ಇಸ್ರೋದಿಂದ ಕ್ವಾಂಟಂ ತಂತ್ರಜ್ಞಾನ ಆಧಾರಿತ ಮಾಹಿತಿ ಹಂಚಿಕೆ ಪ್ರಾತ್ಯಕ್ಷಿಕೆ; ದೇಶದಲ್ಲಿ ಇದೇ ಮೊದಲು

ಅಹಮದಾಬಾದ್: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯಲ್ಲಿ (ಇಸ್ರೋ) ಸೋಮವಾರ 300 ಮೀಟರ್​ಗಳ ಮುಕ್ತ ಕ್ವಾಂಟಂ ಮಾಹಿತಿ ಹಂಚಿಕೆಯ ಪ್ರಾತ್ಯಕ್ಷಿಕೆ ನಡೆಯಿತು. ದೇಶದಲ್ಲಿ ಇದೇ ಮೊದಲ ಬಾರಿಗೆ ಇಂಥದ್ದೊಂದು ಪ್ರಯೋಗ ನಡೆಯಿತು. ಈ ಪ್ರಾತ್ಯಕ್ಷಿಕೆಯಲ್ಲಿ ಅಹ್ಮದಾಬಾದ್​ನಲ್ಲಿ ಇರುವ ಸ್ಪೇಸ್ ಅಪ್ಲಿಕೇಷನ್ ಕೇಂದ್ರದ ಎರಡು ಲೈನ್-ಆಫ್-ಸೈಟ್ ಕಟ್ಟಡದ ಮಧ್ಯೆ ಕ್ವಾಂಟಂನ ಎನ್​ಕ್ರಿಪ್ಟೆಡ್ ಮುಖ್ಯ ಸಂದೇಶಗಳ ಜತೆಗೆ ನೇರ ವಿಡಿಯೋ ಕಾನ್ಫರೆನ್ಸಿಂಗ್ ಕೂಡ ಇತ್ತು. ಈ ಪ್ರಯೋಗವು ಅತ್ಯಂತ ಪ್ರಮುಖವಾದದ್ದು ಏಕೆಂದರೆ, ಭವಿಷ್ಯದಲ್ಲಿ ಉಪಗ್ರಹಗಳು ಮತ್ತು ಭೂಮಿ ಮೇಲಿನ ಕೇಂದ್ರದ ಮಧ್ಯೆ ಕ್ವಾಂಟಂ ಕೀ ಎನ್​ಕ್ರಿಪ್ಟೆಡ್ ಡೇಟಾ ಟ್ರಾನ್ಸ್​ಮಿಷನ್​ಗೆ ಈ ಪ್ರಯೋಗವು ಆಧಾರವಾಗಲಿದೆ. ಉಪಗ್ರಹ ಆಧಾರಿತ ಕ್ವಾಂಟಂ ಎನ್​ಕ್ರಿಪ್ಟೆಡ್ ಸಂವಹನ ಬಳಸಿಕೊಂಡು, ರಹಸ್ಯ ಸಂದೇಶಗಳನ್ನು ಹಂಚಿಕೊಳ್ಳುವುದಕ್ಕೆ ಜಾಲವನ್ನು (ನೆಟ್​ವರ್ಕ್) ರೂಪಿಸಬಹುದಾಗಿದೆ.

ಕ್ವಾಂಟಂ ತಂತ್ರಜ್ಞಾನ ಬಳಸಿಕೊಂಡು ರಾಜಿಯಾಗದಂಥ ಸುರಕ್ಷಿತ ಉಪಗ್ರಹ ಡೇಟಾ ಸಂವಹನಕ್ಕೆ ಇದು ತುಂಬ ಪ್ರಮುಖವಾದ ಸಾಧನೆಯ ಮೈಲುಗಲ್ಲಾಗಿದೆ ಎಂದು ಇಸ್ರೋ ಹೇಳಿದೆ. ಕ್ವಾಂಟಂ ಕ್ರಿಪ್ಟೋಗ್ರಫಿ ಎಂಬುದು ಭವಿಷ್ಯಕ್ಕೆ ಸಾಕ್ಷ್ಯವಾಗಿದ್ದು, ಯಾವುದೇ ಡೇಟಾ ಟ್ರಾನ್ಸ್​ಮಿಷನ್ ಕೂಡ ಎನ್​ಕ್ರಿಪ್ಷನ್ ಆದ ಮೇಲೆ ಸದ್ಯಕ್ಕಿರುವ ಕಂಪ್ಯೂಟರ್​ಗಳಿಂದ ಭೇದಿಸುವುದಕ್ಕೆ ಸಾಧ್ಯವಿಲ್ಲ. ಈಗಿರುವ ಡೇಟಾ ಭದ್ರತೆಯು ಬ್ಯಾಂಕಿಂಗ್​ನಂಥ ಸೂಕ್ಷ್ಮ ಮಾಹಿತಿಗೆ ಪ್ರೈಮ್ ಫ್ಯಾಕ್ಟರೈಸೇಷನ್ ಸಮಸ್ಯೆಯಿದೆ. ಈಗಿರುವ ಕಂಪ್ಯೂಟರ್​ಗಳು ಪ್ರೈಮ್ ಫ್ಯಾಕ್ಟರ್ 6 ಆಗಿದ್ದು 2 ಮತ್ತು 3 ಹೇಳಬಲ್ಲದು. ಆದರೆ ಈ ತನಕ ದೊಡ್ಡ ಸಂಖ್ಯೆ ಹೇಳಲು ಸಾಧ್ಯವಾಗಿಲ್ಲ.

ಇದಕ್ಕಾಗಿ ಕ್ವಾಂಟಂ ಕಂಪ್ಯೂಟರ್ಸ್ ಅಗತ್ಯವಿದೆ. ಇದನ್ನು ಹೇಗೆ ಅಭಿವೃದ್ಧಿ ಪಡಿಸುವುದು ಎಂಬ ಬಗ್ಗೆ ಯಾವ ದೇಶವೂ ದಾರಿ ಕಂಡುಕೊಂಡಿಲ್ಲ. ಆದರೆ ಅವರೆಲ್ಲರೂ ಆ ಓಟದಲ್ಲಿದ್ದಾರೆ. ನಮ್ಮ ಸುತ್ತ ಇರುವ ಕಂಪ್ಯೂಟರ್​ಗಳು ಸಿಲಿಕಾನ್ ಟ್ರಾನ್​ಸಿಸ್ಟರ್ಸ್​ನಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದು, ಬಿಟ್ಸ್​ನಲ್ಲಿ ಮಾಹಿತಿ ಸಂಗ್ರಹಿಸುತ್ತದೆ. ಆದರೆ ಕ್ವಾಂಟಂ ಕಂಪ್ಯೂಟರ್​ಗಳು ಕ್ಯುಬಿಟ್ಸ್ ಬಳಸುತ್ತವೆ. ಅದು ಪ್ರೋಟಾನ್ ಅಥವಾ ಎಲೆಕ್ಟ್ರಾನ್- ಅದು , 1 ಅಥವಾ ಯಾವುದೇ ಅದ್ಭುತ ಸಂಯೋಜನೆಯಾದ 0 ಮತ್ತು 1 ಆಗಿರುತ್ತದೆ. ಇದೀಗ ಇಸ್ರೋ ಭಾರತದ ಎರಡು ಕೇಂದ್ರದ ಮಧ್ಯೆ ತಂತ್ರಜ್ಞಾನ ಪ್ರಾತ್ಯಕ್ಷಿಕೆ ನೀಡಿದೆ.

NavIC ರಿಸೀವರ್ ಟ್ರಾನ್​ಮಿಟರ್ ಮತ್ತು ರಿಸೀವರ್ ಮಾಡ್ಯುಲ್ (ಮಾದರಿ)ಗಳ ಸಮಯ ಹೊಂದಾಣಿಕೆ ಸೇರಿದಂತೆ ಹಲವಾರು ಮುಖ್ಯ ತಂತ್ರಜ್ಞಾನಗಳನ್ನು ದೇಶೀಯವಾಗಿ ಪ್ರಾತ್ಯಕ್ಷಿಕೆಗೆ ಅಭಿವೃದ್ಧಿಪಡಿಸಲಾಗಿದೆ. NavIC ಅಥವಾ ನೇವಿಗೇಷನ್ ವಿಥ್ ಇಂಡಿಯನ್ ಕಾನ್​ಸ್ಟಲೇಷನ್ ಎಂಬುದು ಭಾರತದ ಪ್ರಾದೇಶೀಕ ಮಾದಿಯ ಉಪಗ್ರಹ ಆಧಾರಿತ ಪೊಸಿಷನಿಂಗ್ ಸಿಸ್ಟಮ್.