Fact Check: ಅನಾಥ ಬಾಲಕಿಗೆ ಉತ್ತರಪ್ರದೇಶದ ಸಿಎಂ ಯೋಗಿ ಆದಿತ್ಯನಾಥ ಸಹಾಯ ಹಸ್ತ, ವೈರಲ್ ಚಿತ್ರದ ಸತ್ಯಾಸತ್ಯತೆ ಏನು?
Uttar Pradesh CM Yogi Adityanath: ವೈರಲ್ ಚಿತ್ರದ ಒಕ್ಕಣೆ ಹೀಗಿದೆ 'ನಿನ್ನೆ ಕಾಶಿಗೆ ಭೇಟಿ ನೀಡಿದಾಗ ಯೋಗಿಯವರು ಮಗು ಅಳುತ್ತಿರುವುದನ್ನು ನೋಡಿದ್ದಾರೆ. ಅವರು ಮಗುವಿಗೆ ಬಳಿಗೆ ಹೋಗಿ ಕಾರಣ ಕೇಳಿದಾಗ ಪೋಷಕರು ನಿಧನರಾಗಿದ್ದಾರೆ ಎಂದು ಮಗು ಹೇಳಿತ್ತು.
ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ ಅವರು ಮಗುವಿನೊಂದಿಗೆ ಸಂವಹನ ನಡೆಸುತ್ತಿರುವ ಫೋಟೊವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದ್ದು, ಅನಾಥರಾಗಿದ್ದ ಮಗುವಿಗೆ ಬೆಂಬಲ ನೀಡುವುದಾಗಿ ಯುಪಿ ಸಿಎಂ ಭರವಸೆ ನೀಡಿದ್ದಾರೆ ಎಂಬ ಶೀರ್ಷಿಕೆ ಈ ಚಿತ್ರಕ್ಕೆ ನೀಡಲಾಗಿದೆ. ಆದರೆ ಯೋಗಿ ಆದಿತ್ಯನಾಥ ಅವರು 2019 ರಲ್ಲಿ ಗೋರಖ್‌ಪುರದಲ್ಲಿ ವಾಂಟಂಗಿಯಾ ಸಮುದಾಯದ ಸದಸ್ಯರೊಂದಿಗೆ ದೀಪಾವಳಿಯನ್ನು ಆಚರಿಸಿದಾಗ ತೆಗೆದ ಚಿತ್ರ ಇದಾಗಿದೆ ಎಂದು ಬೂಮ್ ಲೈವ್ ಫ್ಯಾಕ್ಟ್ ಚೆಕ್ ಮಾಡಿದೆ.
ಪ್ರಧಾನಿ ನರೇಂದ್ರ ಮೋದಿಯವರು ತಮ್ಮ ಸಂಸದೀಯ ಕ್ಷೇತ್ರ ವಾರಣಾಸಿಗೆ ಭೇಟಿ ನೀಡುವ ಮುನ್ನ ಉತ್ತರ ಪ್ರದೇಶದ ಮುಖ್ಯಮಂತ್ರಿ ಜುಲೈ 5 ರಂದು ನಗರಕ್ಕೆ ಭೇಟಿ ನೀಡಿ ಅಲ್ಲಿ ನಡೆಯುತ್ತಿರುವ ಯೋಜನೆಗಳನ್ನು ಪರಿಶೀಲಿಸಿದ್ದರು.ಇದರ ಬೆನ್ನಲ್ಲೇ ಈ ಚಿತ್ರ ವೈರಲ್ ಆಗಿದೆ. ವೈರಲ್ ಚಿತ್ರದ ಒಕ್ಕಣೆ ಹೀಗಿದೆ ‘ನಿನ್ನೆ ಕಾಶಿಗೆ ಭೇಟಿ ನೀಡಿದಾಗ ಯೋಗಿಯವರು ಮಗು ಅಳುತ್ತಿರುವುದನ್ನು ನೋಡಿದ್ದಾರೆ. ಅವರು ಮಗುವಿಗೆ ಬಳಿಗೆ ಹೋಗಿ ಕಾರಣ ಕೇಳಿದಾಗ ಪೋಷಕರು ನಿಧನರಾಗಿದ್ದಾರೆ ಎಂದು ಮಗು ಹೇಳಿತ್ತು . ನಾನು ಮಾಮಾ ಜತೆ ವಾಸಿಸುತ್ತಿದ್ದೆ, ನಿನ್ನೆ ಅವರು ಕೂಡ ತೀರಿ ಹೋದರು ಎಂದು ಮಗು ಹೇಳಿದಾಗ ಯೋಗಿ ಬೇಟಾ ಇವತ್ತಿನಿಂದ ನಾನೇ ನಿನ್ನ ಮಾಮಾ ಎಂದರು. ಆಮೇಲೆ ಮಗು ಕೆಲಸ ಪಡೆಯುವವರೆಗೂ ಆಕೆಯ ಆಹಾರ ಮತ್ತು ಶಿಕ್ಷಣದ ಖರ್ಚನ್ನು ಸಿಎಂ ನಿಧಿಯಿಂದ ನೋಡಿಕೊಳ್ಳುವಂತೆ ಜಿಲ್ಲಾ ಮೆಜಿಸ್ಟ್ರೇಟ್ ಗೆ ಆದೇಶಿಸಿದರು. ಫೇಸ್ಬುಕ್ನಲ್ಲಿಯೂ ಈ ಫೋಟೊ ವೈರಲ್ ಆಗಿದೆ.
Yesterday Yogi in Kashi visit saw a child crying.He went to child & asked the reason.Child said my parents died.I was staying with Mama,yesterday he also d!ed. Yogi Said “Beta from 2day I am ur Mama”He ordered DM to take care of his food & education from CM fund till he gets job. pic.twitter.com/ffADFoKWwr
— Piyush Singh (@PiyushTweets1) July 6, 2021
ಫ್ಯಾಕ್ಟ್ ಚೆಕ್
ಈ ವೈರಲ್ ಇಮೇಜ್ನ್ನು ಗೂಗಲ್ ಇಮೇಜ್ನಲ್ಲಿ ರಿವರ್ಸ್ ಸರ್ಚ್ ಮಾಡಿದಾಗ ಲೈವ್ ಹಿಂದೂಸ್ತಾನ್ ನಲ್ಲಿ 2019 ಅಕ್ಟೋಬರ್27ರಂದು ಪ್ರಕಟವಾದ ವರದಿಯಲ್ಲಿ ಈ ಚಿತ್ರ ಬಳಕೆ ಆಗಿದೆ. ಉತ್ತರಪ್ರದೇಶದ ಅರಣ್ಯದಲ್ಲಿ ವಾಸಿಸುವ ಬುಡಕಟ್ಟು ಜನಾಂಗದ ವಂಟಂಗಿಯಾ ಸಮುದಾಯದ ಸದಸ್ಯರೊಂದಿಗೆ ದೀಪಾವಳಿ ಆಚರಿಸಲು ಮುಖ್ಯಮಂತ್ರಿ ಗೋರಖ್‌ಪುರಕ್ಕೆ ಆಗಮಿಸಿದ್ದರು ಎಂದು ಲೈವ್ ಹಿಂದೂಸ್ತಾನ್ ವರದಿ ತಿಳಿಸಿದೆ.
ಯೋಗಿ ಆದಿತ್ಯನಾಥ ಅನೇಕ ವರ್ಷಗಳಿಂದ ವಂಟಂಗಿಯಾಗಳೊಂದಿಗೆ ದೀಪಾವಳಿಯನ್ನು ಆಚರಿಸುತ್ತಿದ್ದಾರೆ ಎಂದು ಉಲ್ಲೇಖಿಸಿರುವ ಹಲವಾರು ಇತರ ವರದಿಗಳನ್ನು ಬೂಮ್ ಕಂಡುಹಿಡಿದಿದೆ. 2019 ರಲ್ಲಿ ಪಂಜಾಬ್ ಕೇಸರಿಯಲ್ಲಿ ಪ್ರಕಟವಾದ ವರದಿಯಲ್ಲಿಯೂ ಇದೇ ಚಿತ್ರವಿದೆ.
ವೈರಲ್ ಚಿತ್ರದಲ್ಲಿ ಉತ್ತರ ಪ್ರದೇಶ ಮುಖ್ಯಮಂತ್ರಿಯೊಂದಿಗೆ ಕಂಡ ಯಾರು ಎಂಬುದು ಪತ್ತೆಯಾಗಿಲ್ಲ.ಆದರೆ ಈ ಫೋಟೋವನ್ನು ಒಳಗೊಂಡಿರುವ 2019 ರ ಯಾವುದೇ ಸುದ್ದಿ ವರದಿಗಳಲ್ಲಿ ಮಗು ಅನಾಥ ಅಥವಾ ಮುಖ್ಯಮಂತ್ರಿ ಮಗುವಿಗೆ ಆರ್ಥಿಕವಾಗಿ ಸಹಾಯ ಮಾಡುವುದಾಗಿ ಹೇಳಿರುವ ಬಗ್ಗೆ ಯಾವುದೇ ವಿವರಗಳಿಲ್ಲ.
ಇದನ್ನೂ ಓದಿ: Fact Check: ಟೋಕಿಯೊ ಒಲಿಂಪಿಕ್ ಸ್ವಯಂಸೇವಕರಿಗೆ ನೀಡುವ ಪದಕದಲ್ಲಿ ದೇವನಾಗರಿ ಲಿಪಿಯಲ್ಲಿ ಸ್ವಯಂಸೇವಕ್ ಎಂದು ಕೆತ್ತಲಾಗಿದೆಯೇ?
(Fact Check Uttar Pradesh CM Yogi Adityanath seen interacting with a child is viral With False Narrative)