IPL 2021: ಸಖತ್ ವೈರಲ್ ಆಗುತ್ತಿದೆ ಆರ್​ಸಿಬಿ ಥೆರಫಿಸ್ಟ್ ನವನೀತ ಹಾಗೂ ಜೇಮಿಸನ್ ಕಣ್ಣೋಟದ ಫೋಟೋ

ಸೋಮವಾರ ಅಬುಧಾಬಿಯಲ್ಲಿ (Abu Dabhi) ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್​ನ (IPL 2021) 31ನೇ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ (Virat Kohli) ನಾಯಕತ್ವದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಹೀನಾಯ ಸೋಲುಕಂಡಿತು. ಇಯಾನ್ ಮಾರ್ಗನ್​ನ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ (KKR vs RCB) 9 ವಿಕೆಟ್​ಗಳ ಭರ್ಜರಿ ಗೆಲುವು ಸಾಧಿಸಿತು. ಆರ್​ಸಿಬಿಯ ಕಳಪೆ ಪ್ರದರ್ಶನ ಒಂದುಕಡೆ ಸುದ್ದಿಯಾಗುತ್ತಿದ್ದರೆ, ಇತ್ತ ಒಂದು ಫೋಟೋ ಭರ್ಜರಿ ವೈರಲ್ (Viral Photo) ಆಗುತ್ತಿದೆ. ಅದುವೇ ಬೆಂಗಳೂರು ಫ್ರಾಂಚೈಸಿಯ ಸಪೋರ್ಟ್ ಸ್ಟಾಫ್ ಮಸಾಜ್ ಥೆರಫಿಸ್ಟ್ ನವನೀತ ಗೌತಮ್ (Navnita Gautam) ಮತ್ತು ತಂಡದ ಪ್ರಮುಖ ವೇಗಿ ನ್ಯೂಜಿಲೆಂಡ್​ನ ಕೈಲ್ ಜೇಮಿಸನ್ (Kyle Jamieson) ಅವರ ಕಣ್ಣೋಟದ ಫೋಟೋ.

ಹೌದು, ಟಾಸ್ ಗೆದ್ದ ಆರ್​ಸಿಬಿ ತಂಡ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಆದರೆ, ಸ್ವತಃ ಕೊಹ್ಲಿ ಅವರೇ ತಮ್ಮ ನಿರ್ಧಾರವನ್ನು ಹುಸಿಗೊಳಿಸಿ ಮೊದಲಿಗರಾಗಿ ಕೇವಲ 5 ರನ್​ಗೆ ಪೆವಿಲಿಯನ್ ಸೇರಿಕೊಂಡರು. ನಂತರ ಒಬ್ಬರ ಹಿಂದೆ ಒಬ್ಬರಂತೆ ಔಟಾಗ ತೊಡಗಿದರು.

9.4 ಓವರ್ ಆಗುವ ಹೊತ್ತಿಗೆ ಆರ್​ಸಿಬಿ 53 ರನ್​ಗೆ ತನ್ನ ಪ್ರಮುಖ 4 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಇದೇ ಸಂದರ್ಭ ಕ್ಯಾಮೆರಾ ಒಮ್ಮೆಲೆ ಆರ್​ಸಿಬಿಯ ಡಗೌಟ್ ಕಡೆ ಕಣ್ಣು ಹಾಹಿಸುತ್ತೆ. ಆಗ ಕಂಡು ಬಂದ ದೃಶ್ಯ ಸದ್ಯ ಎಲ್ಲಡೆ ವೈರಲ್ ಆಗುತ್ತಿದೆ. ಆರ್​ಸಿಬಿ ಥೆರಫಿಸ್ಟ್ ನವನೀತ ಗೌತಮ್ ಮತ್ತು ವೇಗಿ ಕೈಲ್ ಜೇಮಿಸನ್ ನಗೆ ಬೀರುತ್ತಾ ಕಣ್ಣು ಕಣ್ಣು ನೋಡುತ್ತಿರುವುದು ಕ್ಯಾಮೆರಾ ಕಣ್ಣಲ್ಲಿ ಸೆರೆಯಾಗಿದೆ.

ಸದ್ಯ ಈ ಫೋಟೋ ಸಾಮಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದ್ದು ಭರ್ಜರಿ ಕಮೆಂಟ್​ಗಳು ಬರುತ್ತಿವೆ.

ಸಾಕಷ್ಟು ನಿರೀಕ್ಷೆ ಹುಟ್ಟಿಸಿದ್ದ ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಆರ್​ಸಿಬಿ ತಂಡ 19 ಓವರ್​ನಲ್ಲಿ ಕೇವಲ 92 ರನ್​ಗೆ ಸರ್ವಪತನ ಕಂಡಿತು. ತಂಡದ ಪರ ದೇವದತ್ ಪಡಿಕ್ಕಲ್ 22 ಹಾಗೂ ಶ್ರೀಕರ್ ಭರತ್ 16 ರನ್ ಗಳಿಸಿದ್ದು ಗರಿಷ್ಠ ಸ್ಕೋರ್ ಆಗಿತ್ತು. ಸ್ಟಾರ್ ಬ್ಯಾಟ್ಸ್​ಮನ್​ಗಳಾದ ಕೊಹ್ಲಿ 5 ರನ್, ಮ್ಯಾಕ್ಸ್​ವೆಲ್ 10 ಮತ್ತು ಎಬಿ ಡಿವಿಲಿಯರ್ಸ್ ಸೊನ್ನೆ ಸುತ್ತಿದ್ದು ತಂಡಕ್ಕೆ ದೊಡ್ಡ ಹಿನ್ನಡೆಯಾಯಿತು. ಆರ್​ಸಿಬಿ ಪರ ಯಾವೊಬ್ಬ ಬ್ಯಾಟ್ಸ್​ಮನ್ ಸಿಕ್ಸರ್ ಸಿಡಿಸಿಲ್ಲ ಎಂಬುದು ದುರಾದೃಷ್ಟಕರ. ಕೆಕೆಆರ್ ಪರ ವರುಣ್ ಚಕ್ರವರ್ತಿ ಹಾಗೂ ಆಂಡ್ರೊ ರಸೆಲ್ ತಲಾ 3 ವಿಕೆಟ್ ಕಿತ್ತರು.

ಸುಲಭ ಟಾರ್ಗೆಟ್ ಬೆನ್ನಟ್ಟಿದ ಕೋಲ್ಕತ್ತಾ ತಂಡ ಕೇವಲ 10 ಓವರ್​​ನಲ್ಲಿ 1 ವಿಕೆಟ್ ನಷ್ಟಕ್ಕೆ 94 ರನ್ ಬಾರಿಸಿ 9 ವಿಕೆಟ್​ಗಳ ಅಮೋಘ ಗೆಲುವು ಕಂಡಿತು. ಶುಭ್ಮನ್ ಗಿಲ್ 34 ಎಸೆತಗಳಲ್ಲಿ 48 ಹಾಗೂ ವೆಂಕಟೇಶ್ ಅಯ್ಯರ್ 27 ಎಸೆತಗಳಲ್ಲಿ ಅಜೇಯ 41 ರನ್ ಸಿಡಿಸಿದರು.

IPL 2021, PBKS vs RR: ಇಂದು ಪಂಜಾಬ್-ರಾಜಸ್ಥಾನ್ ಮುಖಾಮುಖಿ: ಯಾವ ತಂಡ ಬಲಿಷ್ಠ?

ಅತ್ಯಂತ ತುರ್ತಾಗಿ ನಮಗೆ ನೆರವಿನ ಅಗತ್ಯವಿದ್ದಾಗ ಈಸಿಬಿ ನಡುನೀರಿನಲ್ಲಿ ಕೈಬಿಟ್ಟಿದ್ದು ವಿಪರೀತ ಬೇಸರ ತರಿಸಿದೆ: ರಮೀಜ್ ರಾಜಾ

(IPL 2021 KKR vs RCB Kyle Jamieson seen smiling in the dugout looking the teams massage therapist Navnita Gautam Photo viral)