Prithvi Shaw: 33 ಫೋರ್, 1 ಸಿಕ್ಸ್: ಪೃಥ್ವಿ ಶಾ ಬ್ಯಾಟ್ನಿಂದ ಸ್ಪೋಟಕ ದ್ವಿಶತಕ
Prithvi Shaw Double Century: ಈ ಬಾರಿಯ ರಣಜಿ ಟ್ರೋಫಿಯಲ್ಲಿ ಇದು ಅಸ್ಸಾಂ ವಿರುದ್ಧದ ಪೃಥ್ವಿ ಶಾ ಅವರ ಮೊದಲ ದ್ವಿಶತಕವಾಗಿದೆ. ಅಲ್ಲದೆ ರಣಜಿ ಕ್ರಿಕೆಟ್ನಲ್ಲಿ 72 ಇನ್ನಿಂಗ್ಸ್‌ಗಳಲ್ಲಿ ಶಾ 12 ಶತಕ ಹಾಗೂ 15 ಅರ್ಧಶತಕಗಳನ್ನೂ ಬಾರಿಸಿದ್ದಾರೆ.
ಗುವಾಹಟಿಯ ಅಮಿಂಗ್‌ವಾನ್ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿರುವ ಅಸ್ಸಾಂ ವಿರುದ್ಧ ರಣಜಿ ಪಂದ್ಯದಲ್ಲಿ ಮುಂಬೈ ಆಟಗಾರ ಪೃಥ್ವಿ ಶಾ ಭರ್ಜರಿ ದ್ವಿಶತಕ ಬಾರಿಸಿ ಮಿಂಚಿದ್ದಾರೆ. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಅಸ್ಸಾಂ ತಂಡವು ಬೌಲಿಂಗ್ ಆಯ್ದುಕೊಂಡಿತು.
ಅದರಂತೆ ಮೊದಲ ಇನಿಂಗ್ಸ್ ಆರಂಭಿಸಿದ ಮುಂಬೈ ತಂಡಕ್ಕೆ ಪೃಥ್ವಿ ಶಾ ಹಾಗೂ ಮುಶೀರ್ ಖಾನ್ ಅತ್ಯುತ್ತಮ ಆರಂಭ ಒದಗಿಸಿದರು. ಮೊದಲ ವಿಕೆಟ್ಗೆ ಈ ಜೋಡಿಯು 123 ರನ್ ಕಲೆಹಾಕಿತು. ಈ ಹಂತದಲ್ಲಿ ಮುಶೀರ್ (42) ಔಟಾದರು. ಇದಾಗ್ಯೂ ಮತ್ತೊಂದೆಡೆ ಪೃಥ್ವಿ ಶಾ ತಮ್ಮ ಬ್ಯಾಟಿಂಗ್ ಅಬ್ಬರವನ್ನು ಮುಂದುವರೆಸಿದರು.
ಬಿರುಸಿನ ಬ್ಯಾಟಿಂಗ್ ಮೂಲಕ ಗಮನ ಸೆಳೆದ ಪೃಥ್ವಿ ಶಾ 107 ಎಸೆತಗಳಲ್ಲಿ ಶತಕ ಪೂರೈಸಿದರು. ಸೆಂಚುರಿ ಪೂರ್ಣಗೊಳ್ಳುತ್ತಿದ್ದಂತೆ ರನ್ಗಳಿಕೆಯ ವೇಗವನ್ನು ಹೆಚ್ಚಿಸಿಕೊಂಡ ಯುವ ಆಟಗಾರ ಅಸ್ಸಾಂ ಬೌಲರ್ಗಳನ್ನು ಬೆಂಡೆತ್ತಿದರು.
ಪರಿಣಾಮ ಪೃಥ್ವಿ ಶಾ ಬ್ಯಾಟ್ನಿಂದ ಬರೋಬ್ಬರಿ 33 ಫೋರ್ಗಳು ಹಾಗೂ 1 ಭರ್ಜರಿ ಸಿಕ್ಸರ್ ಚಚ್ಚಿದರು. ಪರಿಣಾಮ ಶತಕದ ಬೆನ್ನಲ್ಲೇ ದ್ವಿಶತಕ ಕೂಡ ಮೂಡಿಬಂತು. ಅಲ್ಲದೆ ಮೊದಲ ದಿನದಾಟದ ಅಂತ್ಯಕ್ಕೆ ಮುಂಬೈ ತಂಡವು 2 ವಿಕೆಟ್ ನಷ್ಟಕ್ಕೆ 397 ರನ್ ಕಲೆಹಾಕಿದೆ. 283 ಎಸೆತಗಳಲ್ಲಿ ಅಜೇಯ 240 ರನ್ ಬಾರಿಸಿರುವ ಪೃಥ್ವಿ 2ನೇ ದಿನಕ್ಕೆ ಬ್ಯಾಟಿಂಗ್ ಆಯ್ದುಕೊಂಡಿದ್ದಾರೆ.
ಈ ಬಾರಿಯ ರಣಜಿ ಟ್ರೋಫಿಯಲ್ಲಿ ಇದು ಅಸ್ಸಾಂ ವಿರುದ್ಧದ ಪೃಥ್ವಿ ಶಾ ಅವರ ಮೊದಲ ದ್ವಿಶತಕವಾಗಿದೆ. ಅಲ್ಲದೆ ರಣಜಿ ಕ್ರಿಕೆಟ್ನಲ್ಲಿ 72 ಇನ್ನಿಂಗ್ಸ್‌ಗಳಲ್ಲಿ ಶಾ 12 ಶತಕ ಹಾಗೂ 15 ಅರ್ಧಶತಕಗಳನ್ನೂ ಬಾರಿಸಿದ್ದಾರೆ.
Published On - 10:08 pm, Tue, 10 January 23