ಕೆಲವೇ ದಿನ ಬಾಕಿ: ಭಾರತಕ್ಕೆ ಅಪ್ಪಳಿಸುತ್ತಿದೆ ರಿಯಲ್ ಮಿ 11, ರಿಯಲ್ ಮಿ 11X ಸ್ಮಾರ್ಟ್ಫೋನ್
Realme 11 5G and Realme 11X 5G Launch Date: ರಿಯಲ್ ಮಿ 11 ಮತ್ತು ರಿಯಲ್ ಮಿ 11X ಈ ಎರಡೂ ಸ್ಮಾರ್ಟ್ಫೋನ್ಗಳು ಭಾರತೀಯ ಮಾರುಕಟ್ಟೆಯಲ್ಲಿ ಆಗಸ್ಟ್ 23 ಮಧ್ಯಾಹ್ನ 12 ಗಂಟೆಗೆ ರಿಲೀಸ್ ಆಗಲಿದೆ. ಈ ಬಗ್ಗೆ ಸ್ವತಃ ರಿಯಲ್ ಮಿ ಕಂಪನಿ ಪೋಸ್ಟರ್ ಬಿಡುಗಡೆ ಮಾಡಿ ಖಚಿತ ಪಡಿಸಿದೆ.
ಎರಡು ತಿಂಗಳ ಹಿಂದೆ ಪ್ರಸಿದ್ಧ ರಿಯಲ್ ಮಿ ಸಂಸ್ಥೆ ಭಾರತದಲ್ಲಿ ರಿಯಲ್ ಮಿ 11 ಪ್ರೊ ಸರಣಿಯನ್ನು ಅನಾವರಣಗೊಳಿಸಿತ್ತು. ಇದರಲ್ಲಿ 200 ಮೆಗಾ ಪಿಕ್ಸೆಲ್ ಕ್ಯಾಮೆರಾ ಆಯ್ಕೆ ನೀಡಲಾಗಿತ್ತು. ಇದೀಗ ಕಂಪನಿ ಈ ಸರಣಿಯ ಅಡಿಯಲ್ಲಿ ರಿಯಲ್ ಮಿ 11 ಮತ್ತು ರಿಯಲ್ ಮಿ 11X ಫೋನನ್ನು ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ.
ಈ ಎರಡೂ ಸ್ಮಾರ್ಟ್ಫೋನ್ಗಳು ಭಾರತೀಯ ಮಾರುಕಟ್ಟೆಯಲ್ಲಿ ಆಗಸ್ಟ್ 23 ಮಧ್ಯಾಹ್ನ 12 ಗಂಟೆಗೆ ರಿಲೀಸ್ ಆಗಲಿದೆ. ಈ ಬಗ್ಗೆ ಸ್ವತಃ ರಿಯಲ್ ಮಿ ಕಂಪನಿ ಪೋಸ್ಟರ್ ಬಿಡುಗಡೆ ಮಾಡಿ ಖಚಿತ ಪಡಿಸಿದೆ. ರಿಯಲ್ ಮಿ 11 5G ಸ್ಮಾರ್ಟ್ಫೋನ್ 108 ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ ಮತ್ತು 67W ವೇಗದ ಚಾರ್ಜಿಂಗ್ ಬೆಂಬಲವನ್ನು ಹೊಂದಿದೆ.
ರಿಯಲ್ ಮಿ 11 ಪ್ರಾಥಮಿಕ ಕ್ಯಾಮೆರಾದಲ್ಲಿ ಸ್ಯಾಮ್ಸಂಗ್ HM6 ಸಂವೇದಕವನ್ನು ಅಳವಡಿಸಲಾಗಿದೆ ಎಂದು ಕಂಪನಿ ಹೇಳಿದೆ. ಜೊತೆಗೆ 3x ಇನ್-ಸೆನ್ಸಾರ್ ಜೂಮ್, 3X ಆಪ್ಟಿಕಲ್ ಝೂಮ್ನೊಂದಿಗೆ ಅನಾವರಣಗೊಳ್ಳಲಿದೆ.
ರಿಯಲ್ ಮಿಯ ಈ ಫೋನಿನಲ್ಲಿ ಕ್ಯಾಮೆರಾಕ್ಕೆ ಹೆಚ್ಚಿನ ಒತ್ತು ನೀಡಲಾಗಿದೆ. ಹಿಂದಿನ ರಿಯಲ್ ಮಿ ಫೋನುಗಳಿಗೆ ಹೋಲಿಸಿದರೆ ಇದರಲ್ಲಿ ಫೋಕಸ್ ಆಯ್ಕೆಯನ್ನು ಹೆಚ್ಚಿಸಲಾಗಿದೆ. ಕ್ಯಾಮೆರಾವು ಟ್ರ್ಯಾಂಕ್ವಿಲ್, ಕ್ರಿಸ್ಪ್ ಮತ್ತು ಸಿನೆಮ್ಯಾಟಿಕ್ ಸೇರಿದಂತೆ ಹೊಸ ಹೊಸ ಫಿಲ್ಟರ್ಗಳನ್ನು ಸಹ ಒಳಗೊಂಡಿದೆ.
67W ಚಾರ್ಜಿಂಗ್ ವೇಗದ ಚಾರ್ಜರ್ ನೀಡಲಾಗಿದ್ದು, ಇದು 17 ನಿಮಿಷಗಳಲ್ಲಿ 50 ಪ್ರತಿಶತ ಚಾರ್ಜ್ ಮತ್ತು 47 ನಿಮಿಷಗಳಲ್ಲಿ 100 ಪ್ರತಿಶತ ಬ್ಯಾಟರಿ ಫುಲ್ ಮಾಡುತ್ತದೆ. ಈ ಫೋನ್ 5,000mAh ಬ್ಯಾಟರಿಯನ್ನು ಒಳಗೊಂಡಿದೆ. ಬಿಡುಗಡೆಯ ಮೊದಲು, ರಿಯಲ್ ಮಿ 11 5G ವಿನ್ಯಾಸವನ್ನು ಕಂಪನಿಯ ಅಧಿಕೃತ ವೆಬ್ಸೈಟ್ನಲ್ಲಿ ಹಾಕಲಾಗಿದೆ.
ರಿಯಲ್ ಮಿ 11 5G ಫೋನ್ ಐಫೋನ್ 12 ನಿಂದ ಪ್ರೇರಿತವಾದ ಫ್ಲಾಟ್ ಎಡ್ಜ್ಗಳನ್ನು ಒಳಗೊಂಡಿದೆ. ಪವರ್ ಬಟನ್ನಲ್ಲಿ ಅಳವಡಿಸಲಾಗಿರುವ ಫಿಂಗರ್ಪ್ರಿಂಟ್ ಸ್ಕ್ಯಾನರ್ ಮತ್ತು ಕೆಳಭಾಗದಲ್ಲಿ 3.5mm ಆಡಿಯೋ ಜ್ಯಾಕ್ ಅನ್ನು ಪೋಸ್ಟರ್ ಮೂಲಕ ತಿಳಿದುಬಂದಿದೆ. ಮುಂಭಾಗವು ಸೆಲ್ಫಿ ಕ್ಯಾಮೆರಾಕ್ಕಾಗಿ ಹೋಲ್-ಪಂಚ್ ಕಟೌಟ್ ಅನ್ನು ನೀಡಲಾಗಿದೆ.
ರಿಯಲ್ ಮಿ 11 5G ಫೋನ್ 8GB RAM ಮತ್ತು 256GB ಸಂಗ್ರಹಣೆಯೊಂದಿಗೆ ಜೋಡಿಸಲಾದ ಮೀಡಿಯಾಟೆಕ್ ಡೈಮೆನ್ಸಿಟಿ 6100+ SoC ನಿಂದ ಕಾರ್ಯನಿರ್ವಹಿಸುತ್ತದೆ. 6.72-ಇಂಚಿನ ಪೂರ್ಣ-HD+ AMOLED ಡಿಸ್ ಪ್ಲೇ ನೀಡಲಾಗಿದೆ.
ರಿಯಲ್ ಮಿಯ ಈ ಹೊಸ ಸ್ಮಾರ್ಟ್ಫೋನ್ನಲ್ಲಿ 120Hz ರಿಫ್ರೆಶ್ ರೇಟ್, ಡ್ಯುಯಲ್-ಬ್ಯಾಂಡ್ Wi-Fi, ಬ್ಲೂಟೂತ್ 5.2, ಮತ್ತು NFC ಇದೆ. ರಿಯಲ್ ಮಿ 11 ಮತ್ತು ರಿಯಲ್ ಮಿX ಭಾರತದಲ್ಲಿ 20,000 ರೂ. ಕ್ಕಿಂತ ಕಡಿಮೆ ಬೆಲೆಯನ್ನು ಬಿಡುಗಡೆ ಆಗುವ ನಿರೀಕ್ಷೆಯಿದೆ.