IPL 2023: 400 ರನ್ ನೀಡಿದ ಹರ್ಷಲ್ ಪಟೇಲ್
IPL 2023 Kannada: ಅನುಭವಿ ವೇಗಿ ಹರ್ಷಲ್ ಪಟೇಲ್ ತಮ್ಮ ಮೊದಲ ಓವರ್ನಲ್ಲಿ 9 ರನ್ ನೀಡಿದರು. ಹಾಗೆಯೇ 2ನೇ ಓವರ್ನಲ್ಲಿ ಕೇವಲ 5 ರನ್ ಮಾತ್ರ ನೀಡಿ ಮತ್ತೆ ಲಯಕ್ಕೆ ಮರಳಿದ್ದರು.
IPL 2023: ಹೈದರಾಬಾದ್ನಲ್ಲಿ ನಡೆದ ಐಪಿಎಲ್ನ 65ನೇ ಪಂದ್ಯದಲ್ಲೂ ಆರ್ಸಿಬಿ ವೇಗಿ ಹರ್ಷಲ್ ಪಟೇಲ್ ದುಬಾರಿಯಾಗಿದ್ದಾರೆ. ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧದ ಈ ಪಂದ್ಯದಲ್ಲಿ ಟಾಸ್ ಗೆದ್ದ ಆರ್ಸಿಬಿ ನಾಯಕ ಫಾಫ್ ಡುಪ್ಲೆಸಿಸ್ ಬೌಲಿಂಗ್ ಆಯ್ದುಕೊಂಡಿದ್ದರು.
ಅದರಂತೆ ಮೊದಲ ಓವರ್ನಲ್ಲಿ ಮಾರಕ ದಾಳಿ ಸಂಘಟಿಸುವ ಮೂಲಕ ಮೊಹಮ್ಮದ್ ಸಿರಾಜ್ ಆರ್ಸಿಬಿ ತಂಡಕ್ಕೆ ಉತ್ತಮ ಆರಂಭ ಒದಗಿಸಿದ್ದರು. ಇನ್ನು ವೇಯ್ನ್ ಪಾರ್ನೆಲ್ 2ನೇ ಓವರ್ನಲ್ಲಿ ನೀಡಿದ್ದು ಕೇವಲ 5 ರನ್. ಅದರಂತೆ ಎಸ್ಆರ್ಹೆಚ್ ತಂಡವು ಮೊದಲೆರಡು ಓವರ್ಗಳಲ್ಲಿ ಕೇವಲ 7 ರನ್ ಮಾತ್ರ ಗಳಿಸಿದ್ದರು.
ಇನ್ನು ಐದನೇ ಓವರ್ ವೇಳೆ ದಾಳಿಗಿಳಿದ ಮೈಕೆಲ್ ಬ್ರೇಸ್ವೆಲ್ 6 ರನ್ ನೀಡಿ 2 ವಿಕೆಟ್ ಕಬಳಿಸಿ ಮಿಂಚಿದ್ದರು. ಆದರೆ ಆ ನಂತರ ಶಹಬಾಝ್ ಅಹ್ಮದ್ ಒಂದೇ ಓವರ್ನಲ್ಲಿ 16 ರನ್ ಚಚ್ಚಿಸಿಕೊಂಡರು.
ಇದಾದ ಬಳಿಕ ದಾಗಿಳಿದ ಅನುಭವಿ ವೇಗಿ ಹರ್ಷಲ್ ಪಟೇಲ್ ತಮ್ಮ ಮೊದಲ ಓವರ್ನಲ್ಲಿ 9 ರನ್ ನೀಡಿದರು. ಹಾಗೆಯೇ 2ನೇ ಓವರ್ನಲ್ಲಿ ಕೇವಲ 5 ರನ್ ಮಾತ್ರ ನೀಡಿ ಮತ್ತೆ ಲಯಕ್ಕೆ ಬಂದಿದ್ದರು. ಇನ್ನು 16ನೇ ಓವರ್ನಲ್ಲಿ ನೀಡಿದ್ದು 8 ರನ್ ಮಾತ್ರ.
ಆದರೆ 19ನೇ ಓವರ್ನಲ್ಲಿ 15 ರನ್ ಚಚ್ಚಿಸಿಕೊಳ್ಳುವ ಮೂಲಕ ಹರ್ಷಲ್ ಪಟೇಲ್ ಮತ್ತೆ ದುಬಾರಿಯಾದರು. ಅಲ್ಲದೆ 4 ಓವರ್ಗಳಲ್ಲಿ 37 ರನ್ ನೀಡಿ 1 ವಿಕೆಟ್ ಪಡೆದರು.
ಈ 37 ರನ್ಗಳೊಂದಿಗೆ ಈ ಬಾರಿಯ ಐಪಿಎಲ್ನಲ್ಲಿ ಆರ್ಸಿಬಿ ಪರ ಅತೀ ಹೆಚ್ಚು ರನ್ ನೀಡಿದ ಬೌಲರ್ ಆಗಿ ಹರ್ಷಲ್ ಪಟೇಲ್ ಹೊರಹೊಮ್ಮಿದ್ದಾರೆ. 12 ಪಂದ್ಯಗಳಲ್ಲಿ ಬೌಲಿಂಗ್ ಮಾಡಿದ್ದ ಹರ್ಷಲ್ ಪಟೇಲ್ 258 ಎಸೆತಗಳನ್ನು ಎಸೆದಿದ್ದಾರೆ. ಈ ವೇಳೆ ನೀಡಿರುವ ಒಟ್ಟು ಸ್ಕೋರ್ 425 ರನ್ಗಳು.
ಅಂದರೆ 12 ಪಂದ್ಯಗಳಲ್ಲಿ ಪ್ರತಿ ಓವರ್ಗೆ 9.88 ಸರಾಸರಿಯಲ್ಲಿ ರನ್ ನೀಡುವ ಮೂಲಕ ಹರ್ಷಲ್ ಪಟೇಲ್ ದುಬಾರಿಯಾಗಿದ್ದಾರೆ. ಅಚ್ಚರಿ ಎಂದರೆ ಪವರ್ಪ್ಲೇನಲ್ಲಿ ಬೌಲಿಂಗ್ ಮಾಡದಿದ್ದರೂ ಇಷ್ಟೊಂದು ರನ್ ಬಿಟ್ಟುಕೊಟ್ಟಿರುವುದು ಕೂಡ ಅಚ್ಚರಿ. ಇದಾಗ್ಯೂ 13 ವಿಕೆಟ್ ಕಬಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
Published On - 11:16 pm, Thu, 18 May 23