IND vs SA: 15 ರನ್ಗಳಿಗೆ 6 ವಿಕೆಟ್..! ಸಿರಾಜ್ ದಾಳಿಗೆ ಶರಣಾದ ದಕ್ಷಿಣ ಆಫ್ರಿಕಾ
Mohammed Siraj: ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವೆ ನಡೆಯುತ್ತಿರುವ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಇಡೀ ದಕ್ಷಿಣ ಆಫ್ರಿಕಾ ತಂಡ ಕೇವಲ 55 ರನ್ಗಳಿಗೆ ಆಲೌಟ್ ಆಗಿದೆ. ಭಾರತದ ಪರ ಮಾರಕ ಬೌಲಿಂಗ್ ಮಾಡಿದ ಸಿರಾಜ್ 6 ವಿಕೆಟ್ ಪಡೆದು ದಾಖಲೆ ನಿರ್ಮಿಸಿದ್ದಾರೆ.
ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವೆ ನಡೆಯುತ್ತಿರುವ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಇಡೀ ದಕ್ಷಿಣ ಆಫ್ರಿಕಾ ತಂಡ ಕೇವಲ 55 ರನ್ಗಳಿಗೆ ಆಲೌಟ್ ಆಗಿದೆ. ಭಾರತದ ಪರ ಮಾರಕ ಬೌಲಿಂಗ್ ಮಾಡಿದ ಸಿರಾಜ್ 6 ವಿಕೆಟ್ ಪಡೆದು ದಾಖಲೆ ನಿರ್ಮಿಸಿದ್ದಾರೆ.
ತಮ್ಮ ಕೊನೆಯ ಟೆಸ್ಟ್ ಪಂದ್ಯವನ್ನು ಆಡುತ್ತಿರುವ ದಕ್ಷಿಣ ಆಫ್ರಿಕಾದ ನಾಯಕ ಡೀನ್ ಎಲ್ಗರ್ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧರಿಸಿದರು. ಆದರೆ ತಂಡದ ಸ್ಕೋರ್ ಕೇವಲ 5 ರನ್ ಆಗಿದ್ದಾಗ ಆಡಮ್ ಮಾರ್ಕ್ರಾಮ್ ಎರಡು ರನ್ ಗಳಿಸಿ ಔಟಾದರು.
ನಾಯಕ ಡೀನ್ ಎಲ್ಗರ್ ಕೂಡ ನಾಲ್ಕು ರನ್ ಗಳಿಸಿ ಪೆವಿಲಿಯನ್ಗೆ ಮರಳಿದರು. ಆಗ ತಂಡದ ಸ್ಕೋರ್ ಕೇವಲ ಎಂಟು ರನ್ ಆಗಿತ್ತು. ಮೊಹಮ್ಮದ್ ಸಿರಾಜ್ ಈ ಇಬ್ಬರೂ ಆರಂಭಿಕರನ್ನು ಬಲಿಪಶುಗಳನ್ನಾಗಿ ಮಾಡಿದರು. ಇದರ ನಂತರ ಜಸ್ಪ್ರೀತ್ ಬುಮ್ರಾ ಮೂರನೇ ವಿಕೆಟ್ಗೆ ಮೂರು ರನ್ಗಳಿಗೆ ಟ್ರಿಸ್ಟಾನ್ ಸ್ಟಬ್ಸ್ ಅವರನ್ನು ಔಟ್ ಮಾಡುವ ಮೂಲಕ ದಕ್ಷಿಣ ಆಫ್ರಿಕಾಕ್ಕೆ ಆಘಾತ ನೀಡಿದರು.
ಟೋನಿ ಡಿ ಜೋರ್ಜಿ ಅವರ ವಿಕೆಟ್ ಪಡೆಯುವ ಮೂಲಕ ತಮ್ಮ ಮೂರನೇ ವಿಕೆಟ್ ಪೂರೈಸಿದ ಸಿರಾಜ್ ಒಂದು ತುದಿಯಿಂದ ಸತತ ಒಂಬತ್ತು ಓವರ್ ಬೌಲ್ ಮಾಡಿ ಆರು ವಿಕೆಟ್ ಪಡೆದರು. ಈ ಅವಧಿಯಲ್ಲಿ ಅವರು ಕೇವಲ 15 ರನ್ ನೀಡಿದರು.
4ನೇ ವಿಕೆಟ್ ರೂಪದಲ್ಲಿ 12 ರನ್ ಗಳಿಸಿದ್ದ ಡೇವಿಡ್ ಬೆಡಿಂಗ್ಹ್ಯಾಮ್ ವಿಕೆಟ್ ಪಡೆದ ಸಿರಾಜ್, 5ನೇ ವಿಕೆಟ್ ರೂಪದಲ್ಲಿ 15 ರನ್ ಬಾರಿಸಿದ್ದ ಕೈಲ್ ವೆರ್ರೆನ್ನೆ ಅವರಿಗೆ ಪೆವಿಲಿಯನ್ ದಾರಿ ತೋರಿಸಿದರು. ನಂತರ ಬಂದ ಮಾರ್ಕೋ ಯಾನ್ಸನ್ ಖಾತೆಯನ್ನು ತೆರೆಯದೆ ಸಿರಾಜ್ಗೆ ಬಲಿಯಾದರು.
ಮೊಹಮ್ಮದ್ ಸಿರಾಜ್ ಟೆಸ್ಟ್ ಇನ್ನಿಂಗ್ಸ್ನಲ್ಲಿ 5 ವಿಕೆಟ್ ಪಡೆದದ್ದು ಇದು ಮೂರನೇ ಬಾರಿ. ಈ ಹಿಂದೆ ಕೇವಲ ಐದು ವಿಕೆಟ್ಗಳನ್ನು ಪಡೆದಿದ್ದ ಅವರು ಈ ಬಾರಿ ನೇರವಾಗಿ ಆರಕ್ಕೆ ತಲುಪಿದ್ದಾರೆ. ಇದು ಸಿರಾಜ್ ಅವರ ಕಿರು ಟೆಸ್ಟ್ ವೃತ್ತಿಜೀವನದಲ್ಲಿ ಅತ್ಯುತ್ತಮ ಪ್ರದರ್ಶನವಾಗಿದೆ.
ಇದಕ್ಕೂ ಮೊದಲು, 2021 ರಲ್ಲಿ ಬ್ರಿಸ್ಬೇನ್ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಸಿರಾಜ್ 73 ರನ್ಗಳಿಗೆ ಐದು ವಿಕೆಟ್ಗಳನ್ನು ಪಡೆದಿದ್ದರು. ಅದೇ ವರ್ಷ ಅಂದರೆ 2023ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ 60 ರನ್ ಗಳಿಗೆ 5 ವಿಕೆಟ್ ಕಬಳಿಸಿದ್ದರು.