ಇದು ಹೊಟೇಲ್ ರೂಮ್ ಅಲ್ಲ, ರೈಲಿನ ಚಿತ್ರ! ಈ ಐಷಾರಾಮಿ ರೈಲು ಪ್ರಯಾಣ ಹೇಗಿರುತ್ತದೆ? ಟಿಕೆಟ್ ದರ ಎಷ್ಟು? ಇಲ್ಲಿದೆ ವಿವರ
ಈ ರೈಲು ಕೋಚ್ ಪ್ರಯಾಣ ಹೇಗಿರುತ್ತದೆ ಎಂದು ಅರ್ಥ ಮಾಡಿಕೊಳ್ಳಲು ನೀವು ಈ ಚಿತ್ರ ನೋಡಬಹುದು. ಇವುಗಳೆಲ್ಲಾ ಯಾವುದೋ ಹೋಟೆಲ್ನ ರೂಮ್ಗಳಲ್ಲ, ಬದಲಾಗಿ ರೈಲಿನ ಕೋಚ್ಗಳು.
ಎಲ್ಲಾ ರೀತಿಯ ಪ್ರಯಾಣಿಕರಿಗೂ ಸೂಕ್ತ ಸೌಲಭ್ಯ ಒದಗಿಸುವ ಭಾರತೀಯ ರೈಲ್ವೇ ಇಲಾಖೆ, ಐಷಾರಾಮಿ ಪ್ರಯಾಣ ಮಾಡಲು ಬಯಸುವವರಿಗೆ ಕೂಡ ಬೇಕಾದ ಅವಕಾಶ ಕೊಡುತ್ತದೆ. ಚಕ್ರದ ಮೇಲಿನ ಸುಂದರ ಮನೆಯಲ್ಲೇ ಪ್ರಯಾಣಿಸಲು ಅನುಕೂಲ ಮಾಡಿಕೊಡುತ್ತದೆ. ಅಂತಹ ಒಂದು ಆಯ್ಕೆಯೇ ಸಲೊನ್ ಕೋಚ್. ಈ ರೈಲು ಕೋಚ್ ಪ್ರಯಾಣ ಹೇಗಿರುತ್ತದೆ ಎಂದು ಅರ್ಥ ಮಾಡಿಕೊಳ್ಳಲು ನೀವು ಈ ಚಿತ್ರ ನೋಡಬಹುದು. ಇವುಗಳೆಲ್ಲಾ ಯಾವುದೋ ಹೋಟೆಲ್ನ ರೂಮ್ಗಳಲ್ಲ, ಬದಲಾಗಿ ರೈಲಿನ ಕೋಚ್ಗಳು.
ಸಲೊನ್ಗಳು ಎಂದರೆ ಐಷಾರಾಮಿ ಕಂಪಾರ್ಟ್ಮೆಂಟ್ಗಳು. ಇವುಗಳನ್ನು ಸೀಟ್ಗಳನ್ನಾಗಿ ಬುಕ್ ಮಾಡಲು ಆಗುವುದಿಲ್ಲ. ಬದಲಾಗಿ ಕಂಪಾರ್ಟ್ಮೆಂಟ್ ಬುಕ್ ಮಾಡಬೇಕಾಗುತ್ತದೆ. ಈ ಐಷಾರಾಮಿ ಕಂಪಾರ್ಟ್ಮೆಂಟ್ ರೈಲಿನಲ್ಲಿ ಪ್ರಯಾಣಿಕರು ದೂರದೂರಕ್ಕೆ ಪ್ರಯಾಣ ಬೆಳೆಸಬಹುದು. ಒಂದು ಅಥವಾ ಎರಡು ಇಂತಹ ಕೋಚ್ಗಳನ್ನು ಯಾವುದೇ ರೈಲಿಗೆ ಅಳವಡಿಸಲಾಗುತ್ತದೆ. ಕೆಲವೊಮ್ಮೆ ಇಂತಹ ಎರಡು ಕೋಚ್ಗಳು ಮಾತ್ರ ಹೊಂದಿರುವ ರೈಲು ಕೂಡ ಪ್ರಯಾಣ ಮಾಡುತ್ತದೆ. ಈ ಮೊದಲು ಈ ಕೋಚ್ನ್ನು ರೈಲ್ವೇ ಅಧಿಕಾರಿಗಳು ಬಳಸುತ್ತಿದ್ದರು.
ಈ ಕೋಚ್ಗಳಲ್ಲಿ ಆಸನ ವ್ಯವಸ್ಥೆ ಇರುವುದಿಲ್ಲ. ಬದಲಾಗಿ ರೂಮ್ ಇರುತ್ತದೆ. ಈ ರೂಮ್ಗಳಲ್ಲಿ ಸೋಫಾ, ಬೆಡ್, ಕಿಚನ್, ಐಷಾರಾಮಿ ವಾಶ್ ರೂಮ್ ವ್ಯವಸ್ಥೆ ಇರುತ್ತದೆ. ಇದು ಶ್ರೀಮಂತ ಹೊಟೇಲ್ನಂತೆ ಇರುತ್ತದೆ. ಒಳ್ಳೆಯ ಹೊಟೇಲ್ ಒಂದರಲ್ಲಿ ಉಳಿದುಕೊಂಡಂತೆ ಪ್ರಯಾಣಿಕರಿಗೆ ಅನುಭವ ಸಿಗುತ್ತದೆ. ಈಗ ಈ ಕೋಚ್ ಸಾಮಾನ್ಯರಿಗೂ ಲಭ್ಯವಿದೆ.
ಈ ಕೋಚ್ನ ರೈಲು ಪ್ರಯಾಣದ ಟಿಕೆಟ್ ದರ ಸಾಮಾನ್ಯ ಸೀಟ್ಗಿಂತ ಬಹಳ ಹೆಚ್ಚಿರುತ್ತದೆ. ಈ ಕೋಚ್ಗಳು ಪರಿಚಯಿಸಿದಾಗ ಈ ಕೋಚ್ ಪ್ರಯಾಣ ದರ ಒಂದು ಕುಟುಂಬಕ್ಕೆ ಸುಮಾರು 2 ಲಕ್ಷ ರೂಪಾಯಿ ಆಗಿತ್ತು. ಈ ಟಿಕೆಟ್ ತೆತ್ತು ದೆಹಲಿಯಿಂದ ಕಾತ್ರಾಗೆ ಪ್ರಯಾಣ ಮಾಡಬಹುದಿತ್ತು.
ಒಂದು ರಾತ್ರಿಯ ಪ್ರಯಾಣಕ್ಕೆ ಒಂದು ಕುಟುಂಬದ ಸದಸ್ಯರು ಅಂದರೆ, 3- 4 ಮಂದಿ ಸುಮಾರು 2 ಲಕ್ಷ ರೂಪಾಯಿ ಖರ್ಚು ಮಾಡಬೇಕಾಗಿ ಬರಬಹುದು.