Tech Tips: ಯೂಟ್ಯೂಬ್​ನಲ್ಲಿ ಗೋಲ್ಡನ್ ಬಟನ್ ಯಾವಾಗ ಸಿಗುತ್ತದೆ?, ಇದಕ್ಕೆ ಏನೆಲ್ಲ ಮಾಡಬೇಕು?

ಬೆಂಗಳೂರು (ಮೇ. 14): ಇಂದಿನ ಕಾಲದಲ್ಲಿ, ಯೂಟ್ಯೂಬ್ (Youtube) ಕೇವಲ ಮನರಂಜನೆಯ ಸಾಧನವಾಗಿ ಉಳಿದಿಲ್ಲ. ಇದು ಹಣ ಸಂಪಾದಿಸುವ ಮತ್ತು ನಿಮ್ಮ ಗುರುತನ್ನು ಪರಿಚಯಿಸುವ ವೇದಿಕೆಯಾಗಿದೆ. ಅನೇಕ ಜನರು ಯೂಟ್ಯೂಬ್‌ನಲ್ಲಿ ವಿಡಿಯೋಗಳನ್ನು ಮಾಡುವ ಮೂಲಕ ಲಕ್ಷಗಟ್ಟಲೆ ಸಂಪಾದಿಸುತ್ತಾರೆ ಮತ್ತು ಕೋಟ್ಯಂತರ ಜನರ ಎದದುರು ಪ್ರಸಿದ್ಧರಾಗುತ್ತಿದ್ದಾರೆ. ಒಬ್ಬ ಯೂಟ್ಯೂಬರ್‌ನ ಚಾನೆಲ್ ಉತ್ತಮವಾಗಿ ಕಾರ್ಯನಿರ್ವಹಿಸಿದಾಗ, ಯೂಟ್ಯೂಬ್ ಅವರಿಗೆ ಪ್ರಶಸ್ತಿಯನ್ನು ನೀಡುತ್ತದೆ. ಇದರಲ್ಲಿ ಸಿಲ್ವರ್, ಗೋಲ್ಡ್ ಮತ್ತು ಡೈಮಂಡ್ ಪ್ಲೇ ಬಟನ್‌ನಂತಹ ಯೂಟ್ಯೂಬರ್ ಕ್ರಿಯೇಟರ್ ಪ್ರಶಸ್ತಿಗಳು ಸೇರಿವೆ.

ನೀವು ಯೂಟ್ಯೂಬ್ ನಲ್ಲಿ ಗೋಲ್ಡನ್ ಪ್ಲೇ ಬಟನ್ ಅನ್ನು ಯಾವಾಗ ಪಡೆಯುತ್ತೀರಿ ಎಂದು ನಾವು ನಿಮಗೆ ಹೇಳುತ್ತೇವೆ ಮತ್ತು 1 ಲಕ್ಷ ವೀಕ್ಷಣೆಗಳನ್ನು ಪಡೆಯುವ ಮೂಲಕ ನೀವು ಈ ಬಟನ್ ಅನ್ನು ಪಡೆಯಬಹುದೇ ಎಂಬ ಗೊಂದಲಕ್ಕೆ ಸ್ಪಷ್ಟನೆ ನೀಡುತ್ತೇವೆ.

ಯಾವ ಯೂಟ್ಯೂಬ್ ಬಟನ್ ಯಾವಾಗ ಲಭ್ಯವಿದೆ?:

ಯೂಟ್ಯೂಬ್ ತನ್ನ ರಚನೆಕಾರರಿಗೆ ಅವರ ಕಠಿಣ ಪರಿಶ್ರಮ ಮತ್ತು ಚಂದಾದಾರರ ಆಧಾರದ ಮೇಲೆ ಪ್ರಶಸ್ತಿಗಳನ್ನು ನೀಡುತ್ತದೆ. ಆದರೆ ಈ ಪ್ರಶಸ್ತಿಯನ್ನು ಕೆಲ ಷರತ್ತುಗಳ ಮೇಲೆ ನೀಡಲಾಗುತ್ತದೆ.

ಸಿಲ್ವರ್ ಪ್ಲೇ ಬಟನ್: ನಿಮ್ಮ ಚಾನೆಲ್ 1 ಲಕ್ಷ ಚಂದಾದಾರರನ್ನು ಹೊಂದಿರುವಾಗ.

ಗೋಲ್ಡ್ ಪ್ಲೇ ಬಟನ್: ನಿಮ್ಮ ಚಾನೆಲ್‌ನಲ್ಲಿ ನೀವು 1 ಮಿಲಿಯನ್ ಚಂದಾದಾರರನ್ನು ಪೂರ್ಣಗೊಳಿಸಿದಾಗ ಯೂಟ್ಯೂಬ್ ನಿಮಗೆ ಗೋಲ್ಡ್ ಪ್ಲೇ ಬಟನ್ ನೀಡುತ್ತದೆ.

ಡೈಮಂಡ್ ಪ್ಲೇ ಬಟನ್: ಚಾನೆಲ್ 1 ಕೋಟಿ (10 ಮಿಲಿಯನ್) ಚಂದಾದಾರರನ್ನು ಹೊಂದಿರುವಾಗ, ಡೈಮಂಡ್ ಪ್ಲೇ ಬಟನ್ ಅನ್ನು ಸ್ವೀಕರಿಸಲಾಗುತ್ತದೆ.

ಇದರರ್ಥ ನೀವು 10 ಲಕ್ಷ ಚಂದಾದಾರರನ್ನು ಹೊಂದಿದ್ದರೆ ಮಾತ್ರ ನಿಮಗೆ ಗೋಲ್ಡನ್ ಬಟನ್ ಸಿಗುತ್ತದೆ, ಕೇವಲ ವೀವ್ಸ್ ಇದ್ದರೆ ಸಾಕಾಗುವುದಿಲ್ಲ.

Motorola Razr 60 Ultra: ಭಾರತಕ್ಕೆ ಬಂತು 99,999 ರೂ. ವಿನ ಹೊಸ ಸ್ಮಾರ್ಟ್​ಫೋನ್: ಏನಿದೆ ಇದರಲ್ಲಿ ನೋಡಿ

1 ಲಕ್ಷ ವೀಕ್ಷಣೆಗೆ ಗೋಲ್ಡನ್ ಬಟನ್ ಸಿಗುತ್ತದೆಯೇ?:

ಕೇವಲ 1 ಲಕ್ಷ ವೀಕ್ಷಣೆಗಳನ್ನು ಪಡೆದ ಮಾತ್ರಕ್ಕೆ ನಿಮಗೆ ಗೋಲ್ಡನ್ ಅಥವಾ ಯಾವುದೇ ಬಟನ್ ಸಿಗುವುದಿಲ್ಲ. ಯೂಟ್ಯೂಬ್ ನ ದೃಷ್ಟಿಯಲ್ಲಿ ಅತ್ಯಂತ ಮುಖ್ಯವಾದ ವಿಷಯವೆಂದರೆ ಚಂದಾದಾರರ ಸಂಖ್ಯೆ. ಒಂದು ವಿಡಿಯೋ 1 ಲಕ್ಷ ವೀಕ್ಷಣೆಗಳನ್ನು ಪಡೆಯುವ ಸಾಧ್ಯತೆಯಿದೆ, ಆದರೆ ಕೇವಲ 500 ಜನರು ನಿಮ್ಮ ಚಾನಲ್‌ಗೆ ಚಂದಾದಾರರಾಗಿದ್ದರೆ, ನೀವು ಪ್ಲೇ ಬಟನ್‌ಗೆ ಅರ್ಹರಲ್ಲ.

ಹಾಗಾದರೆ ವೀಕ್ಷಣೆ ಯಾವಾಗ ಅಗತ್ಯ?:

ವೀವ್ಸ್ ನಿಮ್ಮ ಚಾನಲ್‌ನ ಜನಪ್ರಿಯತೆಯನ್ನು ತೋರಿಸುತ್ತವೆ. ವೀಕ್ಷಣೆಗಳು ಉತ್ತಮವಾಗಿದ್ದರೆ, ಯೂಟ್ಯೂಬ್ ನಿಮಗೆ ಹಣಗಳಿಸುವ ಆಯ್ಕೆಯನ್ನು ನೀಡುತ್ತದೆ. ಇದರೊಂದಿಗೆ ನೀವು ಹಣ ಗಳಿಸಬಹುದು. ವೀಕ್ಷಣೆಗಳನ್ನು ಹೆಚ್ಚಿಸುವ ಮೂಲಕ, ನಿಮ್ಮ ಚಂದಾದಾರರನ್ನು ಸಹ ಹೆಚ್ಚಿಸಬಹುದು, ಇದರಿಂದ ನೀವು ಕ್ರಮೇಣ ಗೋಲ್ಡನ್ ಬಟನ್ ಕಡೆಗೆ ಹೋಗಬಹುದು.

ಗೋಲ್ಡನ್ ಬಟನ್ ಪಡೆಯಲು ಏನು ಮಾಡಬೇಕು?:

ನಿಯಮಿತವಾಗಿ ವಿಡಿಯೋಗಳನ್ನು ಅಪ್‌ಲೋಡ್ ಮಾಡಿ. ಆಸಕ್ತಿದಾಯಕ ಮತ್ತು ವಿಶಿಷ್ಟ ಕಂಟೆಂಟ್ ಅನ್ನು ರಚಿಸಿ. ವೀಕ್ಷಕರನ್ನು ಸಹ ಚಂದಾದಾರರಾಗಲು ಕೇಳಿ. ಯೂಟ್ಯೂಬ್ ನ ನಿಯಮಗಳು ಮತ್ತು ಷರತ್ತುಗಳನ್ನು ಅನುಸರಿಸಿ. ಹಕ್ಕುಸ್ವಾಮ್ಯವನ್ನು ತಪ್ಪಿಸಿ.

ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ