ಚಿಕ್ಕಬಳ್ಳಾಪುರ ಉತ್ಸವದಲ್ಲಿ ಭೂಮಿಗಿಳಿದ ಬಣ್ಣ ಬಣ್ಣದ ಚಿತ್ತಾರ, ಇಲ್ಲಿದೆ ನೋಡಿ ಅದರ ಝಲಕ್
ಚಿಕ್ಕಬಳ್ಳಾಪುರ ಉತ್ಸವದಲ್ಲಿ ಎಲ್ಲಿ ನೋಡಿದರಲ್ಲಿ ಬಣ್ಣ ಬಣ್ಣದ ಚಿತ್ತಾರ ಮೂಡಿತ್ತು. ಎಲ್ಲಿ ನೋಡಿದರೂ ಹೆಂಗಳೆಯರು ಬಣ್ಣವವನ್ನ ಹಿಡಿದು ರಂಗೋಲಿ ಮುಖಾಂತರ ಒಂದು ಲೋಕವನ್ನೆ ಸೃಷ್ಟಿಸಿದ್ದರು.
ಚಿಕ್ಕಬಳ್ಳಾಪುರ ಉತ್ಸವದ ಪ್ರಯುಕ್ತ ನಿನ್ನೆ(ಜ.14) ಚಿಕ್ಕಬಳ್ಳಾಪುರ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ ನಗರ ಪಟ್ಟಣ ಹಾಗೂ ಗ್ರಾಮ ಗ್ರಾಮಗಳಲ್ಲಿ ರಂಗೋಲಿ ಸ್ಪರ್ಧೆಯನ್ನ ಆಯೋಜನೆ ಮಾಡಲಾಗಿತ್ತು. ಸ್ಪರ್ಧೆಯಲ್ಲಿ ಮಹಿಳೆಯರು ಮುಗಿಬಿದ್ದು ಒಂದಕ್ಕಿಂತಾ ಒಂದು ಬಣ್ಣ ಬಣ್ಣದ ರಂಗೋಲಿ ಚಿತ್ತಾರ ಬಿಡಿಸಿ ಸೈ ಎನಿಸಿಕೊಂಡರು.
ರಂಗೋಲಿ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ಮಹಿಳೆಯರಿಗೆ ಸಂಭ್ರಮವೋ ಸಂಭ್ರಮ. ಬಣ್ಣ ಬಣ್ಣದ ರಂಗೋಲಿ ಚಿತ್ತಾರಗಳು, ಮೈದಾನದಲ್ಲಿ ಹರಡಿಕೊಂಡಿತ್ತು. ನೋಡೋರ ಕಣ್ಣಿಗೆ ಬಣ್ಣದ ಹಬ್ಬವಾಗಿದ್ದಂತು ಸುಳ್ಳಲ್ಲ.
ಸ್ಪರ್ಧೆಯಲ್ಲಿ ಭಾಗವಹಿಸಿದ ಎಲ್ಲರಿಗೂ ಬಹುಮಾನ ಒಂದೆಡೆಯಾದರೆ. ವಾರ್ಡ್ ಗ್ರಾಮವಾರು ಪ್ರಥಮ ದ್ವೀತಿಯ ತೃತಿಯ ಬಂದವರಿಗೆ ಲಕ್ಷಾಂತರ ರೂಪಾಯಿ ಮೌಲ್ಯದ ಬಹುಮಾನ ಘೋಷಣೆ ಮಾಡಲಾಗಿತ್ತು ಇದರಿಂದ ಮಹಿಳೆಯರು, ಮಕ್ಕಳು, ಯುವತಿಯರು ರಂಗೋಲಿ ಹಾಕುವುದಕ್ಕೆ ನಾಮುಂದು ತಾಮುಂದು ಎಂದು ಮುಗಿ ಬಿದ್ದಿದ್ದರು.
ಕಲರ್ ಟಿವಿ, ಪ್ರೀಡ್ಜ್, ವಾಸಿಂಗ್ ಮಷೀನ್, ಕುಕ್ಕರ್ ಸೇರಿದಂತೆ ಎಲ್ಲರಿಗೂ ಸಮಧಾನಕರ ಬಹುಮಾನಗಳನ್ನು ನೀಡಲಾಗಿತ್ತು. ಇದರಿಂದ ಎಲ್ಲ ಹೆಂಗಳೆಯರು ಆಸಕ್ತಿಯಿಂದ ರಂಗೋಲಿ ಬೀಡಿಸಿ ಬಹುಮಾನಕ್ಕಾಗಿ ಕಾಯುತ್ತಿದ್ದರು.
ಸಂಕ್ರಾಂತಿ ಸಂಭ್ರಮಕ್ಕೂ ರಂಗೋಲಿ ಚಂದಕ್ಕೂ ಬಿಡಿಸಲಾಗದ ಬಂಧ. ಇಂಥದರಲ್ಲಿ ಚಿಕ್ಕಬಳ್ಳಾಪುರ ಉತ್ಸವ ಪ್ರಯುಕ್ತ ಆಯೋಜನೆ ಮಾಡಿದ್ದ ರಂಗೋಲಿ ಸ್ಪರ್ಧೆಯಲ್ಲಿ ಹೆಣ್ಣುಮಕ್ಕಳು ಭಾಗವಹಿಸುವ ಮೂಲಕ ಉತ್ಸವಕ್ಕೆ ಮೆರೆಗು ತಂದರು.
ಚಿಕ್ಕಬಳ್ಳಾಪುರ ಉತ್ಸವದಲ್ಲಿ ಅನೇಕ ಸಾಂಸ್ಕೃತೀಕ ಕಾರ್ಯಕ್ರಮಗಳನ್ನು ಆಯೋಸಿದ್ದು, ರಂಗೋಲಿ ಸ್ಪರ್ಧೆಯು ಎಲ್ಲದರ ಆಕರ್ಷಣೀಯ ಕೇಂದ್ರವಾಗಿದ್ದಂತು ಸುಳ್ಳಲ್ಲ, ಅನೇಕ ಕಡೆಗಳಿಂದ ಬಂದ ಹೆಣ್ಣುಮಕ್ಕಳು ಸ್ಪರ್ಧೆಯಲ್ಲಿ ಭಾಗವಹಿಸಿ ಸೈ ಎನಿಸಿಕೊಂಡರು.