Viral Video: ಜೇಡನಿಗೇ ಬಲೆ!; ಜಾರ್ ಪಾಲಾಯಿತೇ ಈ ದೊಡ್ಡಜೀವ?
Tarantulas: ಅಚಾನಕ್ ಆಗಿ ನಿಮ್ಮ ಮುಖಕ್ಕೆ ಏನೋ ಅಡರಿದಂತಾಗಿ ಅದು ಕೈಗೆ ಸಿಗದಂತೆ ಕಾಡಿಸಿದರೆ ಅದೇನು? ಅದೆನೆಂದು ನಿಮಗೆ ಗೊತ್ತಾಗಿ ಅದರ ಕರ್ತೃವನ್ನು ಹಿಡಿಯಲು ಹೋದರೆ ನೀವು ಯಶಸ್ವಿಯಾಗುತ್ತೀರೇ? ಈ ವಿಡಿಯೋ ನೋಡಿ ಹೇಳಿ.
Spider: ಇದ್ದಕ್ಕಿದ್ದ ಹಾಗೆ ದೊಡ್ಡದಾದ ಒಂದು ಜೇಡ (Tarantula) ನಿಮ್ಮೆದುರು ಪ್ರತ್ಯಕ್ಷವಾದರೆ ಏನು ಮಾಡುತ್ತೀರಿ? ಒಂದು ಓಡಿಹೋಗುತ್ತಿದ್ದೀರಿ, ಇಲ್ಲವೆ ಅದನ್ನು ಹಿಡಿಯಲು ಪ್ರಯತ್ನಿಸುತ್ತೀರಿ. ಸಣ್ಣಪುಟ್ಟ ಜೇಡವಾದರೆ ಪೊರಕೆಯಿಂದ ದಬ್ಬಿಬಿಡುತ್ತೀರಿ. ಆದರೆ ತುಸು ದೊಡ್ಡದಾದರೆ? ಇದೀಗ ವೈರಲ್ ಆಗುತ್ತಿರುವ ವಿಡಿಯೋ ನೋಡಿ, ಕಪಾಟಿನ ಸಂದಿಯಲ್ಲಿ ಈ ದೊಡ್ಡದಾದ ಜೇಡ ಕಾಣಿಸಿಕೊಂಡಿದೆ. ಈ ವ್ಯಕ್ತಿ ಜಾರ್ನಿಂದ ಅದನ್ನು ಹಿಡಿಯಲು ಪ್ರಯತ್ನಿಸುತ್ತಿದ್ದಾನೆ. ಈ ”ಆಪರೇಷನ್ ಜೇಡ”ದಲ್ಲಿ ಈತ ಯಶಸ್ವಿಯಾಗುವನೆ? ನೋಡಿ ಈ ಕೆಳಗಿನ ವಿಡಿಯೋ.
Away we go!
by u/louyplays in nope
ಅಂತೂ ನನ್ನ ಮನೆಗೆ ಬಂದಿದ್ದ ಈ ಜೇಡನನ್ನು ಬಲೆಗೆ ಬೀಳಿಸಿದ್ದೇನೆ ಎಂದು ಈ ವಿಡಿಯೋ ಪೋಸ್ಟ್ ಮಾಡಿದ್ದಾರೆ ಈ ವ್ಯಕ್ತಿ. ಈತನಕ ಈ ವಿಡಿಯೋ ಸುಮಾರು 18,000 ಓಟುಗಳನ್ನು ಗಳಿಸಿದೆ. ಅನೇಕರು ಅನೇಕ ರೀತಿ ಈ ಪೋಸ್ಟ್ಗೆ ಪ್ರತಿಕ್ರಿಯಿಸಿದ್ದಾರೆ. ಕೆಲವರಿಗೆ ಭಯವಾಗಿದೆ, ಕೆಲವರಿಗೆ ಇದು ತಮಾಷೆಯಾಗಿ ಕಂಡಿದೆ. ಇನ್ನೂ ಕೆಲವರು ಈ ಸಾಹಸಕ್ಕೆ ಅಭಿನಂದನೆ ಎಂದಿದ್ದಾರೆ.
ಇದನ್ನೂ ಓದಿ : Viral Video:ನನಗ ಬರ್ಯಾಕ ಬರಲ್ಲಲೇಪಾ, ನಮ್ ಅಜ್ಜನ್ ಕೂಡೇ ಎಬಿಸಿಡಿ ಬರ್ಸೆಕೆಂಬರ್ತೇನಿ
ಇಲ್ಲ, ಜೇಡನ ಮನೆಯಲ್ಲಿ ನೀವಿದ್ದೀರಿ ಅದು ನಿಮ್ಮ ಮನೆಯಲ್ಲ ಎಂದು ಕಾಲೆಳೆದಿದ್ದಾರೆ ಒಬ್ಬರು. ಅಬ್ಬಾ! ಇನ್ನೂ ಮನೆಯಲ್ಲಿ ಇನ್ನೂ ಇಂಥ ಅದೆಷ್ಟು ಜೇಡಗಳು ಅಡಗಿವೆಯೋ ಎಂದು ಭಯ ವ್ಯಕ್ತಪಡಿಸಿದ್ದಾರೆ ಇನ್ನೊಬ್ಬರು. ನನಗಂತೂ ಹೃದಯಾಘಾತವೇ ಆಯಿತು ಅದು ಕಪಾಟಿನ ಸಂದಿಯಿಂದ ಹೊರಬಂದಾಗ ಎಂದು ಮತ್ತೊಬ್ಬರು ಪ್ರತಿಕ್ರಿಯಿಸಿದ್ದಾರೆ. ಇಷ್ಟೆಲ್ಲ ಭಯಪಟ್ಟರೆ ಹೇಗೆ? ಒಮ್ಮೆ ಆಪ್ತವಾಗಿ ತಬ್ಬಿಕೊಂಡು ನೋಡಿ ಎಂದು ಮಗದೊಬ್ಬರು ತಮಾಷೆ ಮಾಡಿದ್ದಾರೆ. ಇವ ನಮ್ಮನೆಯಲ್ಲಿಯೇ ಇದ್ದ, ಎರಡು ದಿನದಿಂದ ಕಾಣುತ್ತಿಲ್ಲ, ಓಹೋ ಇಲ್ಲಿ ಬಂದಿದ್ದನೇ? ಸರಿ ಅವನನ್ನು ಜೋಪಾನವಾಗಿ ನಮ್ಮ ಮನೆಗೆ ವಾಪಾಸು ಕಳಿಸಿ ಎಂದಿದ್ದಾರೆ ಇನ್ನೂ ಒಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 12:30 pm, Wed, 28 June 23