IPL 2021: ಚೆನ್ನೈ ನಾಯಕ ಧೋನಿಗೆ ಕಾಡಿದ ನಿಷೇಧ ಭೀತಿ; ಐಪಿಎಲ್ ಮಂಡಳಿ ಎಚ್ಚರಿಕೆ
ಡೆಲ್ಲಿ ಬ್ಯಾಟ್ ಮಾಡುವಾಗ ಚೆನ್ನೈ ನಿಧಾನವಾಗಿ ಬೌಲಿಂಗ್ ಮಾಡಿತ್ತು. ಈ ಕಾರಣಕ್ಕೆ ಧೋನಿಗೆ ದಂಡ ವಿಧಿಸಲಾಗಿದೆ ಎಂದು ಐಪಿಎಲ್ ಮಂಡಳಿ ತಿಳಿಸಿದೆ.
13ನೇ ಸೀಸನ್ನಲ್ಲಿ ಹೀನಾಯ ಸೋಲು ಕಂಡಿದ್ದ ಚೆನ್ನೈ ಸೂಪರ್ ಕಿಂಗ್ಸ್ 14ನೇ ಸೀಸನ್ನ ಮೊದಲ ಪಂದ್ಯದಲ್ಲೇ ಸೋತಿದೆ. ಸಿಎಸ್ಕೆ ನಾಯಕ ಎಂ.ಎಸ್. ಧೋನಿ ಶೂನ್ಯ ಸುತ್ತಿದ್ದರು. ಇದಾದ ಬೆನ್ನಲ್ಲೇ ಧೋನಿಗೆ ಭಾರೀ ದಂಡ ಬಿದ್ದಿದೆ. ಧೋನಿಗೆ ಬರೋಬ್ಬರಿ 12 ಲಕ್ಷ ರೂಪಾಯಿ ದಂಡ ವಿಧಿಸಲಾಗಿದೆ. ಅಷ್ಟೇ ಅಲ್ಲ, ಅವರಿಗೆ ನಿಷೇಧ ಭೀತಿ ಕೂಡ ಕಾಡಿದೆ.
ಮುಂಬೈನ ವಾಂಖೇಡೆ ಸ್ಟೇಡಿಯಂನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಹಾಗೂ ಚೆನ್ನೈ ನಡುವೆ ಪಂದ್ಯ ನಡೆದಿತ್ತು. ಮೊದಲು ಟಾಸ್ ಗೆದ್ದ ಡೆಲ್ಲಿ ನಾಯಕ ರಿಷಬ್ ಪಂತ್ ಬೌಲಿಂಗ್ ಆಯ್ದುಕೊಂಡರು. ಮೊದಲು ಬ್ಯಾಟ್ ಮಾಡಿದ ಚೆನ್ನೈ 188 ರನ್ಗಳ ಟಾರ್ಗೆಟ್ ನೀಡಿತ್ತು. ಈ ಟಾರ್ಗೆಟ್ ಬೆನ್ನು ಹತ್ತಿದ ಡೆಲ್ಲಿ ಕೇವಲ 18.4ಓವರ್ಗೆ 7 ವಿಕೆಟ್ಗಳ ಗೆಲುವು ಕಂಡಿತ್ತು.
ಡೆಲ್ಲಿ ಬ್ಯಾಟ್ ಮಾಡುವಾಗ ಚೆನ್ನೈ ನಿಧಾನವಾಗಿ ಬೌಲಿಂಗ್ ಮಾಡಿತ್ತು. ಈ ಕಾರಣಕ್ಕೆ ಧೋನಿಗೆ ದಂಡ ವಿಧಿಸಲಾಗಿದೆ ಎಂದು ಐಪಿಎಲ್ ಮಂಡಳಿ ತಿಳಿಸಿದೆ. ಒಂದೊಮ್ಮೆ ಇದು ಪುನರಾವರ್ತನೆ ಆದರೆ, ಅವರು ಒಂದು ಅಥವಾ ಎರಡು ಮ್ಯಾಚ್ನಿಂದ ಅವರಿಗೆ ನಿರ್ಬಂಧ ಹೇರುವ ಅವಕಾಶ ಕೂಡ ಐಪಿಎಲ್ ಮಂಡಳಿಗೆ ಇದೆ. ಈ ಬಗ್ಗೆ ಈಗಾಗಲೇ ಎಚ್ಚರಿಕೆ ನೀಡಲಾಗಿದೆ.
ಒಂದೊಮ್ಮೆ ಈ ತಪ್ಪು ಮತ್ತೆ ಪುನರಾವರ್ತನೆ ಆದರೆ, 24 ಲಕ್ಷ ದಂಡ ಬೀಳಲಿದೆ. ಜತೆಗೆ ತಂಡದ ಪ್ರತಿ ಆಟಗಾರ 6 ಲಕ್ಷ ದಂಡ ಪಾವತಿ ಮಾಡಬೇಕು. ಮೂರನೇ ಬಾರಿಗೆ ವಿಳಂಬವಾದರೆ, ನಾಯಕನಿಗೆ 30 ಲಕ್ಷ ರೂಪಾಯಿ, ತಂಡದ ಉಳಿದ ಆಟಗಾರರಿಗೆ 12 ಲಕ್ಷ ದಂಡ ಬೀಳಲಿದೆ. ಜತೆಗೆ ಕ್ಯಾಪ್ಟನ್ಗೆ ಒಂದು ಮ್ಯಾಚ್ಗೆ ನಿಷೇಧ ಬೀಳಲಿದೆ.
ಐಪಿಎಲ್ ಹೊಸ ನಿಯಮದ ಪ್ರಕಾರ 90 ನಿಮಿಷಕ್ಕೆ ಒಂದು ಸೈಡ್ ಮ್ಯಾಚ್ ಮುಗಿಸಬೇಕು. ಅಂದರೆ, ಒಂದು ಗಂಟೆಗೆ 14.1 ಓವರ್ ಪೂರ್ಣಗೊಳ್ಳಬೇಕು. ಆದರೆ, ಸಿಎಸ್ಕೆ ಬೌಲಿಂಗ್ ವೇಳೆ ಇದು ಸಾಧ್ಯವಾಗಿಲ್ಲ. ಅವರು ಬೌಲಿಂಗ್ಗೆ ನಿಗದಿಗಿಂತ ಹೆಚ್ಚಿನ ಸಮಯ ತೆಗೆದುಕೊಂಡಿದ್ದಾರೆ. ಹೀಗಾಗಿ ದಂಡ ಹಾಕಲಾಗಿದೆ.
ಇದನ್ನೂ ಓದಿ: Dinesh Karthik IPL 2021 KKR Team Player: ಧೋನಿ ದಾಖಲೆ ಮುರಿಯುವ ಸನಿಹದಲ್ಲಿ ಕೆಕೆಆರ್ನ ಮಾಜಿ ನಾಯಕ ದಿನೇಶ್ ಕಾರ್ತಿಕ್!