Palmistry: ಹಸ್ತಸಾಮುದ್ರಿಕ ಶಾಸ್ತ್ರದ ಪ್ರಕಾರ ಅಂಗೈಯಲ್ಲಿ ಮೀನಿನ ಗುರುತು ಇದ್ದರೆ ಏನರ್ಥ ಗೊತ್ತಾ?

ಹಸ್ತಸಾಮುದ್ರಿಕ ಶಾಸ್ತ್ರದಲ್ಲಿ (Palmistry) ಅಂಗೈ ಮೇಲಿನ ರೇಖೆಗಳು ಮತ್ತು ವಿವಿಧ ಚಿಹ್ನೆಗಳಿಗೆ ವಿಶೇಷ ಪ್ರಾಮುಖ್ಯತೆ ನೀಡಲಾಗುತ್ತದೆ. ಅವುಗಳಲ್ಲಿ ಅತ್ಯಂತ ಪವಿತ್ರ ಹಾಗೂ ಅದೃಷ್ಟದ ಸಂಕೇತವೆಂದರೆ ಮೀನಿನ ಗುರುತು (Fish Symbol). ಅಂಗೈಯ ಮೇಲೆ ಸ್ಪಷ್ಟವಾದ ಮೀನಿನ ಆಕಾರವಿದ್ದರೆ, ಅಂತಹ ವ್ಯಕ್ತಿಗಳು ಜೀವನದಲ್ಲಿ ಅತ್ಯುನ್ನತ ಯಶಸ್ಸು, ಅಪಾರ ಸಂಪತ್ತು, ಗೌರವ ಮತ್ತು ಆಧ್ಯಾತ್ಮಿಕ ಉನ್ನತಿಯನ್ನು ಸಾಧಿಸುತ್ತಾರೆ ಎಂದು ನಂಬಲಾಗಿದೆ.

ಗುರು ಪರ್ವತದ ಮೇಲೆ ಮೀನಿನ ಗುರುತು:

ತೋರುಬೆರಳಿನ ಕೆಳಗಿರುವ ಭಾಗವನ್ನು ‘ಗುರು ಪರ್ವತ’ (Jupiter Mount) ಎಂದು ಕರೆಯಲಾಗುತ್ತದೆ. ಈ ಸ್ಥಳದಲ್ಲಿ ಮೀನಿನ ಚಿಹ್ನೆ ಕಂಡುಬಂದರೆ ಅದನ್ನು ಅತ್ಯಂತ ಶುಭವೆಂದು ಪರಿಗಣಿಸಲಾಗುತ್ತದೆ. ಇಂತಹ ವ್ಯಕ್ತಿಗಳು ಜ್ಞಾನಿಗಳು, ಅತ್ಯಂತ ಬುದ್ಧಿವಂತರು ಹಾಗೂ ಧಾರ್ಮಿಕ ಚಿಂತನೆಯುಳ್ಳವರಾಗಿರುತ್ತಾರೆ. ಅಲ್ಲದೆ, ಇವರಲ್ಲಿ ಉತ್ತಮ ನಾಯಕತ್ವದ ಗುಣಗಳಿದ್ದು, ಸಮಾಜದಲ್ಲಿ ಉನ್ನತ ಸ್ಥಾನಮಾನ ಹಾಗೂ ಗೌರವ-ಪ್ರತಿಷ್ಠೆಗಳನ್ನು ಗಳಿಸುತ್ತಾರೆ.

ಮಣಿಕಟ್ಟು ಅಥವಾ ಕೇತು ಪರ್ವತದ ಮೇಲಿನ ಮೀನು:

ಅಂಗೈಯ ಕೆಳಭಾಗದಲ್ಲಿ, ಮಣಿಕಟ್ಟಿನ ಸುತ್ತ ಅಥವಾ ‘ಕೇತು ಪರ್ವತ’ದ ಮೇಲಿನ ಪ್ರದೇಶದಲ್ಲಿ ಮೀನಿನ ಚಿಹ್ನೆ ಇದ್ದರೆ ಅದು ವಿಶೇಷ ಮಹತ್ವವನ್ನು ಪಡೆಯುತ್ತದೆ. ಇಂತಹ ಜನರು ಆಳವಾದ ಆಧ್ಯಾತ್ಮಿಕ ಚಿಂತನೆಯನ್ನು ಹೊಂದಿದ್ದು, ಧ್ಯಾನ, ಪೂಜೆ ಮತ್ತು ಅಗತ್ಯವಿರುವವರಿಗೆ ಸಹಾಯ ಮಾಡುವತ್ತ ಹೆಚ್ಚಿನ ಒಲವು ತೋರುತ್ತಾರೆ. ಇದರ ಜೊತೆಗೆ, ಇವರ ಜೀವನದಲ್ಲಿ ಲೌಕಿಕ ಅಥವಾ ಭೌತಿಕ ಸೌಕರ್ಯಗಳಿಗೆ ಯಾವುದೇ ರೀತಿಯ ಕೊರತೆ ಎದುರಾಗುವುದಿಲ್ಲ.

ಇದನ್ನೂ ಓದಿ: ಶ್ರಾವಣ ಮಾಸದಲ್ಲಿ ಅಷ್ಟಲಕ್ಷ್ಮಿ ರಾಜಯೋಗ; ಈ 4 ರಾಶಿಗೆ ಒಲಿಯಲಿದೆ ಅಪಾರ ಧನಸಂಪತ್ತು!

ಜೀವನ ರೇಖೆ ಅಥವಾ ವಿಧಿ ರೇಖೆಯ ತುದಿಯಲ್ಲಿ ಮೀನಿನ ಚಿಹ್ನೆ:

ಜೀವನ ರೇಖೆ (Life Line) ಅಥವಾ ವಿಧಿ ರೇಖೆಯ (Fate Line) ಕೊನೆಯಲ್ಲಿ ಮೀನಿನ ಆಕಾರ ಮೂಡಿದರೆ, ಅದನ್ನು ಅತ್ಯಂತ ಅದೃಷ್ಟದ ಸಂಕೇತವೆಂದು ಭಾವಿಸಲಾಗುತ್ತದೆ. ಇಂತಹ ವ್ಯಕ್ತಿಗಳು ತಮ್ಮ ಜೀವನದ ಅನುಭವಗಳಿಂದ ಬಹಳಷ್ಟು ಕಲಿಯುತ್ತಾರೆ ಮತ್ತು ಹಂತ-ಹಂತವಾಗಿ ಆಧ್ಯಾತ್ಮಿಕತೆಯತ್ತ ಸಾಗುತ್ತಾರೆ. ಜೀವನದ ಅಂತಿಮ ಹಂತಗಳಲ್ಲಿ ಇವರು ಲೌಕಿಕ ಆಸೆಗಳಿಂದ ದೂರವಾಗಿ, ಅಪಾರ ಮಾನಸಿಕ ಶಾಂತಿ ಮತ್ತು ಸಂತೃಪ್ತಿಯನ್ನು ಕಂಡುಕೊಳ್ಳುತ್ತಾರೆ.

ಅಧ್ಯಾತ್ಮಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ