IPL ನಲ್ಲಿ ವರ್ಣಭೇದ ಧೊರಣೆ, ಸ್ಯಾಮಿಯನ್ನ ‘ಕಾಲು’ ಅಂತಾ ಕರೆದಿದ್ದು ಇಶಾಂತ್ ಶರ್ಮಾ!

ಕೆರಿಬಿಯನ್ ಕಿಂಗ್ ಕ್ರಿಸ್ ಗೇಲ್ ಬಳಿಕ ವೆಸ್ಟ್ ಇಂಡೀಸ್ ತಂಡದ ಮಾಜಿ ನಾಯಕ ಡ್ಯಾರೇನ್ ಸ್ಯಾಮಿ ಕೂಡ ವರ್ಣಭೇದ ಧೊರಣೆಗೆ ಒಳಗಾಗಿದ್ದೆ ಅಂತಾ ಬಾಂಬ್ ಸಿಡಿಸಿದ್ರು. ಅದು ಕೂಡ ಇಂಡಿಯನ್ ಪ್ರೀಮಿಯರ್ ಲೀಗ್​ನಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ತಂಡವನ್ನ ಪ್ರತಿನಿಧಿಸೋವಾಗ ಕಾಲು ಅಂತಾ ಕರೆಯುತ್ತಿದ್ರು ಅನ್ನೋ ಮೂಲಕ ಸಂಚಲನವನ್ನೇ ಸೃಷ್ಟಿ ಮಾಡಿದ್ರು.

ಇನ್ಸ್ಟಾಗ್ರಾಮ್‌ನಲ್ಲಿ ಈ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ್ದ ಸ್ಯಾಮಿ, ‘ಕಾಲು’ ಎಂದರೆ ಏನು ಎಂದು ಈಗಷ್ಟೇ ನನಗೆ ಗೊತ್ತಾಯಿತು. ಅವರು ನನ್ನನ್ನು ಮತ್ತು ಶ್ರೀಲಂಕಾ ಕ್ರಿಕೆಟಿಗ ಪೆರೆರಾ ಅವರನ್ನು ಈ ರೀತಿಯಲ್ಲಿ ಕರೆಯುತ್ತಿದ್ದರು. ನಾನು ಅದನ್ನು ಬಲಶಾಲಿ ವ್ಯಕ್ತಿ ಎಂಬ ಅರ್ಥ ಎಂದುಕೊಂಡಿದ್ದೆ ಎಂದು ಆಕ್ರೋಶದಿಂದ ಬರೆದುಕೊಂಡಿದ್ರು.

ಡ್ಯಾರೆನ್ ಸ್ಯಾಮಿ ಹೈದರಾಬಾದ್ ತಂಡವನ್ನ ಪ್ರತಿನಿಧಿಸುತ್ತಿದ್ದಾಗ, ತಂಡದಲ್ಲಿದ್ದ ವಿಕೆಟ್ ಕೀಪರ್ ಪಾರ್ಥೀವ್ ಪಟೇಲ್, ಆಲ್ ರೌಂಡರ್ ಇರ್ಫಾನ್ ಪಠಾಣ್ ಮತ್ತು ಬ್ಯಾಟ್ಸಮನ್ ಆಗಿದ್ದ ವೇಣುಗೋಪಾಲ್, ಇದನ್ನ ಅಲ್ಲಗೆಳದಿದ್ದಾರೆ. ಇಂತಹ ಘಟನೆಗಳಾಗಿರುವ ಬಗ್ಗೆ ನೆನಪಿಲ್ಲ. ಸ್ಯಾಮಿ ವಿರುದ್ಧ ಅಂತಹ ಟೀಕೆಗಳನ್ನು ನಾವು ಯಾವತ್ತೂ ಕೇಳಿಲ್ಲ ಎಂದಿದ್ದಾರೆ.

ಆದ್ರೀಗ ಇಶಾಂತ್ ಶರ್ಮಾ ಡ್ಯಾರೇನ್ ಸ್ಯಾಮಿಯನ್ನ ಕಾಲು ಅಂತಾ ಕರೆದಿರೋದಕ್ಕೆ ಪುರಾವೆಯೇ ಸಿಕ್ಕಿದೆ. ಯಾಕಂದ್ರೆ ಇಶಾಂತ್ ಶರ್ಮಾ, ಇನ್ಸ್ಟಾಗ್ರಾಮ್‌ನಲ್ಲಿ ಭುವನೇಶ್ವರ್ ಕುಮಾರ್, ಡೇಲ್ ಸ್ಟೇನ್ ಮತ್ತು ಡ್ಯಾರೇನ್ ಸ್ಯಾಮಿ ಜೊತೆಗಿರೋ ಫೋಟೋದಲ್ಲಿ, ಸ್ಯಾಮಿಯನ್ನ ಕಾಲು ಅಂತಾ ಬರೆದುಕೊಂಡಿದ್ದಾರೆ. ಅಂದ್ರೆ ಸ್ಯಾಮಿಯನ್ನ ಸನ್ ರೈಸರ್ಸ್ ಹೈದರಾಬಾದ್ ತಂಡದಲ್ಲಿ ಕಾಲು ಅಂತಾ ಕರೆದಿರೋದಕ್ಕೆ ಪುರಾವೇ ಸಿಕ್ಕಂತಾಗಿದೆ.

ಹಾಗೇ 2014ರಲ್ಲೇ ಡ್ಯಾರೇನ್ ಸ್ಯಾಮಿ ಸನ್ ರೈಸರ್ಸ್ ಹೈದರಾಬಾದ್ ತಂಡದ ಮೆಂಟರ್ ಆಗಿದ್ದ ಮಾಜಿ ಕ್ರಿಕೆಟಿಗ ವಿವಿಎಸ್​ ಲಕ್ಷಣ್​ಗೆ ಹುಟ್ಟು ಹಬ್ಬದ ಶುಭಾಶಯಗಳನ್ನ ಕೋರಿದ್ರು. ಈ ವೇಳೆ ಸ್ಯಾಮಿ, ಲಕ್ಷ್ಮಣ್​ಗೆ ನೆನಪಿಸಿಕೊಳ್ಳಿ ಕಪ್ಪು ಕಾಲು ಅಂತಾ ಬರೆದುಕೊಂಡಿದ್ದಾರೆ.

ಇದೆಲ್ಲವನ್ನ ನೋಡಿದ್ರೆ, ಸ್ಯಾಮಿಗೆ ಸನ್​ರೈಸರ್ಸ್ ಹೈದರಾಬಾದ್ ತಂಡದಲ್ಲಿ ಕಾಲು ಅಂತಾ ಕರೀತಾ ಇರೋದ್ರಲ್ಲಿ ಅನುಮಾನವೇ ಇಲ್ಲ. ಆದ್ರೆ ಈ ಕಾಲು ಅನ್ನೋ ಪದದ ನಿಜವಾದ ಅರ್ಥ ಏನು ಅಂತಾ, ಈಗಲಾದ್ರೂ ಸನ್ ರೈಸರ್ಸ್ ಹೈದರಾಬಾದ್ ತಂಡದ ಆಟಗಾರರು ವಿವರಿಸಬೇಕಿದೆ.
See more