Trending : ಕ್ಯಾಂಡಿ ಚೀಫ್ ಆಫೀಸರ್ ಹುದ್ದೆಗೆ ಅರ್ಜಿ ಆಹ್ವಾನ!

Trending : ಕ್ಯಾಂಡಿ ಚೀಫ್ ಆಫೀಸರ್ ಹುದ್ದೆಗೆ ಕ್ಯಾಂಡಿ ಕಂಪೆನಿಯು ಅರ್ಜಿ ಆಹ್ವಾನಿಸಿದೆ. ಇಷ್ಟೇ ಅಲ್ಲ ಅಚ್ಚರಿ ನೀಡುವಂಥ ಅನೇಕ ಉದ್ಯೋಗಾವಕಾಶಗಳು ಇಲ್ಲಿ ಲಭ್ಯ. ಕ್ಯಾಂಡಿ ಚೀಫ್ ಆಫೀಸರ್ ಹುದ್ದೆಯ ಮುಖ್ಯ ಕೆಲಸವೇ ಕ್ಯಾಂಡಿ ರುಚಿ ನೋಡುವುದಾಗಿರುತ್ತದೆ. Candy Funhouse, Canadian Company ಈ ಕುರಿತು ಇನ್​ಸ್ಟ್ರಾಗ್ರಾಂನಲ್ಲಿ ಪೋಸ್ಟ್​ ಹಂಚಿಕೊಂಡಿದೆ. ನೀವು ಕ್ಯಾಂಡಿ ಮತ್ತು ಪಾಪ್​ ಕಲ್ಚರ್​ ಬಗ್ಗೆ ಆಸಕ್ತಿ ಹೊಂದಿದ್ದೀರಾ? ನಮ್ಮ ಕ್ಯಾಂಡಿಯಾಲಜಿಸ್ಟ್‌ಗಳನ್ನು ಮುನ್ನಡೆಸಲು 6 ಅಂಕಿಗಳನ್ನು ಪಾವತಿಸಿ! ಈ ಉದ್ಯೋಗವು 5 ವರ್ಷದ ಮೇಲ್ಪಟ್ಟವರಿಗೆ. ನಿಮ್ಮ ಮಗುವಿನ ಪರವಾಗಿಯೂ ಸಹ ನೀವು ಅರ್ಜಿ ಸಲ್ಲಿಸಬಹುದು! ಎಂಬ ಪೋಸ್ಟ್​ ಇದೀಗ ನೆಟ್ಟಿಗರಲ್ಲಿ ಸಂಚಲನ ಮೂಡಿಸಿದೆ.

ಈ ಕುರಿತು ಈ ಸಂಸ್ಥೆಗಳು ತಮ್ಮ ವೆಬ್​ಸೈಟ್​ಲ್ಲಿ ಕೂಡ ಉದ್ಯೋಗಾವಕಾಶಗಳ ಬಗ್ಗೆ ವಿವರ ಹಂಚಿಕೊಂಡಿವೆ. “ನಾವು ವಿಶ್ವದ ಮೊದಲ ಮತ್ತು ಏಕೈಕ ಮುಖ್ಯ ಕ್ಯಾಂಡಿ ಅಧಿಕಾರಿಯನ್ನು ಹುಡುಕುತ್ತಿದ್ದೇವೆ! ಈ ಅವಕಾಶವು ಟೊರೊಂಟೊ, ಕೆನಡಾ (ಕೆನಡಿಯನ್ ನಿವಾಸಿಗಳು) ಅಥವಾ ನ್ಯೂಜೆರ್ಸಿ (ಅಮೆರಿಕನ್ ನಿವಾಸಿಗಳು) ಯ ನಿವಾಸಿಗಳಿಗಿದ್ದು, ಮನೆಯಿಂದಲೇ ಕೆಲಸ ಮಾಡಬಹುದಾಗಿದೆ. “FUNhouse” ಈ ಪ್ರಾಜೆಕ್ಟಿಗೆ ವರ್ಷಕ್ಕೆ 1,00,000 ಡಾಲರ್ ತನಕ ಸಂಬಳವನ್ನು ನೀಡಲಾಗುತ್ತದೆ.’’

ಇನ್​ಸ್ಟಾಗ್ರಾಂನಲ್ಲಿ ಈ ಪೋಸ್ಟ್ ಹಂಚಿಕೊಂಡಾಗ ಸಾಕಷ್ಟು ಜನರು ವಿವಿಧ ರೀತಿಯಲ್ಲಿ ಕಮೆಂಟ್​ ಮಾಡಿದ್ದಾರೆ. ಅಷ್ಟೇ ಅಲ್ಲ ಮಜಮಜಾ ಕ್ಯಾಪ್ಷನ್​ ಕೊಟ್ಟು ಹಂಚಿಕೊಂಡಿದ್ದಾರೆ. ‘ನನಗಿದರಲ್ಲಿ ಆಸಕ್ತಿ ಇದೆ ಆದರೆ ನಾನು ಥೈಲ್ಯಾಂಡ್​ನಲ್ಲಿದ್ದೇನೆ.’ ‘ನನ್ನ ಐದು ವರ್ಷ ಮಗನ ಪರವಾಗಿ ನಾನು ಅರ್ಜಿ ಸಲ್ಲಿಸಲು ಬಯಸಿದ್ದೇನೆ.’  ‘ಈ ಐಡಿಯಾ ಅದ್ಭುತವಾಗಿದೆ’ ಹೀಗೆ ಅನೇಕರು ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ.

ನೋಡಿ ನೀವೂ ಅರ್ಜಿ ಸಲ್ಲಿಸುತ್ತೀರಾ, ಸಾಧ್ಯವಾ?