ಟಿಕೆಟ್ ವಿಂಡೋ ಮಹಾರಾಷ್ಟ್ರದಲ್ಲಿ, ಸ್ಟೇಷನ್ ಮಾಸ್ಟರ್ ಇರುವುದು ಗುಜರಾತ್‌ನಲ್ಲಿ; ಎರಡು ರಾಜ್ಯಗಳಿಗೆ ಸೇರಿದ ರೈಲು ನಿಲ್ದಾಣ ನೋಡಿದ್ದೀರಾ?
ಈ ನಿಲ್ದಾಣದಲ್ಲಿ ಒಂದು ಬೆಂಚ್ ಕೂಡ ಇದೆ. ಈ ಬೆಂಚ್ ನ ಅರ್ಧದಷ್ಟು ಭಾಗ ಮಹಾರಾಷ್ಟ್ರ ಮತ್ತು ಉಳಿದರ್ಧ ಗುಜರಾತ್‌ನಲ್ಲಿದೆ. ಈ ಬೆಂಚಿನ ಮೇಲೆ ಕುಳಿತವರು ಯಾವ ರಾಜ್ಯದಲ್ಲಿ ಕುಳಿತಿದ್ದಾರೆ ಎಂಬುದನ್ನು ಗಮನಿಸಬೇಕು.
ಮಹಾರಾಷ್ಟ್ರದ (Maharashtra) ನಂದೂರ್‌ಬಾರ್‌ನಲ್ಲಿ ನವಾಪುರ್ ರೈಲು ನಿಲ್ದಾಣ (Navapur railway station) ಎಂಬ ರೈಲು ನಿಲ್ದಾಣವಿದೆ. ಇದರ ವಿಶೇಷತೆ ಏನೆಂದರೆ ಅದರ ಒಂದು ಭಾಗವು ಗುಜರಾತ್‌ನ (Gujarat) ತಾಪಿ ಜಿಲ್ಲೆಯಲ್ಲಿ ಮತ್ತು ಇನ್ನೊಂದು ಭಾಗವು ಮಹಾರಾಷ್ಟ್ರದ ನಂದೂರ್‌ಬಾರ್ ಜಿಲ್ಲೆಯಲ್ಲಿದೆ ಎಂದು ಎಎನ್ಐ ಸುದ್ದಿಸಂಸ್ಥೆ ವರದಿ ಮಾಡಿದೆ. ಗುಜರಾತ್ ಮತ್ತು ಮಹಾರಾಷ್ಟ್ರದ ಗಡಿಯನ್ನು ಒಳಗೊಂಡಿರುವ ಏಕೈಕ ರೈಲು ನಿಲ್ದಾಣ ಇದಾಗಿದೆ. ನವಾಪುರ್ ರೈಲು ನಿಲ್ದಾಣ ಎರಡು ರಾಜ್ಯಗಳಿಗೆ ಸೇರಿರುವುದರ ಹಿಂದೆ ಒಂದು ಕಥೆಯಿದೆ. ನಿಲ್ದಾಣವನ್ನು ನಿರ್ಮಿಸಿದಾಗ ಮಹಾರಾಷ್ಟ್ರ ಮತ್ತು ಗುಜರಾತ್ ವಿಭಜಿಸಲಿಲ್ಲ, ಆದರೆ ಮೇ 1, 1961 ರಂದು ಮುಂಬೈ ಪ್ರಾಂತ್ಯವನ್ನು ವಿಭಜಿಸಿದಾಗ ಅದನ್ನು ಮಹಾರಾಷ್ಟ್ರ ಮತ್ತು ಗುಜರಾತ್ ಎಂದು ಎರಡು ರಾಜ್ಯಗಳಾಗಿ ವಿಂಗಡಿಸಲಾಯಿತು.ಈ ರೀತಿ ವಿಭಜನೆ ಆಗುವಾಗ ನವಾಪುರ ನಿಲ್ದಾಣವು ಎರಡು ರಾಜ್ಯಗಳ ನಡುವೆ ಬಂದಿದ್ದು ಅಂದಿನಿಂದ ಇದು ವಿಭಿನ್ನ ಗುರುತನ್ನು ಹೊಂದಿದೆ.
ಈ ನಿಲ್ದಾಣದಲ್ಲಿ ಒಂದು ಬೆಂಚ್ ಕೂಡ ಇದೆ. ಈ ಬೆಂಚ್ ನ ಅರ್ಧದಷ್ಟು ಭಾಗ ಮಹಾರಾಷ್ಟ್ರ ಮತ್ತು ಉಳಿದರ್ಧ ಗುಜರಾತ್‌ನಲ್ಲಿದೆ. ಈ ಬೆಂಚಿನ ಮೇಲೆ ಕುಳಿತವರು ಯಾವ ರಾಜ್ಯದಲ್ಲಿ ಕುಳಿತಿದ್ದಾರೆ ಎಂಬುದನ್ನು ಗಮನಿಸಬೇಕು. ಈ ನಿಲ್ದಾಣದಲ್ಲಿ ಸೆಲ್ಫಿ ಪಾಯಿಂಟ್ ಮಾಡಲಾಗಿದೆ, ಅಲ್ಲಿ ಫೋಟೊ ಕ್ಲಿಕ್ಕಿಸುವುದಕ್ಕಾಗಿ ಜನರು ದೂರದೂರುಗಳಿಂದ ಬರುತ್ತಾರೆ.
ಈ ನಿಲ್ದಾಣದ ಟಿಕೆಟ್ ವಿಂಡೋ ಮಹಾರಾಷ್ಟ್ರದಲ್ಲಿದೆ, ಸ್ಟೇಷನ್ ಮಾಸ್ಟರ್ ಗುಜರಾತ್‌ನಲ್ಲಿ ಕುಳಿತಿದ್ದಾರೆ, ಇದು ಮಾತ್ರವಲ್ಲದೆ ಈ ನಿಲ್ದಾಣದಲ್ಲಿ ನಾಲ್ಕು ವಿಭಿನ್ನ ಭಾಷೆಗಳಲ್ಲಿ ಪ್ರಕಟಣೆ ಇದೆ ಎಂದು ಎಎನ್ಐ ವರದಿ ಮಾಡಿದೆ.
ಮಾಹಿತಿಯನ್ನು ಹಿಂದಿ, ಗುಜರಾತಿ ಇಂಗ್ಲಿಷ್ ಮತ್ತು ಮರಾಠಿ ಹೀಗೆ ನಾಲ್ಕು ಭಾಷೆಗಳಲ್ಲಿ ಬರೆಯಲಾಗಿದೆ, ಆದ್ದರಿಂದ ಮಹಾರಾಷ್ಟ್ರ ಮತ್ತು ಗುಜರಾತ್ ಎರಡರಿಂದಲೂ ಬರುವ ಪ್ರಯಾಣಿಕರಿಗೆ ಅರ್ಥಮಾಡಿಕೊಳ್ಳುವುದು ಸುಲಭವಾಗುತ್ತದೆ.
ಇದನ್ನೂ ಓದಿ: Space Sector: ಐದು ಪಟ್ಟು ಬೆಳವಣಿಗೆ ಹೊಂದುವ ದೂರಗಾಮಿ ಯೋಜನೆ ಹಾಕಿಕೊಂಡಿದೆ ಭಾರತೀಯ ಬಾಹ್ಯಾಕಾಶ ವಲಯ
ನವಾಪುರ ರೈಲು ನಿಲ್ದಾಣದ ಒಟ್ಟು ಉದ್ದ 800 ಮೀಟರ್, ಇದು 300 ಮೀಟರ್ ಮಹಾರಾಷ್ಟ್ರದಲ್ಲಿ ಮತ್ತು 500 ಮೀಟರ್ ಗುಜರಾತ್‌ನಲ್ಲಿ ಬರುತ್ತದೆ. ಈ ನಿಲ್ದಾಣವು ಮೂರು ಪ್ಲಾಟ್‌ಫಾರ್ಮ್‌ಗಳು ಮತ್ತು ನಾಲ್ಕು ರೈಲು ಹಳಿಗಳನ್ನು ಹೊಂದಿದೆ.
ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ