ಒನ್ಪ್ಲಸ್, ಪ್ರೀಮಿಯಂ ಆ್ಯಂಡ್ರಾಯ್ಡ್ ಸ್ಮಾರ್ಟ್ಫೋನ್ಗೆ ಹೆಸರುವಾಸಿ. ಒನ್ಪ್ಲಸ್ ಬ್ರ್ಯಾಂಡ್ ಮೂಲಕ ವಿವಿಧ ಮಾದರಿಗಳು ಮಾರುಕಟ್ಟೆ ಪ್ರವೇಶಿಸಿವೆ. ಅದರಲ್ಲೂ, ಉತ್ತಮ ಕ್ಯಾಮೆರಾ ಫೀಚರ್ಸ್, ಗರಿಷ್ಠ ಬ್ಯಾಟರಿ ಹಾಗೂ ಗ್ರೇಟ್ ಅನ್ನಿಸುವ ಪರ್ಫಾಮೆನ್ಸ್ಗೆ ಒನ್ಪ್ಲಸ್ ಫೋನ್ ಹೆಸರುವಾಸಿಯಾಗಿದೆ. ಒನ್ಪ್ಲಸ್ ನಾರ್ಡ್ ಸರಣಿಯಲ್ಲಿ ಆರಂಭಿಕ ಹಂತದ ಬಜೆಟ್ ಸ್ಮಾರ್ಟ್ಫೋನ್ಗಳನ್ನು ಬಿಡುಗಡೆ ಮಾಡಿದೆ. ಈ ಬಾರಿ ಅದೇ ಸರಣಿಯಲ್ಲಿ ಮುಂದುವರಿದು, ಮತ್ತೊಂದು ಹೊಸ ನಾರ್ಡ್ ಫೋನ್ ಭಾರತದ ಗ್ಯಾಜೆಟ್ ಮಾರುಕಟ್ಟೆಗೆ ಬಿಡುಗಡೆಯಾಗಿದೆ. ಒನ್ಪ್ಲಸ್ ನಾರ್ಡ್ ಸಿಇ 3 ಲೈಟ್ 5G ಫೋನ್ ವಿವರ ಇಲ್ಲಿದೆ. ಒನ್ಪ್ಲಸ್ ನಾರ್ಡ್ ಸಿಇ 3 ಲೈಟ್ 5G ನೂತನ ಸ್ಮಾರ್ಟ್ಫೋನ್ ಬಿಡುಗಡೆಯಾಗಿದ್ದು, ಸ್ನ್ಯಾಪ್ಡ್ರ್ಯಾಗನ್ 695 ಪ್ರೊಸೆಸರ್ ಸಹಿತ ಬರುತ್ತಿದೆ. ಹೊಸ ಫೋನ್ Nord CE 3 Lite 5Gಯಲ್ಲಿ 6.72 ಇಂಚಿನ ಎಲ್ಸಿಡಿ ಡಿಸ್ಪ್ಲೇ ಇದೆ. ಒನ್ಪ್ಲಸ್ Nord CE 3 Lite 5G ಫೋನ್ 5,000mAh ಬ್ಯಾಟರಿ ಮತ್ತು 67W SuperVOOC ಫಾಸ್ಟ್ ಚಾರ್ಜಿಂಗ್ ಬೆಂಬಲ ಹೊಂದಿದ್ದು, 8GB RAM + 128GB ಆವೃತ್ತಿಗೆ ₹19,999 ದರವಿದೆ. ಅಲ್ಲದೆ, 8GB RAM + 256GB ಮಾದರಿಗೆ ₹21,999 ದರವಿದೆ. Android 13 ಆಧಾರಿತ OxygenOS 13.1 ಓಎಸ್ ಮೂಲಕ ಕಾರ್ಯನಿರ್ವಹಿಸುವ ಫೋನ್ನಲ್ಲಿ 108 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಜತೆಗೆ 2+2 MP ಕ್ಯಾಮೆರಾ ಇದ್ದು, 16 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಹೊಂದಿದೆ.