ಈಗಿನ ದಿನಗಳಲ್ಲಿ ಸ್ಮಾರ್ಟ್ಫೋನ್ ಕೊಳ್ಳುವುದು ಎಂದರೆ ಅದೊಂದು ಗೊಂದಲವೇ ಸರಿ. ದಿನವೂ ಹೊಸ ಹೊಸ ತಾಂತ್ರಿಕತೆ, ಕ್ಯಾಮೆರಾ ವೈಶಿಷ್ಟ್ಯಗಳು ಅಪ್ಗ್ರೇಡ್ ಆಗುತ್ತಿರುವಾಗ, ಆಯ್ಕೆಯ ಕುರಿತು ಸಹಜವಾಗಿ ಜನರಲ್ಲಿ ಗೊಂದಲ ಉಂಟಾಗುತ್ತದೆ. ಚೀನಾ ಮೂಲದ ವಿವೊ ಕಂಪನಿ, ಭಾರತದ ಮಾರುಕಟ್ಟೆಗೆ, ಮತ್ತೊಂದು ಆಕರ್ಷಕ ಸ್ಮಾರ್ಟ್ಫೋನ್ ಅನ್ನು ಎಕ್ಸ್ ಸರಣಿಯಲ್ಲಿ ಬಿಡುಗಡೆ ಮಾಡಲು ಮುಂದಾಗಿದೆ. ವಿವೊ X90 ಮತ್ತು X90 ಪ್ರೊ ಸ್ಮಾರ್ಟ್ಫೋನ್ ಮಾರುಕಟ್ಟೆ ಪ್ರವೇಶಿಸುತ್ತಿದೆ. ನೂತನ ಫೋನ್ ಕುರಿತ ವಿವರ ಇಲ್ಲಿದೆ. ಏಪ್ರಿಲ್ ಕೊನೆಯ ವಾರದಲ್ಲಿ ಭಾರತದಲ್ಲಿ ಬಿಡುಗಡೆಯಾಗಲಿದೆ ವಿವೊ X90 ಮತ್ತು X90 ಪ್ರೊ ಫೋನ್. MediaTek Dimensity 9200 ಪ್ರೊಸೆಸರ್ ಹೊಂದಿರುವ ವಿವೊ X90 ಮತ್ತು X90 ಪ್ರೊ ಫೋನ್, ಚೀನಾ, ಮಲೇಷ್ಯಾ ಮಾರುಕಟ್ಟೆಯಲ್ಲಿ ದೊರೆಯುತ್ತಿದೆ. ವಿವೊ X90 ಮತ್ತು X90 ಪ್ರೊ Android 13 ಆಧಾರಿತ Funtouch OS 13 ಮೂಲಕ ಕಾರ್ಯನಿರ್ವಹಿಸುತ್ತದೆ. 6.78 ಇಂಚಿನ ಫುಲ್ HD+ AMOLED ಡಿಸ್ಪ್ಲೇ ಹೊಂದಿದ್ದು, ವಿವೊ X90 ಫೋನ್ನಲ್ಲಿ 50+12+12 ಮೆಗಾಪಿಕ್ಸೆಲ್ ಹಿಂಬದಿ ಕ್ಯಾಮೆರಾ ಹಾಗೂ ವಿವೊ X90 ಪ್ರೊ ಫೋನ್ನಲ್ಲಿ 50+50+12 ಮೆಗಾಪಿಕ್ಸೆಲ್ ಹಿಂಬದಿ ಕ್ಯಾಮೆರಾ ಇದೆ. 32 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಹೊಂದಿದೆ.