Viral Video
ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ವಿಡಿಯೋಗಳನ್ನು ಹಾಗೂ ಸುದ್ದಿಗಳನ್ನು ಇಲ್ಲಿ ಅಪ್ಡೇಟ್ ಮಾಡಲಾಗುವುದು. ಓದುಗರಿಗೆ ಈ ಜಗತ್ತಿನಲ್ಲಿ ತಿಳಿಯದ ಸುದ್ದಿಗಳನ್ನು ಟ್ರೆಂಡಿಂಗ್ನಲ್ಲಿ ನೀಡಲಾಗುವುದು. ಅದೆಷ್ಟು ಜನರಿಗೆ ನಮ್ಮ ಸುತ್ತ-ಮುತ್ತಲಿನಲ್ಲಿ ನಡೆಯುವ ವಿಚಾರಗಳು ತಿಳಿದಿರುವುದಿಲ್ಲ. ಹಾಗೂ ಅದನ್ನು ತಿಳಿಸುವ ಕೆಲಸವನ್ನು ಟ್ರೆಂಡಿಂಗ್ ಕ್ಯಾಟಗರಿಯಲ್ಲಿ ತಿಳಿಸಲಾಗುವುದು. ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ವೈರಲ್ ಆಗಿರುವ ಸುದ್ದಿಗಳು, ತಕ್ಷಣಕ್ಕೆ ವೈರಲ್ ಕ್ಯಾಟಗರಿಗಳಲ್ಲಿ ನೀಡಿಲಾಗುವುದು. ಜಗತ್ತಿನಲ್ಲಿ ಆಗುವ ವೈರಲ್ ಸುದ್ದಿಗಳನ್ನು ಇಲ್ಲಿ ತಿಳಿಸಲಾಗುತ್ತದೆ,
ಇನ್ನೂ ಹೆಚ್ಚು ಓದಿ
ಜಿಮ್ ಟ್ರೈನರ್ ಜೊತೆ ಸೇರಿ ಪತಿಯ ಕೊಲೆ ಮಾಡಿದ ಪತ್ನಿ; ಸಿಸಿಟಿವಿ ವಿಡಿಯೋದಲ್ಲಿ ಸಂಚು ಬಯಲು
ಆರೋಪಿ ಮಹಿಳೆ ಹಾಗೂ ಸ್ಥಳೀಯ ಜಿಮ್ ತರಬೇತುದಾರನ ನಡುವೆ ಅಕ್ರಮ ಸಂಬಂಧವಿತ್ತು. ಈ ವಿಷಯ ಪತಿಗೆ ತಿಳಿದು ಗಲಾಟೆಯಾಗುತ್ತಿದ್ದ ಹಿನ್ನೆಲೆಯಲ್ಲಿ, ಪತಿಯನ್ನು ಕೊಲ್ಲಲು ಇಬ್ಬರೂ ಪ್ಲಾನ್ ರೂಪಿಸಿದ್ದರು. ಹತ್ಯೆ ನಡೆಯುವ ಮುನ್ನ ಏನೇನಾಯ್ತು ಎಂಬುದು ಈ ವಿಡಿಯೋದಲ್ಲಿ ರೆಕಾರ್ಡ್ ಆಗಿದೆ. ಬೆಳಗಿನ ಜಾವ ಜಿಮ್ಗೆ ಕಾರಿನಲ್ಲಿ ಹೊರಟ ಆ ಮಹಿಳೆ ಮನೆಯಿಂದ ಹೊರಟ ಕೂಡಲೆ ಅಲ್ಲಿಗೆ ಬಂದ ಆಕೆಯ ಪ್ರಿಯಕರ ಮನೆಯೊಳಗೆ ಹೋಗಿ ಕೊಲೆ ಮಾಡಿದ್ದಾನೆ. ಕಿರುಚಾಟದ ಶಬ್ದ ಕೇಳಿ ಅಕ್ಕಪಕ್ಕದವರು ಬಂದಾಗ ಆತ ಓಡಿಹೋಗಿದ್ದಾನೆ. ಆತನನ್ನು ಹಿಡಿಯಲು ಜನ ಓಡುವುದು ಕೂಡ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
- Sushma Chakre
- Updated on: Oct 29, 2026
- 9:34 pm
Video: ಕೆಲಸದ ನಿಮಿತ್ತ ಹೊರಟು ನಿಂತ ಮೊಮ್ಮಗನನ್ನು ಮುಖ ಸವರಿ ಕಳುಹಿಸಿಕೊಟ್ಟ ಹಿರಿಜೀವ
ಅಜ್ಜ ಅಜ್ಜಿಯಂದಿರಿಗೆ ಮೊಮ್ಮಕ್ಕಳೇ ಪ್ರಪಂಚ. ಮನೆಗೆ ಬಂದ ಮೊಮ್ಮಕ್ಕಳು ಮತ್ತೆ ಕೆಲಸದ ನಿಮಿತ್ತ ಹೊರಟು ನಿಂತರೆ ಹಿರಿ ಜೀವಗಳ ಮುಖ ಸಣ್ಣಗೆಯಾಗುತ್ತದೆ. ಇದೀಗ ಮೊಮ್ಮಗನನ್ನು ಬೀಳ್ಕೊಡುವಾಗ ಅಜ್ಜನು ಕಣ್ಣೀರಿಟ್ಟಿದ್ದಾರೆ. ಮೊಮ್ಮಗನು ಮರಳಿ ಮನೆಗೆ ಬರುವ ದಿನಗಳನ್ನು ಲೆಕ್ಕ ಹಾಕುವ ಈ ಹಿರಿಜೀವದ ವಿಡಿಯೋ ಸದ್ಯ ವೈರಲ್ ಆಗಿದೆ. ಈ ದೃಶ್ಯ ನೋಡಿ ನೆಟ್ಟಿಗರ ಕಣ್ಣು ಒದ್ದೆಯಾಗಿದೆ. ಈ ಕುರಿತಾದ ಸ್ಟೋರಿ ಇಲ್ಲಿದೆ.
- Sainandha P
- Updated on: Oct 29, 2026
- 5:45 pm
2.51 ಲಕ್ಷ ಕನ್ನಡಿ ಚೂರುಗಳಿಂದ ರೂಪುಗೊಂಡ 20 ಅಡಿ ಎತ್ತರದ ಹನುಮಂತನ ಕಲಾಕೃತಿ; ವಿಡಿಯೋ ವೈರಲ್
ದೀಪಾವಳಿ ಹಬ್ಬ ಸಮೀಸುತ್ತಿರುವ ಬೆನ್ನಲ್ಲೇ ಗುರುಗ್ರಾಮ್‌ನ ಅಂಬಿಯನ್ಸ್ ಮಾಲ್‌ನಲ್ಲಿ 20 ಅಡಿ ಎತ್ತರದ ಹನುಮಂತನ ಭವ್ಯ ಕಲಾಕೃತಿ ಎಲ್ಲರ ಗಮನ ಸೆಳೆದಿದೆ. 2.51 ಲಕ್ಷ ಕನ್ನಡಿ ಚೂರುಗಳನ್ನು ಬಳಸಿ ಮಿರರ್ ಮೊಸಾಯಿಕ್ ಶೈಲಿಯಲ್ಲಿ 360 ಗಂಟೆಗಳ ಪರಿಶ್ರಮದಿಂದ ಇದನ್ನು ನಿರ್ಮಿಸಲಾಗಿದೆ. ಬೆಳಕಿನಲ್ಲಿ ಕಂಗೊಳಿಸುವ ಈ ವಿಗ್ರಹವು ಭಕ್ತಿ ಮತ್ತು ಭಾರತೀಯ ಕರಕುಶಲತೆಯ ಸಂಗಮವಾಗಿದೆ, ಸದ್ಯ ವಿಡಿಯೋ ಸೋಶಿಯಲ್ ಮಿಡಿಯಾಗಳಲ್ಲಿ ಭಾರೀ ವೈರಲ್ ಆಗುತ್ತಿದೆ.
- Akshatha Vorkady
- Updated on: Oct 29, 2026
- 3:35 pm
Video: ಮನೆ ಬಾಗಿಲಿಗೆ ಬಂದು ರಕ್ತ ಪರೀಕ್ಷೆ ಮಾಡುವ ಸೇವೆಗೆ ವಿದೇಶಿ ಮಹಿಳೆ ಫಿದಾ, ವೈರಲ್ ಆಯ್ತು ದೃಶ್ಯ
ಭಾರತದ ಮನೆ ಬಾಗಿಲಿನ ಆರೋಗ್ಯ ಸೇವೆ ಮತ್ತು ಡಿಜಿಟಲ್ ವೈದ್ಯಕೀಯ ಸೌಲಭ್ಯಗಳ ವೇಗವನ್ನು ಕಂಡು ವಿದೇಶಿ ಮಹಿಳೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಮನೆಗೆ ಬಂದು ರಕ್ತ ಪರೀಕ್ಷೆ ಮಾಡುವ ಸೇವೆಗೆ ಫಿದಾ ಆಗಿದ್ದಾರೆ. ಮನೆಗೆ ಬಂದು ಲ್ಯಾಬ್‌ ತಂತ್ರಜ್ಞೆ ರಕ್ತ ಪರೀಕ್ಷೆ ಮಾಡಿದ್ದು, ಈ ರಿಪೋರ್ಟ್‌ ಕೂಡ ವಿದೇಶಿ ಮಹಿಳೆಯ ಕೈ ಸೇರಿದೆ. ಈ ಬಗ್ಗೆ ಅಚ್ಚರಿ ವ್ಯಕ್ತಪಡಿಸಿದ್ದು ವಿಡಿಯೋ ಹಂಚಿಕೊಂಡಿದ್ದಾರೆ. ಈ ಕುರಿತಾದ ಸ್ಟೋರಿ ಇಲ್ಲಿದೆ.
- Sainandha P
- Updated on: Oct 29, 2026
- 3:14 pm
Video: ಗಜರಾಜ ಕೆನ್ನೆಗೆ ಮುತ್ತಿಡುತ್ತಿದ್ದಂತೆ ನಾಚಿ ನೀರಾದ ಯುವಕ
ಸೋಶಿಯಲ್ ಮೀಡಿಯಾದಲ್ಲಿ ಕೆಲ ದೃಶ್ಯಗಳು ವೈರಲ್ ಆಗುತ್ತಿರುತ್ತವೆ. ಕೆಲ ವಿಡಿಯೋಗಳು ಮೊಗದಲ್ಲಿ ನಗು ತರಿಸುತ್ತವೆ. ಇದೀಗ ಯುವಕನಿಗೆ ಆನೆಯೊಂದು ಮುತ್ತನ್ನಿಟ್ಟಿದೆ. ಯುವಕನು ನಾಚಿ ನೀರಾಗಿದ್ದಾನೆ. ಈ ಮುದ್ದಾದ ದೃಶ್ಯವು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಈ ವಿಡಿಯೋ ನೋಡಿ ನೆಟ್ಟಿಗರು ಫಿದಾ ಆಗಿದ್ದು, ಈ ಕುರಿತಾದ ಸ್ಟೋರಿ ಇಲ್ಲಿದೆ.
- Sainandha P
- Updated on: Oct 29, 2026
- 12:05 pm
Video: ನೀರಿಗೆ ಬಿದ್ದ ಮರಿಯಾನೆಯನ್ನು ಮೇಲಕ್ಕೆತ್ತಿದ ತಾಯಾನೆ, ವೈರಲ್ ಆಯ್ತು ದೃಶ್ಯ
ತಾಯಿ ಪ್ರೀತಿ ಕಾಳಜಿಯೇ ಹಾಗೆ ಬೆಲೆ ಕಟ್ಟಲು ಸಾಧ್ಯವಿಲ್ಲ. ಇದಕ್ಕೆ ಸಾಕ್ಷಿಯಾಗಿದೆ ಈ ದೃಶ್ಯ. ನೀರಿನಲ್ಲಿ ಬಿದ್ದು ಮೇಲೆ ಬರಲು ಒದ್ದಾಡುತ್ತಿದ್ದ ಮರಿಯಾನೆಯನ್ನು ತಾಯಾನೆ ರಕ್ಷಿಸಿರುವ ದೃಶ್ಯ ವೈರಲ್ ಆಗಿದೆ. ಈ ದೃಶ್ಯ ನೋಡಿದ ನೆಟ್ಟಿಗರು ತಾಯಿ ಪ್ರೀತಿಗೆ ಕಳೆದೇ ಹೋಗಿದ್ದಾರೆ. ಈ ಕುರಿತಾದ ಸ್ಟೋರಿ ಇಲ್ಲಿದೆ.
- Sainandha P
- Updated on: Oct 28, 2026
- 7:24 pm
Video: ದುಬಾರಿ ಉಡುಗೊರೆ ಬೇಕಿಲ್ಲ; ಸಹೋದರಿಯ ಹುಟ್ಟುಹಬ್ಬಕ್ಕೆ ಸರ್ಪ್ರೈಸ್ ವಿಸಿಟ್ ನೀಡಿ ಖುಷಿ ಪಡಿಸಿದ ಸಹೋದರ
ಸಂಬಂಧಗಳು ಯಾವುದೇ ಇರಲಿ, ದುಬಾರಿ ಉಡುಗೊರೆ ಬೇಕಿಲ್ಲ. ಕಾಳಜಿ ತುಂಬಿದ ಮಾತು, ಪ್ರೀತಿ ತೋರುವ ವ್ಯಕ್ತಿಗಳಿದ್ದರೆ ಸಾಕು. ಇದೀಗ ಈ ದೃಶ್ಯವು ವಯಸ್ಸು ಏರಿದರೂ ಬದಲಾಗದ ಅಕ್ಕ ತಮ್ಮ ಬಾಂಧವ್ಯವನ್ನು ತೋರಿಸುತ್ತಿದೆ. ಅಕ್ಕನ ಹುಟ್ಟುಹಬ್ಬಕ್ಕೆ ತಮ್ಮನು ಸರ್ಪ್ರೈಸ್ ವಿಸಿಟ್ ನೀಡಿದ್ದಾನೆ. ಈ ಹೃದಯಕ್ಕೆ ಹತ್ತಿರವಾಗುವ ಈ ವಿಡಿಯೋ ಕಂಡು ನೆಟ್ಟಿಗರ ಕಣ್ಣು ಒದ್ದೆಯಾಗಿದೆ.
- Sainandha P
- Updated on: Oct 27, 2026
- 4:05 pm
Video: ಕ್ಯಾರೆಟ್ ಪ್ರಿಯ ಈ ಶ್ವಾನ; ತರಕಾರಿ ಮಾರುವ ಮಹಿಳೆಗಾಗಿ ಕಾದು ಕುಳಿತ ಮನೆಯ ಮುದ್ದಿನ ನಾಯಿ
ಶ್ವಾನಗಳೇ ಹಾಗೆ, ಒಮ್ಮೆ ಪ್ರೀತಿ, ಕಾಳಜಿ ತೋರಿದರೆ ಜೀವನ ಪರ್ಯಂತ ನೆನಪಿಟ್ಟುಕೊಳ್ಳುತ್ತವೆ. ಇದಕ್ಕೆ ಸಾಕ್ಷಿಯಾಗಿದೆ ಈ ದೃಶ್ಯ. ಮನೆಯ ಮುದ್ದಿನ ಶ್ವಾನವೊಂದು ತರಕಾರಿ ಮಾರುವ ಮಹಿಳೆಗಾಗಿ ಕಾದು ಕುಳಿತಿದೆ. ಪ್ರತಿನಿತ್ಯ ತನ್ನ ಬಳಿಗೆ ಕ್ಯಾರೆಟ್ ಕೊಡುವ ಮಹಿಳೆಯ ಪ್ರೀತಿಗೆ ಈ ಶ್ವಾನವು ಕಳೆದು ಹೋಗಿದೆ. ಈ ಮುದ್ದಾದ ದೃಶ್ಯ ಸೋಶಿಯಲ್ ಮೀಡಿಯಾದಲ್ಲಿ ಸದ್ಯ ವೈರಲ್ ಆಗಿದೆ. ಈ ಕುರಿತಾದ ಸ್ಟೋರಿ ಇಲ್ಲಿದೆ.
- Sainandha P
- Updated on: Oct 27, 2026
- 11:06 am
ಶರದ್ ಪೂರ್ಣಿಮೆಯ ವೈಭವ: ಚಂದ್ರನ ಬೆಳಕಿನಲ್ಲಿ ಕಂಗೊಳಿಸಿದ ಪುರಿ ಜಗನ್ನಾಥ ಗೋಪುರ
ಪುರಿ ಜಗನ್ನಾಥ ದೇವಾಲಯದಲ್ಲಿ ಶರದ್ ಪೂರ್ಣಿಮೆಯಂದು ಕಂಡ ಅಪೂರ್ವ ದೃಶ್ಯ ಎಲ್ಲರ ಗಮನ ಸೆಳೆದಿದೆ. ದೇವಸ್ಥಾನದ ನೀಲಚಕ್ರದ ಹಿಂದೆ ಪ್ರಕಾಶಮಾನವಾದ ಪೂರ್ಣಚಂದ್ರನು ಪ್ರತ್ಯಕ್ಷನಾಗಿ, ಪ್ರಕೃತಿ ಸೌಂದರ್ಯ ಮತ್ತು ಆಧ್ಯಾತ್ಮಿಕ ಭಕ್ತಿಯ ಸಮ್ಮಿಲನವನ್ನು ಸೃಷ್ಟಿಸಿತು. ಈ ದೃಶ್ಯ ವೈರಲ್ ಆಗಿದ್ದು, ಜಗನ್ನಾಥ ಮಂದಿರದ ದೈವಿಕ ಮೆರುಗನ್ನು ಹೆಚ್ಚಿಸಿದೆ. ಸಾಮಾಜಿಕ ಜಾಲತಾಣಗಳು ಸೇರಿದಂತೆ ಪ್ರಮುಖ ಮಾಧ್ಯಮಗಳಲ್ಲಿ ಈ ವೀಡಿಯೊ ವೈರಲ್ ಆಗಿದೆ.
- Akshatha Vorkady
- Updated on: Oct 27, 2026
- 10:11 am
ವಯನಾಡಿನಲ್ಲಿ ಬೆಟ್ಟದಿಂದ ಉರುಳಿ ಬಿದ್ದು ಆನೆ ಮರಿ ಸಾವು; ತಾಯಾನೆಯ ಗೋಳಾಟದ ವಿಡಿಯೋ ವೈರಲ್
ವಯನಾಡಿನ ಕಡಿದಾದ ಅರಣ್ಯ ಗುಡ್ಡಗಾಡು ಪ್ರದೇಶದಲ್ಲಿ ಆನೆಗಳ ಹಿಂಡು ಚಲಿಸುತ್ತಿದ್ದಾಗ, ಆಕಸ್ಮಿಕವಾಗಿ ಕಾಲು ಜಾರಿ ಮರಿ ಆನೆಯೊಂದು ಆಳವಾದ ಕಂದಕಕ್ಕೆ ಉರುಳಿಬಿದ್ದಿದೆ. ಮರಿ ಕೆಳಗೆ ಬಿದ್ದ ತಕ್ಷಣ ಆತಂಕಗೊಂಡ ತಾಯಿ ಆನೆ ತನ್ನ ಸೊಂಡಿಲಿನಿಂದ ಮರಿಯನ್ನು ಮೇಲಕ್ಕೆತ್ತಲು ಹಾಗೂ ಎಬ್ಬಿಸಿ ನಿಲ್ಲಿಸಲು ಸತತವಾಗಿ ಪ್ರಯತ್ನಿಸಿದೆ. ಸುಮಾರು ಗಂಟೆಗಳ ಕಾಲ ತಾಯಿ ಆನೆ ಅಸಹಾಯಕರಾಗಿ ಘೀಳಿಡುತ್ತಾ ಮರಿಯನ್ನು ರಕ್ಷಿಸಲು ಹೋರಾಟ ನಡೆಸಿತು. ವಿಷಯ ತಿಳಿಯುತ್ತಿದ್ದಂತೆಯೇ ಘಟನಾ ಸ್ಥಳಕ್ಕೆ ಧಾವಿಸಿದ ಅರಣ್ಯ ಇಲಾಖಾ ಸಿಬ್ಬಂದಿ ಹಾಗೂ ಪಶುವೈದ್ಯರ ತಂಡ, ತಾಯಿ ಆನೆಯನ್ನು ಸುರಕ್ಷಿತವಾಗಿ ಪಕ್ಕಕ್ಕೆ ಕಳುಹಿಸಿ ತೀವ್ರವಾಗಿ ಗಾಯಗೊಂಡಿದ್ದ ಮರಿ ಆನೆಗೆ ತಕ್ಷಣದ ವೈದ್ಯಕೀಯ ಉಪಚಾರ ನೀಡಲು ಮುಂದಾಯಿತು. ಆದರೆ, ಗುಡ್ಡದಿಂದ ಬಿದ್ದ ರಭಸಕ್ಕೆ ಮರಿ ಆನೆಯ ಅಂಗಾಂಗಗಳಿಗೆ ತೀವ್ರ ಸ್ವರೂಪದ ಪೆಟ್ಟು ಬಿದ್ದಿತ್ತು. ಅರಣ್ಯ ವೈದ್ಯರು ಅಹೋರಾತ್ರಿ ಶ್ರಮಿಸಿ ಚಿಕಿತ್ಸೆ ನೀಡಿದರೂ ಸಹ, ಚಿಕಿತ್ಸೆಗೆ ಸ್ಪಂದಿಸದೆ ಮರಿ ಆನೆಯು ಕೊನೆಯುಸಿರೆಳೆದಿದೆ.
- Sushma Chakre
- Updated on: Oct 26, 2026
- 11:03 pm
Video: ವಿದೇಶದಲ್ಲಿರೋಗಿಂತ ಊರಲ್ಲಿ ಇರೋರೇ ಲಕ್ಕಿ; ಅಸಲಿ ಕಾರಣ ಬಿಚ್ಚಿಟ್ಟ ಯುವತಿ
ವಿದೇಶದಲ್ಲಿ ಜಾಬ್ ಕಷ್ಟವೇನಲ್ಲ. ಕೈ ತುಂಬಾ ಸಂಬಳ ಸಿಗುತ್ತೆ ಎಂದು ಭಾವಿಸುವವರೇ ಹೆಚ್ಚು. ಆದರೆ ಇದೀಗ ಯುವತಿ ವಿದೇಶಿ ಜೀವನ ಅಷ್ಟು ಸುಲಭವಲ್ಲ, ನಮಗೆ ವರ್ಷಕ್ಕೊಮ್ಮೆ ರಜೆ ಸಿಗೋದು ಊರಿಗೆ ಬರುವುದು. ಆದರೆ ನಿಮ್ಗೆ ಪ್ರತಿ ಹಬ್ಬಕ್ಕೂ ರಜೆ ಇರುತ್ತದೆ ಎಂದು ಅಸಲಿ ವಿಚಾರ ಹೇಳಿದ್ದಾರೆ. ಈ ವಿಡಿಯೋ ಸದ್ಯ ವೈರಲ್ ಆಗುತ್ತಿದ್ದಂತೆ ಚರ್ಚೆ ಹುಟ್ಟುಹಾಕಿದೆ.
- Web contact
- Updated on: Oct 26, 2026
- 7:28 pm
Video: ತಂದೆಯ 81 ನೇ ಹುಟ್ಟುಹಬ್ಬಕ್ಕೆ ವಿಮಾನದಲ್ಲಿ ವಿಶೇಷ ಅನೌನ್ಸ್ ಮೆಂಟ್ ಮಾಡಿದ ಪೈಲೆಟ್
ಪ್ರತಿಯೊಬ್ಬ ಮಕ್ಕಳಿಗೂ ತಮ್ಮ ಹೆತ್ತವರನ್ನು ಖುಷಿಯಾಗಿ ಇರಿಸಬೇಕೆಂಬ ಆಸೆ ಇರುತ್ತದೆ. ಅಂತಹ ಕ್ಷಣಗಳು ಬಂದರೆ ಅದಕ್ಕಿಂತ ಖುಷಿ ಇನ್ನೇನಿದೆ. ಹೌದು, ಇಂಡಿಗೋ ವಿಮಾನದ ಪೈಲೆಟ್ ಒಬ್ಬರು ತಮ್ಮ ತಂದೆಯ ಹುಟ್ಟುಹಬ್ಬಕ್ಕೆ ಸರ್ಪ್ರೈಸ್ ನೀಡಿದ್ದಾರೆ. ತಂದೆಯ 81ನೇ ಹುಟ್ಟುಹಬ್ಬವನ್ನು ವಿಶೇಷವಾಗಿ ಆಚರಿಸಿದ್ದಾರೆ. ಈ ಹೃದಯ ಸ್ಪರ್ಶಿ ಕ್ಷಣದ ವಿಡಿಯೋ ಸದ್ಯ ವೈರಲ್ ಆಗಿದೆ. ಈ ಕುರಿತಾದ ಸ್ಟೋರಿ ಇಲ್ಲಿದೆ.
- Sainandha P
- Updated on: Oct 26, 2026
- 12:01 pm
