Bomb Threat: ಸ್ಪೈಸ್​ ಜೆಟ್​ ವಿಮಾನಕ್ಕೆ ಬಾಂಬ್ ಬೆದರಿಕೆ ಕರೆ, ವಿಮಾನ ಪರಿಶೀಲಿಸಿದ ಪೊಲೀಸ್, ಭದ್ರತಾ ಸಿಬ್ಬಂದಿ

ನವದೆಹಲಿ: ದೆಹಲಿ-ಪುಣೆ ನಡುವೆ ಸಂಚರಿಸುವ ಸ್ಪೈಸ್ ​ಜೆಟ್​ ವಿಮಾನಕ್ಕೆ ಬಾಂಬ್ ಬೆದರಿಕೆ ಕರೆ ಬಂದಿದೆ. ದೆಹಲಿಯ ಇಂದಿರಾಗಾಂಧಿ ವಿಮಾನ ನಿಲ್ದಾಣದಿಂದ (Delhi Airport) ಸ್ಪೈಸ್ ​ಜೆಟ್ ವಿಮಾನ ಟೇಕಾಫ್ ಆಗುವುದಕ್ಕೂ ಮೊದಲು ಬೆದರಿಕೆ ಕರೆ ಬಂದಿದೆ. ಕೂಡಲೇ ಪೊಲೀಸರು ಹಾಗೂ ಭದ್ರತಾ ಸಿಬ್ಬಂದಿ ವಿಮಾನವನ್ನು ಪರಿಶೀಲಿಸಿದರು. ಆದ್ರೆ, ಸ್ಫೋಟಕ ಪತ್ತೆಯಾಗಿಲ್ಲದಿರುವುದರಿಂದ ಇದೊಂದು ಹುಸಿ ಬೆದರಿಕೆ ಕರೆ ಎಂದು ದೆಹಲಿ ಪೊಲೀಸರು ದೃಢಪಡಿಸಿದ್ದಾರೆ.