Viral Video : ಲೈವ್​ ಎಂಬ ಅರಿವಿದ್ದೇ ಈ ಬೆಕ್ಕು ಹೀಗೆ ಮಾಡಿತೆ?

Viral Video : ನೀವು ಬೆಕ್ಕನ್ನು ಸಾಕಿಕೊಂಡಿದ್ದೀರಾ? ನಿಮ್ಮ ಸುತ್ತಮುತ್ತಲೂ ನಿಮ್ಮ ಸಾಕುಪ್ರಾಣಿಗಳನ್ನಿಟ್ಟುಕೊಂಡು ಅದೂ ವರ್ಕ್​ ಫ್ರಂ ಹೋಮ್ ಮಾಡುವುದಿದೆಯಲ್ಲ ಅದು ಎಂಥ ಕಷ್ಟದ್ದು ಎನ್ನುವುದನ್ನು ನೀವು ಅಲ್ಲಗಳೆಯಲು ಸಾಧ್ಯವೇ ಇಲ್ಲವಲ್ಲ. ಹೌದು, ಅದರಲ್ಲೂ ಬೆಕ್ಕುಗಳಂತೂ… ಅವುಗಳನ್ನು ಶಾಂತಗೊಳಿಸಲು ಮಾರುಕಟ್ಟೆಯಲ್ಲಿ ಪೆಟ್​ ಟಾಯ್​ಗಳು ತುಂಬಿದ್ದರೂ ಅವುಗಳಿಗೆ ಮತ್ತೂ ಮನುಷ್ಯರ ಸಂಗವೇ ಬೇಕು. ಇಲ್ಲಿರುವ ವಿಡಿಯೋ ನೋಡಿ. ನೇರ ಪ್ರಸಾರದ ಸಮಯದಲ್ಲಿ ಪತ್ರಕರ್ತನ ಬೆನ್ನು ಏರಿ ತಾನೂ ಕ್ಯಾಮೆರಾದೊಳಗೆ ಇಣುಕಲು ನೋಡುತ್ತಿದೆ ಈ ಬೆಕ್ಕು. ಅಷ್ಟೇ ಅಲ್ಲ, ಸಾಕು ಲೈವ್​ ರಿಪೋರ್ಟ್​ ಮಾಡಿದ್ದು ಅಂತ ತನ್ನ ಪೋಷಕನ ತಲೆಗೆ ಒಂದೇಟು ಕೊಟ್ಟೇ ಬಿಟ್ಟಿದೆ!

ಟರ್ಕಿಯ ಕ್ರೀಡಾ ಪತ್ರಕರ್ತ ಹುಸೇನ್ ಓಝ್ಕೋಕ್ ತಮ್ಮ ವೈಯಕ್ತಿಕ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಿದ್ದಾರೆ. ಈ ಬೆಕ್ಕಿನ ಹೆಸರು ಓಲಿ. ಇದು ನನ್ನ ಸ್ನೇಹಿತನ ಬೆಕ್ಕು. ಲೈವ್​ ರಿಪೋರ್ಟಿಂಗ್ ಮಾಡುವಾಗ ಹೇಗೆ ಅಡ್ಡಿಪಡಿಸಿದೆ ನೋಡಿ ಎಂಬ ವಿವರಣೆ ನೀಡಿದ್ದಾರೆ. ಕೆಲ ದಿನಗಳ ಹಿಂದೆ ಪೋಸ್ಟ್ ಮಾಡಲಾದ ಈ ವಿಡಿಯೋ 5,200 ವೀಕ್ಷಣೆಗಳನ್ನು ಹೊಂದಿದೆ. ಸಾಕಷ್ಟು ಮರುಹಂಚಿಕೆಯಾಗಿದೆ.

ಮತ್ತಷ್ಟು ಇಂತ ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ