Asus ROG Phone 7: ಕ್ರೇಜಿ ಗೇಮಿಂಗ್ ಫೀಚರ್ಸ್ ₹74,999 ಏಸಸ್ ರಾಗ್ ಫೋನ್ 7

ಸ್ಮಾರ್ಟ್​ಫೋನ್ ಗೇಮಿಂಗ್ ಎನ್ನುವುದು ಹಲವರಿಗೆ ಅತ್ಯಂತ ನೆಚ್ಚಿನ ಹವ್ಯಾಸ, ಅಭ್ಯಾಸವೂ ಹೌದು. ಸ್ಮಾರ್ಟ್​ಫೋನ್ ಗೇಮಿಂಗ್ ಪರಿಣತರಿಗೆ, ಅದಕ್ಕೆ ತಕ್ಕುದಾದ ಫೀಚರ್ಸ್ ಇರುವ ಫೋನ್ ಸಿಕ್ಕರೆ ಅಂತು ಕೇಳುವುದೇ ಬೇಡ ಎನ್ನುವಂತಿರುತ್ತದೆ. ಅಲ್ಲದೆ, ಗೇಮಿಂಗ್ ಫೋನ್​ಗಳ ಡಿಸ್​ಪ್ಲೇ, ಸೌಂಡ್ ಔಟ್​ಪುಟ್, ವಿನ್ಯಾಸವೂ ವಿಶಿಷ್ಟವಾಗಿರುತ್ತದೆ. ಏಸಸ್, ರಾಗ್ ಸರಣಿಯ ಫೋನ್​ಗಳು ಗೇಮಿಂಗ್​ಗೆ ಬೆಸ್ಟ್. ಅದರಲ್ಲಿನ ಗೇಮಿಂಗ್ ಅನುಭವ ವಿಶಿಷ್ಟವಾದುದು. ಏಸಸ್ ಪರಿಚಯಿಸಿರುವ ನೂತನ ರಾಗ್ ಫೋನ್ 7 ಮತ್ತು ರಾಗ್ ಫೋನ್ 7 ಅಲ್ಟಿಮೇಟ್, ಭಾರತದ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ನೂತನ ಫೋನ್ ಕುರಿತ ಹೆಚ್ಚಿನ ಡಿಟೇಲ್ಸ್ ಇಲ್ಲಿದೆ. ಹೊಸ ಸರಣಿಯಲ್ಲಿ ರಾಗ್ ಫೋನ್ 7 ಮತ್ತು ರಾಗ್ ಫೋನ್ 7 ಅಲ್ಟಿಮೇಟ್ ಬಿಡುಗಡೆಯಾಗಿದ್ದು, 12 GB RAM ಮತ್ತು 256 GB ಸ್ಟೋರೇಜ್ ಮಾದರಿಗೆ ₹74,999 ದರವಿದೆ. 16GB LPDDR5X RAM ಮತ್ತು 512GB ವರೆಗಿನ ಆವೃತ್ತಿಯಲ್ಲೂ ಲಭ್ಯವಿದ್ದು, ಫ್ಯಾಂಟಮ್ ಬ್ಲ್ಯಾಕ್ ಮತ್ತು ಸ್ಟಾರ್ಮ್ ವೈಟ್ ಬಣ್ಣದಲ್ಲಿ ದೊರೆಯಲಿದೆ. 6.78 ಇಂಚಿನ HD+ (2448 x 1080) AMOLED ಡಿಸ್​ಪ್ಲೇ ಹಾಗೂ ಕ್ವಾಲ್ಕಂ ಸ್ನ್ಯಾಪ್​ಡ್ರ್ಯಾಗನ್ 8 ಜೆನ್ ಪ್ರೊಸೆಸರ್, Adreno 740 GPU ಗ್ರಾಫಿಕ್ಸ್ ಬೆಂಬಲ ಹೊಂದಿದೆ. ಹಿಂಭಾಗದಲ್ಲಿ 50+13+8 ಮೆಗಾಪಿಕ್ಸೆಲ್ ತ್ರಿವಳಿ ಕ್ಯಾಮೆರಾ ವ್ಯವಸ್ಥೆ ಇದ್ದು, 32 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಹೊಂದಿದೆ. ಏಸಸ್ ರಾಗ್ ಫೋನ್ 7 ಮಾದರಿ 6,000mAh ಬ್ಯಾಟರಿ ಮತ್ತು 65W ಫಾಸ್ಟ್ ಚಾರ್ಜಿಂಗ್ ಬೆಂಬಲ ಹೊಂದಿದೆ.