ಪ್ರತಿಷ್ಠಿತ ಯುರೋ ಕಪ್ (Euro Cup 2024) ಫುಟ್ಬಾಲ್ ಟೂರ್ನಿಯು ಕ್ವಾರ್ಟರ್ ಫೈನಲ್ ಹಂತಕ್ಕೆ ತಲುಪಿದೆ. 24 ತಂಡಗಳೊಂದಿಗೆ ಶುರುವಾದ ಟೂರ್ನಿಯು ಇದೀಗ 8 ತಂಡಗಳ ಕದನವಾಗಿ ಮಾರ್ಪಟ್ಟಿದೆ. ಅದರಂತೆ ಜುಲೈ 5 ರಿಂದ ಕ್ವಾರ್ಟರ್ ಫೈನಲ್ ಪಂದ್ಯಗಳು ಶುರುವಾಗಲಿದ್ದು, ನಾಕೌಟ್ ಸುತ್ತಿನಲ್ಲಿ ಎಂಟು ತಂಡಗಳು ಕಣಕ್ಕಿಳಿಯಲಿವೆ. ಆ ತಂಡಗಳಾವುವು ಎಂದರೆ…
ವಿಶೇಷ ಎಂದರೆ ಈ ಬಾರಿಯ ಕ್ವಾರ್ಟರ್ ಫೈನಲ್ನಲ್ಲಿ ಯುರೋಪ್ನ ಬಲಿಷ್ಠ ತಂಡಗಳು ಮುಖಾಮುಖಿಯಾಗಲಿದೆ. ಅದರಂತೆ ಮೊದಲ ಪಂದ್ಯದಲ್ಲಿ ಸ್ಪೇನ್ ಮತ್ತು ಜರ್ಮನಿ ಮುಖಾಮುಖಿಯಾದರೆ, ಎರಡನೇ ಪಂದ್ಯದಲ್ಲಿ ಪೋರ್ಚುಗಲ್ ಮತ್ತು ಫ್ರಾನ್ಸ್ ತಂಡಗಳು ಸೆಣಸಲಿದೆ. ಇನ್ನು ಇಂಗ್ಲೆಂಡ್ ತಂಡದ ಎದುರಾಳಿ ಸ್ವಿಟ್ಜರ್ಲೆಂಡ್. ಹೀಗಾಗಿ ಕ್ವಾರ್ಟರ್ ಫೈನಲ್ ಪಂದ್ಯಗಳು ರಣರೋಚಕ ಹೋರಾಟಕ್ಕೆ ಸಾಕ್ಷಿಯಾಗಲಿದೆ.
ಯುರೋ ಕಪ್ 2024 ಕ್ವಾರ್ಟರ್ ಫೈನಲ್ ಪಂದ್ಯಗಳ ವೇಳಾಪಟ್ಟಿ | ||||
ಪಂದ್ಯಗಳು | ತಂಡಗಳು | ದಿನಾಂಕ | ಸಮಯ | ಸ್ಥಳ |
1ನೇ ಕ್ವಾರ್ಟರ್ ಫೈನಲ್ | ಸ್ಪೇನ್ vs ಜರ್ಮನಿ | ಶುಕ್ರವಾರ, ಜುಲೈ 5 | 9:30 PM IST | ಸ್ಟಟ್ಗಾರ್ಟ್ ಅರೆನಾ |
2ನೇ ಕ್ವಾರ್ಟರ್ ಫೈನಲ್ | ಪೋರ್ಚುಗಲ್ vs ಫ್ರಾನ್ಸ್ | ಶನಿವಾರ, ಜುಲೈ 6 | 12:30 AM IST | ವೋಕ್ಸ್ಪಾರ್ಕ್ ಸ್ಟೇಡಿಯಂ |
3ನೇ ಕ್ವಾರ್ಟರ್ ಫೈನಲ್ | ಇಂಗ್ಲೆಂಡ್ vs ಸ್ವಿಟ್ಜರ್ಲೆಂಡ್ | ಶನಿವಾರ, ಜುಲೈ 6 | 9:30 PM IST | ಡ್ಯುಸೆಲ್ಡಾರ್ಫ್ ಅರೆನಾ |
4ನೇ ಕ್ವಾರ್ಟರ್ ಫೈನಲ್ | ನೆದರ್ಲೆಂಡ್ಸ್ vs ಟರ್ಕಿ | ಭಾನುವಾರ, ಜುಲೈ 7 | 12:30 AM IST | ಒಲಂಪಿಯಾ ಸ್ಟೇಡಿಯಂ |
ಯುರೋ ಕಪ್ 2024 ರ ಕ್ವಾರ್ಟರ್ ಫೈನಲ್ ಪಂದ್ಯಗಳು ಎಷ್ಟು ಗಂಟೆಗೆ ಶುರು?
ಯುರೋ ಕಪ್ನ ನಾಕೌಟ್ ಪಂದ್ಯಗಳು ರಾತ್ರಿ ನಡೆಯಲಿದೆ. ಅದರಂತೆ ಮೊದಲ ಮತ್ತು ಮೂರನೇ ಕ್ವಾರ್ಟರ್ ಫೈನಲ್ ಪಂದ್ಯವನ್ನು ಭಾರತೀಯ ಕಾಲಮಾನ ರಾತ್ರಿ 9.30 ಕ್ಕೆ ವೀಕ್ಷಿಸಬಹುದು. ಹಾಗೆಯೇ 2ನೇ ಮತ್ತು 4ನೇ ಪಂದ್ಯಗಳು 12.30 AM ಗೆ ಶುರುವಾಗಲಿದೆ.
ಯುರೋ ಕಪ್ 2024 ರ ಕ್ವಾರ್ಟರ್ಫೈನಲ್ ಪಂದ್ಯಗಳನ್ನು ಭಾರತದಲ್ಲಿ ಯಾವ ಟಿವಿ ಚಾನೆಲ್ಗಳಲ್ಲಿ ವೀಕ್ಷಿಸಬಹುದು?
ಸೋನಿ ಸ್ಪೋರ್ಟ್ಸ್ ನೆಟ್ವರ್ಕ್ನ ಸೋನಿ ಟೆನ್ 2 HD/SD ನಲ್ಲಿ ಇಂಗ್ಲಿಷ್ ಕಾಮೆಂಟರಿಯೊಂದಿಗೆ ಈ ಪಂದ್ಯಗಳ ನೇರ ಪ್ರಸಾರ ಇರಲಿದೆ.
ಇದನ್ನೂ ಓದಿ: EURO 2024: ಕ್ರಿಸ್ಟಿಯಾನೊ ರೊನಾಲ್ಡೊ ರೆಕಾರ್ಡ್ ಬ್ರೇಕ್ ಮಾಡಿದ ಗುಲರ್
ಯುರೋ ಕಪ್ 2024 ರಲ್ಲಿ ಕ್ವಾರ್ಟರ್ಫೈನಲ್ ಪಂದ್ಯಗಳ ಲೈವ್ ಸ್ಟ್ರೀಮಿಂಗ್ ಅನ್ನು ವೀಕ್ಷಿಸುವುದು ಹೇಗೆ?
ಸೋನಿ LIV ಆ್ಯಪ್ನಲ್ಲಿ ಕ್ವಾರ್ಟರ್ಫೈನಲ್ ಪಂದ್ಯಗಳನ್ನು ಲೈವ್ ಸ್ಟ್ರೀಮ್ ಮಾಡಲಾಗುತ್ತದೆ. ಈ ಆ್ಯಪ್ ಮೂಲಕ ಭಾರತದಲ್ಲೂ ಪಂದ್ಯದ ಪ್ರಸಾರ ಇರಲಿದೆ.