Wedding Gifts: ನವಜೋಡಿಗೆ ತಪ್ಪಿಯೂ ಈ ವಸ್ತುಗಳನ್ನು ಉಡುಗೊರೆಯಾಗಿ ನೀಡಬೇಡಿ!

ವಿವಾಹವು ಜೀವನದ ಅತ್ಯಂತ ಪ್ರಮುಖ ಘಟ್ಟ. ಆದ್ದರಿಂದ ಸ್ನೇಹಿತರು ಹಾಗೂ ಬಂಧುಗಳ ಉಪಸ್ಥಿತಿಯಲ್ಲಿ ಗಂಡು ಹೆಣ್ಣು ಅದ್ಧೂರಿಯಾಗಿ ವಿವಾಹವಾಗುತ್ತಾರೆ. ಈ ಸಮಯದಲ್ಲಿ ನವಜೋಡಿಯನ್ನು ಆಶೀರ್ವಾದಿಸಿ ಉಡುಗೊರೆಯನ್ನು ಕೊಡುವ ಸಂಪ್ರದಾಯವಿದೆ. ಆದರೆ ಉಡುಗೊರೆಗಳ ಆಯ್ಕೆಯಲ್ಲಿ ಜಾಗರೂಕತೆಯನ್ನು ವಹಿಸುವುದು ಅಗತ್ಯ ಎಂದು ಖ್ಯಾತ ಜ್ಯೋತಿಷಿಗಳಾದ ಡಾ. ಬಸವರಾಜ್ ಗುರೂಜಿಯವರು ಎಚ್ಚರಿಸುತ್ತಾರೆ. ಅವರ ಪ್ರಕಾರ, ಕೆಲವು ವಸ್ತುಗಳನ್ನು ಉಡುಗೊರೆಯಾಗಿ ನೀಡುವುದರಿಂದ ಅನುಕೂಲಕ್ಕಿಂತ ಅನಾನುಕೂಲಗಳು ಹೆಚ್ಚು.

ಮದುವೆ ಸಮಯದಲ್ಲಿ ನೀಡುವ ಉಡುಗೊರೆಗಳು ಕೇವಲ ವಸ್ತುಗಳಲ್ಲ, ಆದರೆ ಸಂಬಂಧಗಳನ್ನು ಬಲಪಡಿಸುವ ಮತ್ತು ಸಂತೋಷವನ್ನು ಹಂಚಿಕೊಳ್ಳುವ ಒಂದು ಅಭಿವ್ಯಕ್ತಿಯಾಗಿದೆ. ಆದ್ದರಿಂದ ಯಾವ ತಪ್ಪು ಮಾಡಬಾರದು ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ.

ಕಪ್ಪು ಬಣ್ಣದ ವಸ್ತುಗಳು:

ಯಾವುದೇ ಕಾರಣಕ್ಕೂ ಕಪ್ಪು ಬಣ್ಣದ ವಸ್ತುಗಳನ್ನು ಉಡುಗೊರೆಯಾಗಿ ನೀಡಬಾರದು. ಇದು ಸಂಬಂಧಗಳಲ್ಲಿ ಬಿರುಕು ಉಂಟುಮಾಡಬಹುದು ಎಂಬುದು ನಂಬಿಕೆ. ಮಿಕ್ಸಿ, ಪರ್ಸ್ ಮುಂತಾದ ಕಪ್ಪು ಬಣ್ಣದ ವಸ್ತುಗಳನ್ನು ತಪ್ಪಿಸುವುದು ಉತ್ತಮ.

ಸುಗಂಧ ದ್ರವ್ಯಗಳು (ಪರ್ಫ್ಯೂಮ್):

ಪರ್ಫ್ಯೂಮ್‌ಗಳನ್ನು ಉಡುಗೊರೆಯಾಗಿ ನೀಡುವುದರಿಂದ ಆರ್ಥಿಕ ತೊಂದರೆಗಳು ಉಂಟಾಗಬಹುದು ಮತ್ತು ಹಣಕಾಸಿನ ವಿಷಯಗಳಲ್ಲಿ ಜಗಳಗಳು ಸಂಭವಿಸಬಹುದು ಎಂದು ನಂಬಲಾಗಿದೆ.

ಪರ್ಸ್‌ಗಳು:

ಪರ್ಸ್‌ಗಳನ್ನು ಉಡುಗೊರೆಯಾಗಿ ನೀಡುವುದರಿಂದ ಸಾಲದ ಹೊರೆ ಹೆಚ್ಚಾಗಬಹುದು ಮತ್ತು ಹಣಕಾಸಿನ ವಿಷಯಗಳಲ್ಲಿ ತೊಂದರೆಗಳು ಎದುರಾಗಬಹುದು.

ವಿಡಿಯೋ ಇಲ್ಲಿದೆ ನೋಡಿ:

ಇದನ್ನೂ ಓದಿ: 40 ದಿನಗಳ ಹನುಮಾನ್ ವ್ರತದ ನಿಯಮ ಮತ್ತು ಪ್ರಯೋಜನಗಳೇನು? ಇದನ್ನು ಮಹಿಳೆಯರೂ ಮಾಡಬಹುದೇ?

ಮುತ್ತುಗಳು (ಪರ್ಲ್ಸ್):

ಮುತ್ತುಗಳನ್ನು ಉಡುಗೊರೆಯಾಗಿ ನೀಡುವುದರಿಂದ ಸಂಕಟಗಳು ಹೆಚ್ಚಾಗಬಹುದು ಎಂಬ ನಂಬಿಕೆ ಇದೆ. ವಿವಾಹದ ನಂತರ ಬಂಗಾರದಂತಹ ಉಡುಗೊರೆಗಳನ್ನು ನೀಡುವುದು ಹೆಚ್ಚು ಶುಭಕರ.

ವಸ್ತ್ರಗಳು:

ವಸ್ತ್ರಗಳನ್ನು ಉಡುಗೊರೆಯಾಗಿ ನೀಡುವುದು ಸಾಂಪ್ರದಾಯಿಕವಾಗಿ ಶುಭವೆಂದು ಪರಿಗಣಿಸಲಾಗುತ್ತದೆ. ಆದರೆ ವಿವಾಹದ ದಿನದಂದೇ ನೀಡಬೇಡಿ. ಬದಲಾಗಿ ವಿವಾಹದ ನಂತರ ಅಥವಾ ಮದುವೆಯ ಮುಂಚೆ ಇದನ್ನು ನೀಡಬಹುದು.

ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ