Xiaomi 13 Ultra: DSLR ಕ್ಯಾಮೆರಾಗೆ ಪಂಚ್ ನೀಡಲು ಬರುತ್ತಿದೆ ಶಓಮಿ 13 ಅಲ್ಟ್ರಾ

ಮೊಬೈಲ್ ಎಂದರೆ ಅದರಲ್ಲಿ ಕ್ಯಾಮೆರಾ ಚೆನ್ನಾಗಿರಬೇಕು, ಫೋಟೊ ಸೂಪರ್ ಆಗಿ ಬರಬೇಕು ಎಂದಷ್ಟೇ ಯುವಕರು ಬಯಸುವುದು. ಫೋಟೊಗ್ರಫಿ ಪ್ರಿಯರಿಗಾಗಿ ಇಂದು ವಿವಿಧ ಬ್ರ್ಯಾಂಡ್​ಗಳ ಸ್ಮಾರ್ಟ್​ಫೋನ್ ತಯಾರಕರು, ಅದರಲ್ಲಿ ಆರ್ಟಿಫಿಶಿಯಲ್ ತಾಂತ್ರಿಕತೆ ಬಳಸಿ, ಫೋಟೊವನ್ನು ಇನ್ನಷ್ಟು ಸೂಪರ್ ಆಗಿಸಲು ಆ್ಯಪ್, ಫಿಲ್ಟರ್ ಅಳವಡಿಸುತ್ತಾರೆ. ಇದರಿಂದ, ಡಿಎಸ್​ಎಲ್​ಆರ್ ಕ್ಯಾಮೆರಾಗೆ ಸೆಡ್ಡು ಹೊಡೆಯುವ ಉತ್ತಮ ಫೋಟೊಗಳನ್ನು ಸೆರೆಹಿಡಿಯಲು ಸಾಧ್ಯವಾಗುತ್ತಿದೆ. ಚೀನಾ ಮೂಲದ ಜನಪ್ರಿಯ ಸಂಸ್ಥೆ ಶಓಮಿ, 13 ಸರಣಿಯಲ್ಲಿ ಹೊಸ ಸ್ಮಾರ್ಟ್​ಫೋನ್ ಪರಿಚಯಿಸುತ್ತಿದೆ. ಶಓಮಿ 13 ಅಲ್ಟ್ರಾದಲ್ಲಿ ಸೋನಿ ಸೆನ್ಸಾರ್ ಬಳಸಿ, ಆಕರ್ಷಕ ಕ್ಯಾಮೆರಾ ರೂಪಿಸಲಾಗುತ್ತಿದೆ. ಹೆಚ್ಚಿನ ವಿವರ ವಿಡಿಯೊದಲ್ಲಿದೆ. ಲೇಕಾ ಲೆನ್ಸ್ ಬಳಸಿ ರೂಪಿಸಿರುವ ಕ್ಯಾಮೆರಾ ಹೊಂದಿದೆ ಶಓಮಿ 13 ಅಲ್ಟ್ರಾ ಫೋನ್. ಜತೆಗೆ ಏಪ್ರಿಲ್​ನಲ್ಲಿಯೇ ಬಿಡುಗಡೆಯಾಗುತ್ತಿದೆ ಹೊಸ ಶಓಮಿ 13 ಅಲ್ಟ್ರಾ ಫೋನ್. ಅದರಲ್ಲಿ ಲೆಕಾ ಎಂ ಸರಣಿಯ ಲೆನ್ಸ್ ಬಳಸಬಹುದಾಗಿದೆ. ಉಳಿದಂತೆ ಕ್ವಾಲ್ಕಂ ಸ್ನ್ಯಾಪ್​ಡ್ರ್ಯಾಗನ್ 8 Gen 2 ಪ್ರೊಸೆಸರ್ ಹೊಂದಿದೆ. ಶಓಮಿ 13 ಅಲ್ಟ್ರಾ ಫೋನ್ 12GB ಮತ್ತು 16GB RAM ಹಾಗೂ 256GB and 512GB ಸ್ಟೋರೇಜ್ ಆಯ್ಕೆ ಹೊಂದಿದ್ದು, 6.7 ಇಂಚಿನ WQHD+ AMOLED LTPO ಡಿಸ್​ಪ್ಲೇ ಹೊಂದಿದೆ. ಶಓಮಿ 13 ಅಲ್ಟ್ರಾ ಸ್ಮಾರ್ಟ್​ಫೋನ್​ನಲ್ಲಿ 50 MP+50 MP+ 50 MP ಕ್ಯಾಮೆರಾ ಹೊಂದಿದೆ. ಶಓಮಿ 13 ಅಲ್ಟ್ರಾ ಫೋನ್ 32 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಹೊಂದಿದೆ.