CPL: ಸಹ ಆಟಗಾರನಿಂದಲೇ ಕೆರಿಬಿಯನ್ ದೈತ್ಯ ಕ್ರಿಸ್ ಗೇಲ್ ಸಿಕ್ಸರ್ ದಾಖಲೆ ಪುಡಿಪುಡಿ..!
CPL: ವೆಸ್ಟ್ ಇಂಡೀಸ್‌ನ ಎಡಗೈ ಬ್ಯಾಟ್ಸ್ಮನ್ ಎವಿನ್ ಲೂಯಿಸ್ ಈಗ ಸಿಪಿಎಲ್‌ನಲ್ಲಿ ಅತಿ ಹೆಚ್ಚು ಸಿಕ್ಸರ್‌ಗಳನ್ನು ಬಾರಿಸಿದ ಬ್ಯಾಟ್ಸ್ಮನ್ ಆಗಿದ್ದಾರೆ. ಅವರ ಹೆಸರು ಈಗ ಸಿಪಿಎಲ್‌ನಲ್ಲಿ ಒಟ್ಟು 173 ಸಿಕ್ಸರ್‌ಗಳನ್ನು ಹೊಂದಿದೆ.
ಡೆಂಜರಸ್ ಬ್ಯಾಟ್ಸ್ಮನ್ ಎಂದ ಕೂಡಲೇ ತಟ್ಟನೆ ನೆನಪಾಗುವುದು ಕ್ರಿಸ್ ಗೇಲ್ ಹೆಸರು. ಯಾವ ಟೂರ್ನಿಯಲ್ಲಿ ಆಡಿದರೂ ಬೌಂಡರಿ, ಸಿಕ್ಸರ್‌ಗಳ ಸುರಿಮಳೆಗೈಯುವುದರಲ್ಲಿ ಗೇಲ್ ನಿಸ್ಸೀಮರು. ಟಿ20ಯಲ್ಲಿ ಅವರ ಹೆಸರಿನಲ್ಲಿ ಹಲವು ದಾಖಲೆಗಳಿವೆ. ಗೇಲ್, ಕೆರಿಬಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ (CPL) ಅನೇಕ ದಾಖಲೆಗಳನ್ನು ಹೊಂದಿದು, ಅವುಗಳಲ್ಲಿ ಒಂದು ಈ ಲೀಗ್‌ನಲ್ಲಿ ಅತಿ ಹೆಚ್ಚು ಸಿಕ್ಸರ್‌ಗಳನ್ನು ಹೊಡೆದ ದಾಖಲೆಯಾಗಿದೆ. ಆದರೆ ಈಗ ಈ ದಾಖಲೆಯನ್ನು ಅವರದೇ ದೇಶದ ಆಟಗಾರ ಮುರಿದಿದ್ದಾರೆ.
ವೆಸ್ಟ್ ಇಂಡೀಸ್‌ನ ಎಡಗೈ ಬ್ಯಾಟ್ಸ್ಮನ್ ಎವಿನ್ ಲೂಯಿಸ್ ಈಗ ಸಿಪಿಎಲ್‌ನಲ್ಲಿ ಅತಿ ಹೆಚ್ಚು ಸಿಕ್ಸರ್‌ಗಳನ್ನು ಬಾರಿಸಿದ ಬ್ಯಾಟ್ಸ್ಮನ್ ಆಗಿದ್ದಾರೆ. ಅವರ ಹೆಸರು ಈಗ ಸಿಪಿಎಲ್‌ನಲ್ಲಿ ಒಟ್ಟು 173 ಸಿಕ್ಸರ್‌ಗಳನ್ನು ಹೊಂದಿದೆ. ಅವರು 86 ಪಂದ್ಯಗಳಲ್ಲಿ ಹಲವು ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ. ಸೇಂಟ್ ಕಿಟ್ಸ್ ಮತ್ತು ನೆವಿಸ್ ಪೇಟ್ರಿಯಾಟ್ಸ್ ಪರ ಆಡುತ್ತಿರುವ ಲೆವಿಸ್ ಸೇಂಟ್ ಲೂಸಿಯಾ ಕಿಂಗ್ಸ್ ವಿರುದ್ಧ ಎರಡು ಸಿಕ್ಸರ್ ಬಾರಿಸುವ ಮೂಲಕ ಈ ದಾಖಲೆ ಮಾಡಿದ್ದಾರೆ.
ಗೇಲ್ ಸಿಪಿಎಲ್ ನಲ್ಲಿ 85 ಪಂದ್ಯಗಳಲ್ಲಿ 172 ಸಿಕ್ಸರ್ ಸಿಡಿಸಿದ್ದಾರೆ. ಈಗ ಅವರು ಈ ಲೀಗ್‌ನಲ್ಲಿ ಆಡುತ್ತಿಲ್ಲವಾದರೂ, ಅವರ ಮತ್ತು ಮೂರನೇ ಆಟಗಾರನ ನಡುವೆ ಇನ್ನೂ ದೊಡ್ಡ ಅಂತರವಿದೆ.
ಸಿಪಿಎಲ್‌ನಲ್ಲಿ ಅತಿ ಹೆಚ್ಚು ಸಿಕ್ಸರ್‌ಗಳನ್ನು ಬಾರಿಸಿದ ಆಟಗಾರರಲ್ಲಿ ವೆಸ್ಟ್ ಇಂಡೀಸ್‌ನ ಕೀರನ್ ಪೊಲಾರ್ಡ್ ಮೂರನೇ ಸ್ಥಾನದಲ್ಲಿದ್ದಾರೆ. ಪೊಲಾರ್ಡ್ ಈ ಲೀಗ್‌ನಲ್ಲಿ ಇದುವರೆಗೆ 100 ಪಂದ್ಯಗಳನ್ನು ಆಡಿದ್ದು, 152 ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ. ಅವರು ಗೇಲ್‌ಗಿಂತ 20 ಸಿಕ್ಸರ್‌ಗಳ ಹಿಂದೆ ಇದ್ದಾರೆ
93 ಪಂದ್ಯಗಳಲ್ಲಿ 133 ಸಿಕ್ಸರ್‌ಗಳನ್ನು ಬಾರಿಸಿರುವ ಲೆಂಡ್ಲ್ ಸಿಮನ್ಸ್ ನಾಲ್ಕನೇ ಸ್ಥಾನದಲ್ಲಿದ್ದಾರೆ. 84 ಪಂದ್ಯಗಳಲ್ಲಿ 124 ಸಿಕ್ಸರ್‌ಗಳನ್ನು ಬಾರಿಸಿರುವ ಆಂಡ್ರೆ ರಸೆಲ್ ಐದನೇ ಸ್ಥಾನದಲ್ಲಿದ್ದಾರೆ.
Published On - 9:26 pm, Mon, 19 September 22