Post Viral: 5 ವರ್ಷದಲ್ಲಿ ಬಾಡಿಗೆ ಜಾಸ್ತಿ ಮಾಡಿಲ್ಲ, ಊಟ ಕೂಡ ಅವರದೇ, ಬಹಳ ಒಳ್ಳೆಯ ಓನರ್​​​

ಐಟಿ ಸಿಟಿ, ಮೆಟ್ರೊಪಾಲಿಟನ್ ನಗರಿ ಬೆಂಗಳೂರಿನಲ್ಲಿ ಮನೆ ಬಾಡಿಗೆ ದರ ಏರಿಕೆಯಾಗುತ್ತಲೇ ಇದೆ. ಇದೀಗ ಬೆಂಗಳೂರಿನ ವ್ಯಕ್ತಿಯೊಬ್ಬರು ತನ್ನ ಮನೆ ಓನರ್​​ ಬಗ್ಗೆ ಬರೆದ ಪೋಸ್ಟ್​​ ಒಂದು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​ ಆಗಿದೆ. ನನ್ನ ಮಾಲೀಕರು ಎಷ್ಟು ಒಳ್ಳೆಯ ವ್ಯಕ್ತಿ ಎಂಬುದನ್ನು ವ್ಯಕ್ತಿ ರೆಡ್ಡಿಟ್​​ನಲ್ಲಿ ಬರೆದುಕೊಂಡಿದ್ದಾರೆ. ಈ ಪೋಸ್ಟ್​ ಎಲ್ಲೆಡೆ ವೈರಲ್​​ ಆಗುತ್ತಿದ್ದಂತೆ ಸಾಕಷ್ಟು ನೆಟ್ಟಿಗರು ಇಂತಹ ಒಳ್ಳೆಯ ವ್ಯಕ್ತಿ ನಮಗೂ ಓನರ್​ ಆಗಿ ಸಿಗಲಿ ಎಂದು ಕಾಮೆಂಟ್​​ನಲ್ಲಿ ಬರೆದುಕೊಂಡಿದ್ದಾರೆ.

ರೆಡ್ಡಿಟ್​​ನಲ್ಲಿ ಹಂಚಿಕೊಂಡಿರುವ ಫೋಸ್ಟ್​​ ಪ್ರಕಾರ ” ನಾನು ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿದ್ದೇನೆ. ನನ್ನ ಮನೆ ಓನರ್​​ 65 ವರ್ಷದ ವ್ಯಕ್ತಿ. ಇಂದು ಅವರು ನನಗಾಗಿ ಊಟವನ್ನು ತಂದುಕೊಟ್ಟಿದ್ದಾರೆ. ಯಾವತ್ತೂ ಅವರು ನನ್ನನ್ನು ಹೊರಗಿನ ವ್ಯಕ್ತಿಯಂತೆ ನೋಡಿಲ್ಲ. ಮನೆಯ ಒಬ್ಬ ಸದ್ಯಸನಂತೆ ಪ್ರೀತಿ ನೀಡುತ್ತಿದ್ದಾರೆ. ಈ ಮನೆಯಲ್ಲಿ ನಾನು 2018ರಿಂದ ವಾಸವಿದ್ದೇನೆ, ಅವಾಗ ಎಷ್ಟು ಬಾಡಿಗೆ ನೀಡುತ್ತಿದ್ದೇನೋ, ಅಷ್ಟೇ ಬಾಡಿಗೆಯನ್ನು ನಾನು ಈವಾಗಲೂ ನೀಡುತ್ತಿರುವೇ, ಒಂದು ರೂಪಾಯಿಗೂ ಬಾಡಿಗೆ ಜಾಸ್ತಿ ಕೊಡು ಎಂದು ನನ್ನ ಬಳಿ ಕೇಳಿಲ್ಲ. ತುಂಬಾ ಒಳ್ಳೆಯ ವ್ಯಕ್ತಿ. ದೇವರ ಆಶೀರ್ವಾದ ಸದಾ ಇವರ ಮೇಲಿರಲಿ” ಎಂದು ಬರೆದುಕೊಂಡಿದ್ದಾರೆ.

my landlord bought me dinner today
byu/sweetestasshole inbangalore

ಇದನ್ನೂ ಓದಿ: Viral News: 117 ವರ್ಷ ಬದುಕಿದ್ದ ವಿಶ್ವದ ಅತ್ಯಂತ ಹಿರಿಯ ಮಹಿಳೆ ನಿಧನ

ಈ ಪೋಸ್ಟ್​​​​ ಎಲ್ಲೆಡೆ ವೈರಲ್​​ ಆಗುತ್ತಿದ್ದಂತೆ ಸಾಕಷ್ಟು ನೆಟ್ಟಿಗರಿಂದ ಮೆಚ್ಚುಗೆ ವ್ಯಕ್ತವಾಗಿದೆ. ಜೊತೆಗೆ ಇಷ್ಟು ಒಳ್ಳೆಯ ವ್ಯಕ್ತಿ ನಮಗೂ ಓನರ್​ ಆಗಿ ಸಿಗಲಿ ಎಂದು ಸಾಕಷ್ಟು ಜನರು ಕಾಮೆಂಟ್​​ನಲ್ಲಿ ಬರೆದುಕೊಂಡಿದ್ದಾರೆ. “ಪ್ರತೀ ವರ್ಷ ನಮ್ಮ ಓನರ್​​ ಬಾಡಿಗೆ ಹೆಚ್ಚು ಮಾಡುತ್ತಲೇ ಇದ್ದಾರೆ” ಎಂದು ಮತ್ತೊಬ್ಬರು ಬರೆದುಕೊಂಡಿದ್ದಾರೆ.

ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ