IND vs AUS: ಪಿಚ್​ನಲ್ಲಿ ಹುಲ್ಲು… ಮೊದಲ ಪಂದ್ಯದಲ್ಲಿ ಭರ್ಜರಿ ಪೈಪೋಟಿ ಖಚಿತ

ಭಾರತ ಮತ್ತು ಆಸ್ಟ್ರೇಲಿಯಾ ನಡುವಣ ಬಾರ್ಡರ್-ಗವಾಸ್ಕರ್ ಟೆಸ್ಟ್ ಸರಣಿಯ ಮೊದಲ ಪಂದ್ಯವು ನವೆಂಬರ್ 22 ರಿಂದ ಶುರುವಾಗಲಿದೆ. ಪರ್ತ್​ನ ಒಪ್ಟಸ್ ಸ್ಟೇಡಿಯಂನಲ್ಲಿ ನಡೆಯಲಿರುವ ಪಂದ್ಯದ ಪಿಚ್ ಕೂಡ​ ಅನಾವರಣಗೊಂಡಿದೆ. ಈ ಪಿಚ್​ನ ಮೇಲ್ಮೈಯು ಹುಲ್ಲಿನಿಂದ ಕೂಡಿದ್ದು, ಹೀಗಾಗಿ ಮೊದಲ ಪಂದ್ಯದಲ್ಲೇ ಭರ್ಜರಿ ಪೈಪೋಟಿಯನ್ನು ನಿರೀಕ್ಷಿಸಬಹುದು.

ಏಕೆಂದರೆ ಹುಲ್ಲಿನ ಮೇಲ್ಮೈ ಹೊಂದಿರುವ ಪಿಚ್ ಬೌಲರ್​ಗಳಿಗೆ ಸಹಕಾರಿ. ಆದರೆ ಆಸ್ಟ್ರೇಲಿಯಾದಲ್ಲಿ ಕೂಕಬುರಾ ಚೆಂಡಿನಲ್ಲಿ ಟೆಸ್ಟ್ ಪಂದ್ಯಗಳನ್ನಾಡಲಾಗುತ್ತದೆ. ಈ ಚೆಂಡು ಹಳೆಯದಾಗುತ್ತಿದ್ದಂತೆ ಅಥವಾ ಚೆಂಡಿನ ಮೇಲ್ಮೈ ಸವೆಯಲಾರಂಭಿಸಿದರೆ ಬ್ಯಾಟಿಂಗ್​ ಕೂಡ ಚೆನ್ನಾಗಿ ಮಾಡಬಹುದು. ಹೀಗಾಗಿಯೇ ಪರ್ತ್​ ಟೆಸ್ಟ್​ನಲ್ಲಿ ಬೌಲರ್​ ಮತ್ತು ಬ್ಯಾಟರ್​ಗಳಿಂದ ಜಿದ್ದಾಜಿದ್ದಿನ ಹೋರಾಟ ನಿರೀಕ್ಷಿಸಬಹುದು. ಇನ್ನು ಗ್ರಾಸ್ ಪಿಚ್​ನ ಬಗ್ಗೆ ಹೇಳುವುದಾದರೆ…

• ♦ಸ್ಥಿರ ಮೇಲ್ಮೈ: ಗ್ರಾಸ್ ಪಿಚ್ ಅಥವಾ ಹಸಿರು ಹುಲ್ಲಿನ ಪಿಚ್​ ಸ್ಥಿರತೆಯನ್ನು ಒದಗಿಸಲಿದೆ. ಅಂದರೆ ಪಂದ್ಯದುದ್ದಕ್ಕೂ ಸ್ಥಿರವಾದ ಆಟದ ಮೇಲ್ಮೈಯನ್ನು ಕಾಪಾಡಿಕೊಳ್ಳಲು ಇದು ನಿರ್ಣಾಯಕವಾಗಿದೆ.
• ♦ಬೌಲರ್​ಗಳಿಗೆ ಸ್ವರ್ಗ: ಈ ಪಿಚ್​ ವೇಗಿಗಳಿಗೆ ಉತ್ತಮ. ಅದರಲ್ಲೂ ವೇಗದ ಬೌಲರ್​ಗಳು ಉತ್ತಮ ಬೌನ್ಸ್ ಮತ್ತು ಸೀಮ್ ಚಲನೆಯನ್ನು ಪಡೆಯಲಿದ್ದಾರೆ. ಹಾಗೆಯೇ ಹುಲ್ಲು ಒಣಗಿದ ಬಳಿಕ ಪಿಚ್ ಸ್ಪಿನ್ನರ್‌ಗಳಿಗೆ ಸಹಕಾರಿಯಾಗಲಿದೆ.
• ♦ತೇವಾಂಶ ಸ್ಥಿರ: ತೇವಾಂಶವನ್ನು ಉಳಿಸಿಕೊಳ್ಳಲು ಹುಲ್ಲಿನ ಪಿಚ್​ ಸಹಾಯಕ. ಇದರಿಂದ ಪಿಚ್​ ಬೇಗನೆ ಹಾಳಾಗುವುದಿಲ್ಲ. ಹಾಗೆಯೇ ಸಾಕಷ್ಟು ತೇವಾಂಶವನ್ನು ಹೊಂದಿರುವ ಕಾರಣ ಈ ಪಿಚ್​ನಲ್ಲಿ ಸ್ಥಿರವಾದ ಆಟವನ್ನು ನಿರೀಕ್ಷಿಸಬಹುದು.

ಇದನ್ನೂ ಓದಿ: IPL 2025: ಎಲ್ಲಾ ತಂಡಗಳ ಟಾರ್ಗೆಟ್​ ಜೋಸ್ ಬಟ್ಲರ್..!

ಒಟ್ಟಾರೆಯಾಗಿ, ಗ್ರಾಸ್ ಪಿಚ್‌ ನ್ಯಾಯಯುತ ಆಟವನ್ನು ಖಚಿತಪಡಿಸಿಕೊಳ್ಳಲು ಮತ್ತು ಆಟದ ಗುಣಮಟ್ಟವನ್ನು ಕಾಪಾಡಿಕೊಳ್ಳಲು ನಿರ್ಣಾಯಕವಾಗಿದೆ. ಬ್ಯಾಟಿಂಗ್ ಮತ್ತು ಬೌಲಿಂಗ್ ಎರಡಕ್ಕೂ ಪರಿಸ್ಥಿತಿಯನ್ನು ಉತ್ತಮಗೊಳಿಸಲು ಗ್ರೌಂಡ್‌ಕೀಪರ್‌ಗಳು ಆಗಾಗ್ಗೆ ಹುಲ್ಲಿನ ಮೇಲ್ವಿಚಾರಣೆಯನ್ನು ಸಹ ಮಾಡಲಿದ್ದಾರೆ. ಹೀಗಾಗಿಯೇ ಪರ್ತ್​ನಲ್ಲಿ ಉಭಯ ತಂಡಗಳಿಂದ ಅತ್ಯುತ್ತಮ ಟೆಸ್ಟ್ ಪಂದ್ಯವನ್ನು ನಿರೀಕ್ಷಿಸಬಹುದು.

ಭಾರತ ಮತ್ತು ಆಸ್ಟ್ರೇಲಿಯಾ ಟೆಸ್ಟ್ ಸರಣಿ ವೇಳಾಪಟ್ಟಿ: