Redmi Note 12 4G: ಶಓಮಿ ರೆಡ್ಮಿ ನೂತನ ಸ್ಮಾರ್ಟ್​ಫೋನ್ ಖರೀದಿಗೆ ₹1,000 ಡಿಸ್ಕೌಂಟ್

ಶಓಮಿ ರೆಡ್ಮಿ ನೋಟ್ ಸರಣಿಯಲ್ಲಿ ಹೊಸ ಶಓಮಿ ರೆಡ್ಮಿ Note 12 4G (Redmi Note 12 4G) ಬಿಡುಗಡೆಯಾಗಿದೆ. ಈ ಸರಣಿಯಲ್ಲಿ ಈಗಾಗಲೇ ರೆಡ್ಮಿ Note 12 5G, ರೆಡ್ಮಿ Note 12 Pro 5G ಮತ್ತು ರೆಡ್ಮಿ Note 12 Pro+ 5G ಬಿಡುಗಡೆಯಾಗಿದೆ. ಈ ಬಾರಿ ಹೊಸ 4G ಆವೃತ್ತಿ ಮಾರುಕಟ್ಟೆಗೆ ಲಗ್ಗೆ ಇರಿಸಿದೆ. ನೂತನ ಫೋನ್ ದರ ₹14,999ರಿಂದ ಆರಂಭವಾಗುತ್ತದೆ. ಗ್ರಾಹಕರು ಐಸಿಐಸಿಐ ಬ್ಯಾಂಕ್ ಕಾರ್ಡ್ ಬಳಸಿದರೆ ₹1,000 ಡಿಸ್ಕೌಂಟ್ ದೊರೆಯುತ್ತದೆ. ಏಪ್ರಿಲ್ 6ರಿಂದ ಅಮೆಜಾನ್ ಮತ್ತು ಎಂಐ ಸ್ಟೋರ್ ಮೂಲಕ ನೂತನ ಫೋನ್ ಖರೀದಿಸಬಹುದು. ಜತೆಗೆ, ಎಂಐ , ರೆಡ್ಮಿ ಫೋನ್ ಎಕ್ಸ್​ಚೇಂಜ್ ₹1,500 ಬೋನಸ್ ಕೂಡ ಲಭ್ಯವಿದೆ.

ಶಓಮಿ ರೆಡ್ಮಿ ನೋಟ್ 12 4G ವೈಶಿಷ್ಟ್ಯಗಳು

ಶಓಮಿ ರೆಡ್ಮಿ ನೋಟ್ ಸರಣಿಯಲ್ಲಿ Note 12 4G ಬಿಡುಗಡೆಯಾಗಿದೆ. ಈ ಸ್ಮಾರ್ಟ್​ಫೋನ್​ನಲ್ಲಿ 6.67 ಇಂಚಿನ ಸೂಪರ್ ಅಮೊಲೆಡ್ ಡಿಸ್​ಪ್ಲೇ ಇದ್ದು, 120Hz ರಿಫ್ರೆಶ್ ರೇಟ್ ಹೊಂದಿದೆ. ಅಲ್ಲದೆ, Android 13 ಆದಾರಿತ MIUI 14 ಕಾರ್ಯಾಚರಣೆ ವ್ಯವಸ್ಥೆ ಇದ್ದು, ಕ್ವಾಲ್ಕಂ ಸ್ನ್ಯಾಪ್​​ಡ್ರ್ಯಾಗನ್ 685 ಪ್ರೊಸೆಸರ್ ಬಳಕೆ ಮಾಡಿ, Adreno 610 ಗ್ರಾಫಿಕ್ಸ್ ಬೆಂಬಲ ಹೊಂದಿದೆ. ಹೀಗಾಗಿ ಅತ್ಯುತ್ತಮ ಸ್ಪೀಡ್ ಬಳಕೆದಾರರಿಗೆ ದೊರೆಯುತ್ತದೆ. ಹಿಂಭಾಗದಲ್ಲಿ 50 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಜತೆಗೆ 8 MP+2 MP ಹಿಂಬದಿ ಕ್ಯಾಮೆರಾ ತ್ರಿವಳಿ ಕ್ಯಾಮೆರಾ ವ್ಯವಸ್ಥೆ ಇದೆ. ಉಳಿದಂತೆ, 13 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ರೆಡ್ಮಿ Note 12 4G ಸ್ಮಾರ್ಟ್​ಫೋನ್​ನಲ್ಲಿದೆ.

ಶಓಮಿ ರೆಡ್ಮಿ ನೋಟ್ 12 4G ಬೆಲೆ ಮತ್ತು ಲಭ್ಯತೆ

ಹೊಸದಾಗಿ ಬಿಡುಗಡೆಯಾದ ಶಓಮಿ ರೆಡ್ಮಿ ನೋಟ್ 12 4G ಸ್ಮಾರ್ಟ್​ಫೋನ್, 5,000mAh ಬ್ಯಾಟರಿ ಮತ್ತು 33W ಫಾಸ್ಟ್ ಚಾರ್ಜಿಂಗ್ ಬೆಂಬಲಿಸುತ್ತದೆ. 6GB + 64GB ಆವೃತ್ತಿಗೆ ₹14,999 ಮತ್ತು 6GB + 128GB ಆವೃತ್ತಿಗೆ ₹16,999 ದರ ಹೊಂದಿದೆ. 6GB + 64GB RAM ಮತ್ತು 6GB + 128GB ಎಂಬ ಎರಡು ಸ್ಟೋರೇಜ್ ಮಾದರಿಯ ಆಯ್ಕೆ ಗ್ರಾಹಕರಿಗೆ ದೊರೆಯುತ್ತಿದೆ. ಐಸ್ ಬ್ಲೂ, ಸನ್​ರೈಸ್ ಗೋಲ್ಡ್, ಲೂನಾರ್ ಬ್ಲ್ಯಾಕ್ ಬಣ್ಣದಲ್ಲಿ ನೂತನ ಸ್ಮಾರ್ಟ್​ಪೋನ್ ಲಭ್ಯವಿದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ