್ಲಿ 352 ಮತಗಳು ಬೇಕಿದ್ದರೂ, 298 ಮಾತ್ರ ಲಭ್ಯವಾದವು. ಈ ನಿಯಮವು ದೇಶದ ಮೂಲಭೂತ ನಿಯಮಗಳನ್ನು ರಕ್ಷಿಸಿ, ವ್ಯಾಪಕ ಸಮ್ಮತಿ ಇಲ್ಲದೆ ಪ್ರಮುಖ ಬದಲಾವಣೆಗಳನ್ನು ತಡೆಯುತ್ತದೆ, ಪ್ರಜಾಪ್ರಭುತ್ವದ ಸ್ಥಿರತೆ ಕಾಪಾಡುತ್ತದೆ.
- Santosh Nair
- Updated on: Sep 24, 2026
- 12:33 pm
ಭಾರತದ ಮೂಲಸೌಕರ್ಯ ಕ್ರಾಂತಿ; ಸೇತುವೆ, ಸುರಂಗ, ಎಕ್ಸ್ಪ್ರೆಸ್ವೇಗಳಿಂದ ಮಿಂಚಿನ ಸಂಚಾರ; ಪ್ರಯಾಣ ಅವಧಿ ಗಣನೀಯವಾಗಿ ಇಳಿಕೆ
ಬೆಂಗಳೂರಿನಂತಹ ನಗರದ ಒಳಗಡೆ 10 ಕಿಮೀ ದೂರ ಪ್ರಯಾಣಿಸಲು 1-2 ಗಂಟೆ ತಗುಲುತ್ತಿರುವ ಪರಿಸ್ಥಿತಿ ಇದೆ. ಈ 10 ಕಿಮೀಯನ್ನು ಕೇವಲ 10 ನಿಮಿಷದಲ್ಲಿ ಪ್ರಯಾಣಿಸುವಂತಾದರೆ ಅದು ಅಭಿವೃದ್ಧಿಪೂರಕ. ಕೇಂದ್ರ ಸರ್ಕಾರವು ಸೇತುವೆ, ಸುರಂಗ, ಎಕ್ಸ್ಪ್ರೆಸ್ವೇ ಇತ್ಯಾದಿಗಳನ್ನು ನಿರ್ಮಿಸಿ ಮೂಲಸೌಕರ್ಯ ಕ್ರಾಂತಿ ಮಾಡುತ್ತಿದೆ. ಪ್ರಯಾಣದ ಅವಧಿ ಗಣನೀಯವಾಗಿ ಕಡಿಮೆ ಆಗುತ್ತಿದೆ.
- Vijaya Sarathy SN
- Updated on: Sep 24, 2026
- 11:52 am
ಆಂಧ್ರ ಸರ್ಕಾರದ ನೀತಿಗಳ ಪ್ರಚಾರಕ್ಕೆ ಸೋಷಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್ಗಳ ಬಳಕೆ; ಹೊಸ ನೀತಿಗೆ ಸಂಪುಟ ಅನುಮೋದನೆ
ಆಂಧ್ರ ಸರ್ಕಾರ ತನ್ನ ಜನಕಲ್ಯಾಣ ಯೋಜನೆಗಳ ಬಗ್ಗೆ ಮಾಹಿತಿಯನ್ನು ಜನರಿಗೆ ತಲುಪಿಸಲು ಹೊಸ ಪ್ಲಾನ್ ಮಾಡಿದೆ. ಸೋಷಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್ಗಳನ್ನು ಪ್ರಚಾರಕ್ಕಾಗಿ ಬಳಸಲು ಹೊರಟಿದೆ. ಈ ನಿಟ್ಟಿನಲ್ಲಿ ಹೊಸ ನೀತಿಯೊಂದನ್ನು ರೂಪಿಸಿದ್ದು, ಆಂಧ್ರ ಸಂಪುಟ ಅನುಮೋದನೆ ನೀಡಿದೆ. ಈ ನೀತಿ ಪ್ರಕಾರ, ಫಾಲೋಯರ್ಸ್ ಮಾನದಂಡದ ಪ್ರಕಾರ ಗೌರವಧನ ನೀಡಲಾಗುತ್ತದೆ.
- Vijaya Sarathy SN
- Updated on: Sep 23, 2026
- 7:38 pm
ಚುನಾವಣಾ ಆಯೋಗದಲ್ಲಿ ಭಿನ್ನಾಭಿಪ್ರಾಯ ಮೂಡಿದರೆ ಯಾರ ತೀರ್ಮಾನ ಅಂತಿಮ? ಸಿಇಸಿ, ಇಸಿಗಳ ಅಧಿಕಾರ, ನಿಯಮಗಳಿವು
ಚುನಾವಣಾ ಆಯೋಗದಲ್ಲಿ ಮುಖ್ಯ ಚುನಾವಣಾ ಆಯುಕ್ತರು ಏಕಪಕ್ಷೀಯ ತೀರ್ಮಾನಗಳನ್ನು ಕೈಗೊಳ್ಳುತ್ತಿದ್ದಾರೆ ಎನ್ನುವ ಆರೋಪ ಇದೆ. ಮೂವರು ಸದಸ್ಯರಿರುವ ಆಯೋಗದಲ್ಲಿ ಇಸಿಗಳ ಅಭಿಪ್ರಾಯ ಲೆಕ್ಕಿಸದೆ ಸಿಇಸಿ ತೀರ್ಮಾನ ತೆಗೆದುಕೊಳ್ಳುತ್ತಿದ್ದಾರೆ ಎನ್ನುವುದು ಆರೋಪ. ಚುನಾವಣಾ ಆಯುಕ್ತರು ಈ ವಿಚಾರದಲ್ಲಿ ಅಪಸ್ವರ ಹೊರಡಿಸಿದ್ದಾರೆ ಎಂದು ಮಾಧ್ಯಮಗಳಲ್ಲಿ ವರದಿಯಾಗಿದೆ. ಈ ಕುರಿತು ಕಾನೂನು ಏನು ಹೇಳುತ್ತದೆ?
- Vijaya Sarathy SN
- Updated on: Sep 23, 2026
- 6:46 pm
ಹುರುನ್ ಇಂಡಿಯಾ ರಿಚ್ ಲಿಸ್ಟ್ 2026: ಮುಕೇಶ್ ಅಂಬಾನಿ ಹಿಂದಿಕ್ಕಿ ಮೊದಲ ಸ್ಥಾನ ಪಡೆದ ಗೌತಮ್ ಅದಾನಿ
M3M ಹುರುನ್ ಇಂಡಿಯಾ ರಿಚ್ ಲಿಸ್ಟ್ 2026ರಲ್ಲಿ ಮುಕೇಶ್ ಅಂಬಾನಿ ಅವವನ್ನು ಹಿಂದಿಕ್ಕಿದ ಗೌತಮ್ ಅದಾನಿ 9.23 ಲಕ್ಷ ಕೋಟಿ ರೂಪಾಯಿ ನಿವ್ವಳ ಸಂಪತ್ತಿನೊಂದಿಗೆ ದೇಶದ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿ ಅಗ್ರಸ್ಥಾನ ಪಡೆದಿದ್ದಾರೆ. ಅದಾನಿ ಕುಟುಂಬದ ಸಂಪತ್ತು 13% ಹೆಚ್ಚಳ ಕಂಡಿದ್ದರೆ, ಅಂಬಾನಿ ಕುಟುಂಬದ ಸಂಪತ್ತು 10% ಇಳಿಕೆಯಾಗಿದೆ. 93% ಸಂಪತ್ತು ಹೆಚ್ಚಳದೊಂದಿಗೆ ಎಂಟು ಸ್ಥಾನಗಳಷ್ಟು ಮೇಲೇರಿರುವ ಮಿತ್ತಲ್ ಕುಟುಂಬ ಮೂರನೇ ಸ್ಥಾನಕ್ಕೇರಿದೆ.
- Prasanna Hegde
- Updated on: Sep 23, 2026
- 6:19 pm
ಭಾರತದ ರಾಜ್ಯ ರಾಜ್ಯಗಳ ಅಭಿವೃದ್ಧಿಯಲ್ಲಿ ವ್ಯತ್ಯಯಗಳಿರುವುದು ಯಾಕೆ? ಅಲ್ಲಿದೆ ಸ್ವಾತಂತ್ರ್ಯಪೂರ್ವದ ಇತಿಹಾಸದ ಪ್ರಭಾವ
Santosh Nair's article in 'Your India' series: 1947ರಲ್ಲಿ ಭಾರತಕ್ಕೆ ಸ್ವಾತಂತ್ರ್ಯ ಬಂದಾಗ 565 ಸಂಸ್ಥಾನಗಳು ಒಕ್ಕೂಟಕ್ಕೆ ಸೇರಿಕೊಂಡವು. ಸರ್ದಾರ್ ಪಟೇಲ್ ಮತ್ತು ವಿ.ಪಿ. ಮೆನನ್ ಅವರ ವಿಲೀನದಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಕೇರಳದಂತಹ ಕೆಲವು ಸಂಸ್ಥಾನಗಳು ಸ್ವಾತಂತ್ರ್ಯಪೂರ್ವದಲ್ಲೇ ಶಿಕ್ಷಣ, ಆರೋಗ್ಯದಲ್ಲಿ ಮುಂಚೂಣಿಯಲ್ಲಿದ್ದರೆ, ಇನ್ನು ಕೆಲವು ಹಿಂದುಳಿದಿದ್ದವು. ಈ ಐತಿಹಾಸಿಕ ಅಂತರವು ಇಂದಿಗೂ ರಾಜ್ಯಗಳ ಅಭಿವೃದ್ಧಿ, ಪ್ರಗತಿಯ ಮೇಲೆ ಪರಿಣಾಮ ಬೀರುತ್ತಿದೆ. ರಾಜ್ಯಗಳ ಪ್ರಸ್ತುತ ಸ್ಥಿತಿಯನ್ನು ಅರ್ಥಮಾಡಿಕೊಳ್ಳಲು ಅವುಗಳ ಆರಂಭಿಕ ಇತಿಹಾಸವನ್ನು ಗಮನಿಸುವುದು ಮುಖ್ಯ.
- Santosh Nair
- Updated on: Sep 23, 2026
- 1:15 pm
ರೋಗಿಗಳ ಸುರಕ್ಷತೆಯೇ ಮೊದಲ ಆದ್ಯತೆ, ನಕಲಿಯಾಗಿರುವ ಬ್ಯಾಚ್ನ ಔಷಧಗಳು ವಾಪಸ್: ಫೈಜರ್ ಇಂಡಿಯಾ ಘೋಷಣೆ
ಕರ್ನಾಟಕದ ನಕಲಿ ಔಷಧ ಪ್ರಕರಣದ ತನಿಖೆಗೆ ಔಷಧ ತಯಾರಿಕಾ ಕಂಪನಿ ಫೈಜರ್ ಇಂಡಿಯಾ ಪ್ರತಿಕ್ರಿಯಿಸಿದ್ದು, ರೋಗಿಗಳ ಸುರಕ್ಷತೆ ಮತ್ತು ಔಷಧಗಳ ಗುಣಮಟ್ಟವೇ ಮೊದಲ ಆದ್ಯತೆ ಎಂದು ತಿಳಿಸಿದೆ. ಅಧಿಕಾರಿಗಳೊಂದಿಗೆ ಕಳೆದ ಒಂದು ತಿಂಗಳಿಂದ ತನಿಖೆಗೆ ಸಹಕರಿಸುತ್ತಿದ್ದು, ನಕಲಿ ಔಷಧ ಗುರುತಿಸುವಿಕೆ ಸೇರಿದಂತೆ ಹಲವು ಕ್ರಮ ಕೈಗೊಂಡಿರುವುದಾಗಿ ಕಂಪನಿ ಹೇಳಿದೆ.
- Ganapathi Sharma
- Updated on: Sep 23, 2026
- 1:08 pm
