Viral: ಮೆಟ್ರೋದಲ್ಲಿ ಸಖತ್ ಸ್ಟೆಪ್ ಹಾಕಿದ ಪ್ರಯಾಣಿಕ, ವೈರಲ್ ಆಯ್ತು ವಿಡಿಯೋ
ಈಗಿನ ಕಾಲದ ಯುವಕ ಯುವತಿಯರಿಗೆ ಹಾಡು ಕೇಳಿದ ಕೂಡಲೇ ಸ್ಟೆಪ್ ಹಾಕುವುದೆಂದರೆ ಸಿಕ್ಕಾಪಟ್ಟೆ ಇಷ್ಟ. ಹೀಗಾಗಿ ಹೆಚ್ಚಿನವರು ರೀಲ್ಸ್ ಮಾಡುವುದರಲ್ಲಿ ಬ್ಯುಸಿಯಾಗಿರುವುದನ್ನು ನೋಡಿರಬಹುದು. ಇದೀಗ ಸೋಶಿಯಲ್ ಮೀಡಿಯಾ ಪ್ಲಾಟ್ ಫಾರ್ಮ್ ಗಳಲ್ಲಿ ಒಂದಾದ ರೆಡ್ಡಿಟ್ ನಲ್ಲಿ ಶೇರ್ ಮಾಡಿದ ವಿಡಿಯೋದಲ್ಲಿ ದೆಹಲಿ ಮೆಟ್ರೋ ಪ್ರಯಾಣಿಕನೊಬ್ಬ ಬೋಗಿಯ ಬಾಗಿಲ ಬಳಿ ನಿಂತು ಹಾಡು ಹಾಡುತ್ತ ಸಖತ್ ಸ್ಟೆಪ್ ಹಾಕಿದ್ದಾನೆ. ಈ ವಿಡಿಯೋ ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಸಕತ್ ಸೌಂಡ್ ಮಾಡುತ್ತಿದ್ದು ಕಾಮೆಂಟ್ ಗಳು ಹರಿದು ಬರುತ್ತಿದೆ.
ದೆಹಲಿ, ಏಪ್ರಿಲ್ 3: ದೆಹಲಿ (dehli) ಜನರ ಜೀವನಾಡಿ ದೆಹಲಿ ಮೆಟ್ರೋ (metro), ಅದೆಷ್ಟೋ ಜನರು ತಮ್ಮ ದೈನಂದಿನ ಕೆಲಸಕ್ಕೆ ತೆರಳಲು ಮೆಟ್ರೋವನ್ನೇ ಅವಲಂಬಿಸಿದ್ದಾರೆ. ಆದರೆ ಕೆಲವೊಮ್ಮೆ ಪ್ರಯಾಣಿಕರು ಮಾಡುವಂತಹ ಅವಾಂತರ, ಜಗಳ ಹಾಗೂ ಇನ್ನಿತ್ತರ ಕಾರಣಗಳಿಂದಲೇ ಸುದ್ದಿಯಾಗುವುದೇ ಹೆಚ್ಚು. ಇದೀಗ ದೆಹಲಿ ಮೆಟ್ರೋ ಪ್ರಯಾಣಿಕನು ಕಿಕ್ಕಿರಿದ ಜನಸಂದಣಿ ನಡುವೆ ಬೋಗಿಯ ಬಾಗಿಲಿನ ಬಳಿ ನಿಂತು ಜೋರಾಗಿ ಹಾಡು ಹಾಡುತ್ತಾ, ಡಾನ್ಸ್ (dance) ಮಾಡುವ ಮೂಲಕ ತನ್ನ ಸುತ್ತಲಿನಲ್ಲಿದ್ದ ಪ್ರಯಾಣಿಕರನ್ನು ರಂಜಿಸಿದ್ದು, ಈ ವಿಡಿಯೋವೊಂದು ವೈರಲ್ ಆಗುತ್ತಿದೆ.
devil sees ಹೆಸರಿನ ಖಾತೆಯಲ್ಲಿ ಶೇರ್ ಮಾಡಲಾದ ಈ ವಿಡಿಯೋದಲ್ಲಿ ಮೆಟ್ರೋ ಪ್ರಯಾಣಿಕನೊಬ್ಬನು ಭೋಗಿಯ ಬಳಿ ನಿಂತಿದ್ದಾನೆ. ತನ್ನ ನಿಲ್ದಾಣದ ಬರುತ್ತದೆಯೇ ಎಂದು ನೋಡುತ್ತಿರುವುದನ್ನು ಕಾಣಬಹುದು. ಏಕಾಏಕಿ ಜೋರಾಗಿ ಹಾಡು ಹಾಡುತ್ತ ಡಾನ್ಸ್ ಮಾಡಿದ್ದು ಅಲ್ಲಿದ್ದ ಪ್ರಯಾಣಿಕರು ಒಂದು ಕ್ಷಣ ಶಾಕ್ ಆಗಿದ್ದಾರೆ. ಆದರೆ ಈ ಪ್ರಯಾಣಿಕರ ಡಾನ್ಸ್ ಅನ್ನು ಸಖತ್ ಎಂಜಾಯ್ ಮಾಡಿದ್ದಾರೆ. ಕೆಲವರು ಅಲ್ಲೇ ಇದ್ದ ಪ್ರಯಾಣಿಕರು ಈ ಡಾನ್ಸ್ ದೃಶ್ಯದ ಕ್ಷಣಗಳನ್ನು ಸೆರೆ ಹಿಡಿದಿದ್ದಾರೆ. ಈ ವಿಡಿಯೋಗೆ ನೆಟ್ಟಿಗರಿಂದ ಕಾಮೆಂಟ್ ಗಳ ಸುರಿಮಳೆ ಬಂದಿದೆ.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ:
You don’t need any subscription to binge watch in Delhi Metro
byu/devil_sees indelhi
ಬಳಕೆದಾರರೊಬ್ಬರು, ನಾನು ಇಂತಹ ದೃಶ್ಯಗಳನ್ನು ಮೆಟ್ರೋದಲ್ಲಿ ಯಾಕೆ ನೋಡುವುದಿಲ್ಲ. ನನ್ನ ಮೆಟ್ರೋ ಪ್ರಯಾಣ ಯಾವಾಗಲೂ ಬೋರ್ ಎನಿಸುವುದು ಏಕೆ ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, ದೆಹಲಿ ಮೆಟ್ರೋ ನಿಧಾನವಾಗಿ ನ್ಯೂಯಾರ್ಕ್ ಮೆಟ್ರೋದಂತೆ ಆಗುತ್ತಿದೆ’ ಎಂದಿದ್ದಾರೆ.
ಇದನ್ನೂ ಓದಿ: ನನ್ ಹೆಂಡ್ತಿಯಿಂದ ನನ್ನನ್ನು ರಕ್ಷಿಸಿ ಸರ್; ಪತ್ನಿಯ ಹಲ್ಲೆ, ಕಿರುಕುಳದಿಂದ ಬೇಸತ್ತು ಕಂಪ್ಲೇಂಟ್ ಕೊಟ್ಟ ಗಂಡ
ಇನ್ನೊಬ್ಬ ಬಳಕೆದಾರರು, ‘ಪುರುಷರ ಮಾನಸಿಕ ಆರೋಗ್ಯದ ಬಗ್ಗೆ ಯಾರೂ ಕೂಡ ಕಾಳಜಿ ವಹಿಸುವುದಿಲ್ಲ ಎಂದು ನೀವು ಹೇಳುತ್ತೀರಿ. ಆದರೆ ಪುರುಷರು ಸಂತೋಷವಾಗಿರುವುದನ್ನು ನೋಡಲು ನಿಮ್ಮಿಂದ ಸಾಧ್ಯವಿಲ್ಲ. ಪುರುಷರು ಯಾರಿಗೂ ಯಾವುದೇ ರೀತಿ ತೊಂದರೆ ಕೊಡುವುದಿಲ್ಲ’ ಎಂದು ಹೇಳಿದ್ದಾರೆ.
ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ