ನಿತ್ಯವೂ ಆಫೀಸ್​ಗಾಗಿ 320 ಕಿ.ಮೀ ಪ್ರಯಾಣಿಸುವ ವ್ಯಕ್ತಿ, ಹತ್ತಿರವೆಲ್ಲೂ ಮನೆ ಇರಲಿಲ್ಲವೇ?

ದೆಹಲಿ ಅಥವಾ ಮುಂಬೈ ನಗರಗಳಲ್ಲಿ ವಾಸಿಸುವವರಿಗೆ ಮನೆಯಿಂದ ಕಚೇರಿಗೆ ಹೋಗುವುದು ಹಾಗೂ ಕಚೇರಿಯಿಂದ ಮನೆಗೆ ಹೋಗುವುದು ಎಷ್ಟು ಕಷ್ಟ ಎನ್ನುವ ಅನುಭವವಿರುತ್ತದೆ. ಏಕೆಂದರೆ ಈ ನಗರಗಳಲ್ಲಿ ಸಾಮಾನ್ಯವಾಗಿ ಜನರ ಮನೆ ಮತ್ತು ಕಚೇರಿ ನಡುವೆ ಬಹಳ ದೂರವಿರುತ್ತದೆ ಮತ್ತು ಅಲ್ಲಿಗೆ ತಲುಪಲು ಅವರು ಸಾರ್ವಜನಿಕ ಸಾರಿಗೆಯನ್ನು ಬಳಸಬೇಕಾಗುತ್ತದೆ.

ಆದರೆ ಬಹುಶಃ ಈ ಚೀನಾದ ವ್ಯಕ್ತಿ ಪ್ರಯಾಣಿಸಿದಷ್ಟು ದೂರು ಯಾರೂ ನಿತ್ಯ ಪ್ರಯಾಣಿಸುವುದಿಲ್ಲ. ಏಕೆಂದರೆ ಈ ವ್ಯಕ್ತಿ ಪ್ರತಿದಿನ 320 ಕಿ.ಮೀನಷ್ಟು ಪ್ರಯಾಣಿಸುತ್ತಾನೆ. ಆದರೆ ಇದೆಲ್ಲವನ್ನೂ ತನ್ನ ಹೆಂಡತಿಗಾಗಿ ಮಾಡುವುದಾಗಿ ಹೇಳಿಕೊಂಡಿದ್ದಾನೆ.

31 ವರ್ಷದ ಲಿನ್ ಶು ಪೂರ್ವ ಚೀನಾದ ಶಾಂಡಾಂಗ್​ ಪ್ರಾಂತ್ಯದ ವೈಫಾಂಗ್ ನಗರದಲ್ಲಿ ವಾಸಿಸುತ್ತಿದ್ದಾರೆ. ಅವರು ಪ್ರತಿದಿನ ಬೆಳಗ್ಗೆ 5 ಗಂಟೆಗೆ ಏಳುತ್ತಾರೆ, 5.20ಕ್ಕೆ ಮನೆಯಿಂದ ಹೊರಡುತ್ತಾರೆ. ಇ ಬೈಕ್​ ಮೂಲಕ ರೈಲ್ವೆ ನಿಲ್ದಾಣ ತಲುಪುತ್ತಾರೆ. ಬೆಳಗ್ಗೆ 6.15ಕ್ಕೆ ರೈಲನ್ನು ಹಿಡಿಯುತ್ತಾರೆ ನಂತರ 7.46ಕ್ಕೆ ಶಾಂಡಾಂಗ್ ಪ್ರಾಂತ್ಯದ ಚೆಂಗ್ಡುಗೆ ಪ್ರಯಾಣಿಸುತ್ತಾರೆ.

ಇದಾದ ನಂತರ ಅವರು 15 ನಿಮಿಷಗಳ ಕಾಲ ಸುರಂಗದಲ್ಲಿ ಪ್ರಯಾಣಿಸುತ್ತಾರೆ ಬಳಿಕ ಕಚೇರಿ ತಲುಪುತ್ತಾರೆ. ಸುಮಾರು 9 ಗಂಟೆಗೆ ಕೆಲಸವನ್ನು ಪ್ರಾರಂಭಿಸುತ್ತಾರೆ. ಅದಕ್ಕೂ ಮೊದಲು ನಾವು ಕಚೇರಿ ತಲುಪಿ ಬೆಳಗಿನ ತಿಂಡಿ ಸೇವಿಸುತ್ತಾರೆ.

ಮತ್ತಷ್ಟು ಓದಿ: ವಾಷಿಂಗ್​ ಮೆಷಿನ್​ನಲ್ಲಿತ್ತು ನಾಗರಹಾವು, ಸ್ವಲ್ಪದರಲ್ಲೇ ಕಡಿತದಿಂದ ತಪ್ಪಿಸಿಕೊಂಡ ವ್ಯಕ್ತಿ

ಒಂದು ಸುತ್ತಿನ ಪ್ರಯಾಣವು 160 ಕಿ.ಮೀದ್ದಾಗಿದೆ. ಮನೆಗೆ ಹಿಂದಿರುಗುವಾಗಲೂ ಅಷ್ಟೇ ಪ್ರಯಾಣಿಸಬೇಕು. ಸುಮಾರು 3 ಗಂಟೆಗಳಲ್ಲಿ 160 ಕಿ.ಮೀ ಪ್ರಯಾಣ ಮುಗಿಸಿ ಮನೆಗೆ ಬರುತ್ತಾರೆ. ಆದರೆ ಅವರೇಕೆ ಅಲ್ಲಿಂದಲೇ ಓಡಾಡುತ್ತಾರೆ ಆಫೀಸ್​ ಹತ್ತಿರ ಎಲ್ಲೂ ಮನೆ ಇರಲಿಲ್ಲವೇ ಎನ್ನುವ ಪ್ರಶ್ನೆ ಕಾಡುತ್ತದೆ.

ಲಿನ್ ಕಳೆದ 7 ವರ್ಷಗಳಿಂದ ಯುವತಿಯೊಬ್ಬಳನ್ನು ಪ್ರೀತಿಸುತ್ತಿದ್ದರು, ಈ ವರ್ಷದ ಮೇನಲ್ಲಿ ಮದುವೆಯಾಗಿದ್ದಾರೆ. ಹೆಂಡತಿಗಾಗಿ ಸ್ವಂತ ಫ್ಲ್ಯಾಟ್​ ಖರೀದಿಸಿದ್ದಾರೆ. ಈಗ ಆಕೆಯನ್ನು ಅಲ್ಲಿ ಒಬ್ಬಳನ್ನೇ ಬಿಟ್ಟು ತಾನು ಬೇರೆ ಊರಿನಲ್ಲಿ ವಾಸಿಸುವುದು ಸರಿ ಅನ್ನಿಸಲಿಲ್ಲ ಹಾಗಾಗಿ ಅಲ್ಲಿಯೇ ಇದ್ದಾರೆ.

ಅವರು ತಿಂಗಳ ಓಡಾಟಕ್ಕೆ ಬರೋಬ್ಬರಿ 20 ಸಾವಿರ ರೂ. ಖರ್ಚು ಮಾಡುತ್ತಿದ್ದಾರೆ. ಅವರ ಕಚೇರಿ ಇರುವ ನಗರದಲ್ಲಿ ಸಿಂಗಲ್ ಬಿಎಚ್​ಕೆ 20 ಸಾವಿರರೂ.ಗೆ ಲಭ್ಯವಾಗುತ್ತದೆ. ಈಗ ಅವರ ಪತ್ನಿ ಕೂಡ ಅದೇ ನಗರದಲ್ಲಿ ಕೆಲಸ ಹುಡುಕುತ್ತಿದ್ದಾರೆ.

ಅವರ ಪ್ರತಿಷ್ಠಿತ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದು, ತುಂಬಾ ಬೆಂಬಲ ನೀಡುತ್ತಾರೆ, ಓವರ್​ ಟೈಂ ಕೆಲಸ ಮಾಡು ಎಂದು ಒತ್ತಡ ಹೇರುವುದಿಲ್ಲ, ಸಾರ್ವಜನಿಕ ಸಾರಿಗೆ ಉತ್ತಮವಾಗಿದ್ದು, ಹೆಚ್ಚಿನ ತೊಂದರೆಯಾಗುವುದಿಲ್ಲ ಎಂದು ಅವರು ಹೇಳಿದ್ದಾರೆ.

ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ