Video : ಹಸಿವಿಲ್ಲದಿದ್ರೂ ಅಮ್ಮ ಮಾಡಿದ ಅಡುಗೆಯನ್ನು ಕಷ್ಟಪಟ್ಟು ತಿನ್ನುತ್ತಿರುವ ಪುಟಾಣಿ

ಕೆಲವು ಹೆಣ್ಣು ಮಕ್ಕಳು ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಬಳಿಕ ಗಂಡ, ಮನೆಮಕ್ಕಳು ಎಂದು ತನ್ನ ಜೀವಮಾನವನ್ನು ಮುಡಿಪಾಗಿಡುತ್ತಾರೆ. ರುಚಿ ರುಚಿಯಾಗಿ ಅಡುಗೆ (cooking) ಮಾಡಿ ಬಡಿಸಿ ಅವರ ಖುಷಿಯಲ್ಲೇ ತಮ್ಮ ಖುಷಿ ಕಾಣುವ ಈ ಗೃಹಿಣಿಯರಿಗೆ ಒಂದು ಪ್ರೀತಿಯ ಮೆಚ್ಚುಗೆಯ ಮಾತುಗಳು ಸಿಕ್ಕರೆ ಅದಕ್ಕಿಂತ ಖುಷಿ ಮತ್ತೊಂದಿಲ್ಲ. ಅಡುಗೆ ಚೆನ್ನಾಗಿ ಮಾಡ್ತಿಯಾ, ಇವತ್ತು ಮಾಡಿದ ಸಾಂಬಾರ್ ಚೆನ್ನಾಗಿದೆ ಎಂದರೆ ಸಾಕು, ಈ ಮಾತುಗಳೇ ತನ್ನ ಇಡೀ ದಿನವನ್ನು ಖುಷಿಯಾಗಿಸುತ್ತದೆ. ಆದರೆ ಈ ಪುಟಾಣಿಯೂ ಹೊಟ್ಟೆ ತುಂಬಿದ್ದರೂ ತನ್ನ ತಾಯಿ ಕಷ್ಟಪಟ್ಟು ಅಡುಗೆ ಮಾಡಿದ್ದಾಳೆ ಎನ್ನುವ ಕಾರಣಕ್ಕೆ ಆಹಾರ ಸವಿಸುತ್ತಾ ಅಡುಗೆಯನ್ನು ಮೆಚ್ಚಿಕೊಳ್ಳುವ ಮೂಲಕ ತಾಯಿಯ ಮುಖದಲ್ಲಿ ನಗು ಮೂಡಿಸಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ (social media) ವೈರಲ್ ಆಗುತ್ತಿದ್ದಂತೆ ಈ ಪುಟಾಣಿಯ ಮುದ್ದು ಮುದ್ದಾದ ಮಾತಿಗೆ ಫಿದಾ ಆಗಿದ್ದಾರೆ.

anaira doomra ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಶೇರ್ ಮಾಡಲಾದ ವಿಡಿಯೋದಲ್ಲಿ ಪುಟ್ಟ ಹುಡುಗಿಯೊಬ್ಬಳು ದಾಲ್ ಮಖಾನಿ ಹಾಗೂ ರೊಟ್ಟಿಯಿರುವ ಪ್ಲೇಟ್ ಹಿಡಿದು ಕುಳಿತುಕೊಂಡಿದ್ದಾಳೆ. ನನಗೆ ಹಸಿವಿಲ್ಲ, ಆದ್ರೂ ನಾನು ಇದನ್ನು ತಿನ್ನಬೇಕು, ನನ್ನ ಅಮ್ಮ ಇದನ್ನು ಕಷ್ಟಪಟ್ಟು ಮಾಡಿದ್ದಾರೆ ಎನ್ನುವುದನ್ನು ನೋಡಬಹುದು. ಹೀಗೆನ್ನುತ್ತಿದ್ದಂತೆ ತಿನ್ನಲು ಇಷ್ಟವಿಲ್ಲದಿದ್ದರೆ ಬಿಡು ಕಂದ ಎನ್ನುವಾಗ ನೀನು ಕಷ್ಟ ಪಟ್ಟು ಮಾಡಿದ್ದೀಯಾ, ಆದರಿಂದ ನಾನು ತಿನ್ನಲೇಬೇಕು ಎನ್ನುವ ಮುದ್ದಾಗಿ ಹೇಳುತ್ತಾಳೆ.

ಇದನ್ನೂ ಓದಿ : ರ‍್ಯಾಂಪ್ ವಾಕ್ ಮಾಡುವಾಗ ಮಾಡೆಲ್‌ಗಳು ನಗುವುದಿಲ್ಲ, ಯಾಕೆ ಗೊತ್ತಾ?

ಆದರೆ ತಾಯಿ ಬಲವಂತವಾಗಿ ತಿನ್ನಬೇಡ ಎಂದು ಹೇಳಿದರೂ, ಈ ಪುಟಾಣಿ ಮಾತ್ರ ನೀನು ಇಷ್ಟೆಲ್ಲಾ ಕಷ್ಟಪಟ್ಟು ಮಾಡಿದ್ದೀಯಾ, ನಾನು ಊಟ ಬಿಟ್ಟರೆ ಹೇಗೆ ಎಂದು ಪ್ರಶ್ನೆ ಮಾಡಿದ್ದಾಳೆ. ನಿನಗೆ ತಿನ್ನಲು ಮನಸ್ಸಿಲ್ಲವೇ ಎಂದು ತಾಯಿಯೂ ಪ್ರಶ್ನಿಸಿದಾಗ ಇಲ್ಲ ಎಂದು ತಲೆ ಅಲ್ಲಾಡಿಸುತ್ತ ತಿನ್ನುವುದನ್ನು ಮಾತ್ರ ಮುಂದುವರೆಸುವುದನ್ನು ನೀವಿಲ್ಲಿ ನೋಡಬಹುದು. ಈ ವಿಡಿಯೋದ ಕೊನೆಯಲ್ಲಿ ತಟ್ಟೆ ಬಹುತೇಕ ಖಾಲಿಯಾಗಿರುತ್ತದೆ, ತಾಯಿ ಮಾತ್ರ ಹೇ, ನಿಲ್ಲಿಸು ತಿನ್ನಬೇಡ ಎಂದು ಬಲವಂತ ಹೇಳಿದರೂ, ನಾನು ತಿನ್ನಬೇಕು, ಇದು ಕಷ್ಟದ ಕೆಲಸ ಎಂದು ಮತ್ತೆ ಅದೇ ರೀತಿ ಪುಟಾಣಿಯೂ ಉತ್ತರಿಸುತ್ತಾಳೆ.

ವೈರಲ್ ವಿಡಿಯೋ ಇಲ್ಲಿದೆ ನೋಡಿ

ಈ ವಿಡಿಯೋ ಈವರೆಗೆ 1.5 ಮಿಲಿಯನ್‌ಗೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿದ್ದು, ಬಳಕೆದಾರರೊಬ್ಬರು, ತನ್ನ ತಾಯಿ ಎಷ್ಟು ಕಷ್ಟ ಪಟ್ಟು ಅಡುಗೆ ತಯಾರಿಸುತ್ತಾಳೆ ಎಂಬುದನ್ನು ಮಗುವು ಚೆನ್ನಾಗಿ ಅರ್ಥ ಮಾಡಿಕೊಂಡಿದೆ ಎಂದಿದ್ದಾರೆ. ಇನ್ನೊಬ್ಬರು, ಇಂತಹ ಸಣ್ಣ ಸಣ್ಣ ವಿಷಯಗಳು ಹೆಣ್ಣು ಮಕ್ಕಳನ್ನು ಖುಷಿ ಪಡಿಸುತ್ತದೆ ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, ತಾಯಿಗೆ ಮಗುವು ಬಲವಂತವಾಗಿ ತಿನ್ನುವುದನ್ನು ನೋಡಲು ಇಷ್ಟವಿಲ್ಲ, ಮಗಳಿಗೆ ತಾಯಿ ಪ್ರೀತಿಯಿಂದ ಮಾಡಿದ ಅಡುಗೆಯನ್ನು ಬೇಡ ಎನ್ನಲು ಇಷ್ಟವಿಲ್ಲ, ಎಂತಹ ಅದ್ಭುತ ವಿಡಿಯೋ ಎಂದು ಬರೆದುಕೊಂಡಿದ್ದಾರೆ. ಎನ್ನು ಕೆಲವರು ಹೃದಯದ ಸಿಂಬಲ್ ಕಳುಹಿಸುವ ಮೂಲಕ ಈ ವಿಡಿಯೋವನ್ನು ಮೆಚ್ಚಿಕೊಂಡಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ