Xiaomi 13 Pro: 10 ಸಾವಿರ ಡಿಸ್ಕೌಂಟ್​ನಲ್ಲಿ ಲಭ್ಯವಾಗುತ್ತಿದೆ ಶಓಮಿ ಸ್ಮಾರ್ಟ್​ಫೋನ್

ಶಓಮಿ ಭಾರತದಲ್ಲಿ ರೆಡ್ಮಿ ಮತ್ತು ಎಂಐ ಬ್ರ್ಯಾಂಡ್ ಅಡಿಯಲ್ಲಿ ವಿವಿಧ ಸ್ಮಾರ್ಟ್​ಫೋನ್ ಮಾದರಿಗಳನ್ನು ಬಿಡುಗಡೆ ಮಾಡಿದೆ. ಈಗ ಎಂಐ ಬದಲು, ಶಓಮಿ ಬ್ರ್ಯಾಂಡ್ ಮೂಲಕವೇ ಹೊಸ ಫೋನ್​ಗಳನ್ನು ಬಿಡುಗಡೆ ಮಾಡುತ್ತಿದೆ. ಶಓಮಿ ಮತ್ತು ರೆಡ್ಮಿ ಫೋನ್​ಗಳು ಈಗಾಗಲೇ ಮಾರುಕಟ್ಟೆಯಲ್ಲಿ ಜನಪ್ರಿಯತೆ ಗಳಿಸಿದೆ. ಶಓಮಿ ಪ್ರತಿ ವರ್ಷ ಹೊಸ ಹೊಸ ಸರಣಿಗಳನ್ನು ಭಾರತದಲ್ಲಿ ಬಿಡುಗಡೆ ಮಾಡುತ್ತಿದೆ. ಶಓಮಿ ಹೊಸ ಸರಣಿಯಲ್ಲಿ ಇತ್ತೀಚೆಗೆ ಪರಿಚಯಿಸಿದ್ದ ಶಓಮಿ 13 ಪ್ರೊ ಫೋನ್ ₹10,000 ಡಿಸ್ಕೌಂಟ್​ನಲ್ಲಿ ಲಭ್ಯವಾಗುತ್ತಿದೆ. ನೂತನ ಪೋನ್ ಆಫರ್, ವಿವರ ಇಲ್ಲಿದೆ. ಶಓಮಿ 13 ಸರಣಿಯಲ್ಲಿ ಬಿಡುಗಡೆಯಾಗಿರುವ ಶಓಮಿ 13 ಪ್ರೊ, ಶಓಮಿ ಫ್ಯಾನ್ ಫೆಸ್ಟಿವಲ್​ನಲ್ಲಿ ವಿಶೇಷ ಆಫರ್ ದರಕ್ಕೆ ಮಾರಾಟವಾಗುತ್ತಿದೆ. ಶಓಮಿ 13 ಪ್ರೊ 12GB RAM + 256GB ಆವೃತ್ತಿಗೆ ₹79,999 ದರವಿದ್ದು, ಲಾಯಲ್ಟಿ ಬೋನಸ್ ಮತ್ತು ಡಿಸ್ಕೌಂಟ್ ಬಳಿಕ ₹69,999ಕ್ಕೆ ಲಭ್ಯವಿದೆ. ಸೆರಾಮಿಕ್ ವೈಟ್ ಮತ್ತು ಸೆರಾಮಿಕ್ ಬ್ಲ್ಯಾಕ್ ಬಣ್ಣದಲ್ಲಿ ದೊರೆಯಲಿದೆ. 6.73 ಇಂಚಿನ 2K OLED ಡಿಸ್​ಪ್ಲೇ ಹೊಂದಿರುವ ಶಓಮಿ 13 ಪ್ರೊ ಫೋನ್, Android 13 ಆಧಾರಿತ MIUI 14 ಓಎಸ್ ಹೊಂದಿದೆ. ಶಓಮಿ 13 ಪ್ರೊ ಫೋನ್​ನಲ್ಲಿ 50+50+50 ಮೆಗಾಪಿಕ್ಸೆಲ್ ತ್ರಿವಳಿ ಕ್ಯಾಮೆರಾ ಹಾಗೂ 32 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಹೊಂದಿದೆ.