Video: ನಿದ್ದೆಗೆ ಜಾರಿದ ಕಂದಮ್ಮನಿಗೆ ಸೊಂಡಿಲಿನಿಂದ ಗಾಳಿ ಬೀಸಿ ಮಲಗಿಸಿದ ತಾಯಾನೆ
ಪ್ರಾಣಿಗಳು ತಮ್ಮ ಕಂದಮ್ಮಗಳನ್ನು ಆರೈಕೆ ಮಾಡುತ್ತವೆ, ಕಾಳಜಿ ವಹಿಸುತ್ತವೆ. ಇದಕ್ಕೆ ಸಾಕ್ಷಿಯಾಗಿದೆ ಈ ದೃಶ್ಯ. ಪುಟಾಣಿ ಆನೆಯೊಂದು ಹಾಯಾಗಿ ನಿದ್ರಿಸುತ್ತಿದ್ದರೆ ತಾಯಾನೆ ತನ್ನ ಸೊಂಡಿಲಿನಿಂದ ಗಾಳಿ ಬೀಸಿದೆ. ಈ ಕ್ಯೂಟ್ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು ನೆಟ್ಟಿಗರ ಹೃದಯ ಗೆದ್ದಿದೆ. ಈ ಕುರಿತಾದ ಸ್ಟೋರಿ ಇಲ್ಲಿದೆ.
ತಾಯಿ ಪ್ರೀತಿನೇ ಹಾಗೆ, ನಿಷ್ಕಲ್ಮಶ ಪ್ರೀತಿ, ಕಾಳಜಿಗೆ ಬೆಲೆ ಕಟ್ಟಲು ಸಾಧ್ಯವಿಲ್ಲ. ಈ ವಿಚಾರದಲ್ಲಿ ಪ್ರಾಣಿಗಳು ಹೊರತಾಗಿಲ್ಲ ಎಂದೇಳಬಹುದು. ಹೌದು, ತಾಯಾನೆ (mother elephant) ತನ್ನ ಕಂದಮ್ಮನನ್ನು ಎಷ್ಟು ಕೇರ್ ಮಾಡುತ್ತದೆ ಎನ್ನುವುದಕ್ಕೆ ಇದುವೇ ಸಾಕ್ಷಿ. ಸುಖ ನಿದ್ರೆಗೆ ಜಾರಿದ ಕಂದಮ್ಮನಿಗೆ ಗಾಳಿ ಬೀಸುತ್ತಾ ಆರೈಕೆ ಮಾಡಿದೆ. ನಿಷ್ಕಲ್ಮಶ ಪ್ರೀತಿ ಸಾರುವ ಈ ಕ್ಯೂಟ್ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.
ನಿದ್ದೆಗೆ ಜಾರಿದ ಕಂದಮ್ಮನಿಗೆ ಗಾಳಿ ಬೀಸಿದ ತಾಯಾನೆ
ಎಲಿಫೆಂಟ್.ರೆಸ್ಕ್ಯೂ.ಇನ್.ಆಫ್ರಿಕಾ (elephant.rescue.in.africa) ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ಹಾಯಾಗಿ ಮಲಗಿದ ತನ್ನ ಕಂದನಿಗೆ ತಾಯಾನೆಯೊಂದು ಸೊಂಡಿಲಿನಿಂದ ಗಾಳಿ ಬೀಸುತ್ತಾ ನಿಂತುಕೊಂಡಿದೆ. ಪುಟಾಣಿ ಆನೆಯ ನಿದ್ರೆಗೆ ತೊಂದರೆಯಾಗದಂತೆ ಕಾಳಜಿ ವಹಿಸುವ ತಾಯಾನೆಯ ನಿಷ್ಕಲ್ಮಶ ಪ್ರೀತಿಯನ್ನು ನೀವಿಲ್ಲಿ ಕಾಣಬಹುದು.
ವೈರಲ್ ವಿಡಿಯೋ ಇಲ್ಲಿದೆ
ಇದನ್ನೂ ಓದಿ: ಪುಟ್ಟ ಪುಟ್ಟ ಹೆಜ್ಜೆಯನ್ನಿಟ್ಟು ಪಾರಿವಾಳವನ್ನು ಬೆನ್ನಟ್ಟಿದ ಮರಿಯಾನೆ
ಈ ವಿಡಿಯೋ ಇದುವರೆಗೆ ಎಪ್ಪತ್ತು ಸಾವಿರಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ತನ್ನ ಡಿಎನ್ ಎ ನಲ್ಲಿ ಮನುಷ್ಯನ ಗುಣಗಳನ್ನು ಈ ಆನೆಗಳು ಹೊಂದಿರುತ್ತವೆ ಎಂದಿದ್ದಾರೆ. ಇನ್ನೊಬ್ಬರು, ತಾಯಿ ಪ್ರೀತಿ ಬೆಲೆ ಕಟ್ಟಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ. ಮತ್ತೊಬ್ಬರು, ಗ್ರೇಟ್ ತಾಯಿ, ಕಂದನ ನಿದ್ದೆಗೆ ಭಂಗವಾಗದಂತೆ ನೋಡಿಕೊಂಡಿದೆ ಎಂದು ಕಾಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ