Viral: ಅವಾಚ್ಯ ಶಬ್ದ ಬಳಸುವುದರಲ್ಲಿ ದೆಹಲಿ ನಂಬರ್​​ ಒನ್​​​, ಕರ್ನಾಟಕಕ್ಕೆ ಎಷ್ಟನೇ ಸ್ಥಾನ ಗೊತ್ತಾ?

ಕೆಲವರು ತಮಾಷೆಗೆಂದೇ ಅವಾಚ್ಯ ಶಬ್ದಗಳು (abusive words) ಬಳಸುತ್ತಾರೆ. ಇನ್ನು ಕೆಲವರು ಸಣ್ಣ ಪುಟ್ಟ ಜಗಳವಾದಾಗ ಈ ಅವಾಚ್ಯ ಶಬ್ದಗಳನ್ನು ಬಳಸಿ ವ್ಯಕ್ತಿಯನ್ನು ನಿಂದಿಸುವುದಿದೆ. ಆದರೆ ಇತ್ತೀಚೆಗಷ್ಟೇ ಅಧಿಕ ನಿಂದನೀಯ ಭಾಷೆ ಬಳಸುವ ರಾಜ್ಯ ಯಾವುದು ಎನ್ನುವ ಬಗ್ಗೆ ಡಾ. ಸುನಿಲ್ ಜಗ್ಲಾನ್ (Dr. Sunil Jaglan) ಅವರು ಸಮೀಕ್ಷೆಯನ್ನು ನಡೆಸಿದ್ದಾರೆ. ಇಲ್ಲಿ ಭಾರತದ ಯಾವ ರಾಜ್ಯದ ಜನರು ಅವಾಚ್ಯ ಶಬ್ದಗಳನ್ನು ಅಧಿಕ ಬಳಸುತ್ತಾರೆ ಎನ್ನುವುದು ಬಹಿರಂಗವಾಗಿದೆ. ಈ ಸಮೀಕ್ಷೆಯಲ್ಲಿ ಕರ್ನಾಟಕವು ಎಷ್ಟನೇ ಸ್ಥಾನವನ್ನು ಗಳಿಸಿಕೊಂಡಿದೆ. ಈ ಕುರಿತಾದ ಇನ್ನಷ್ಟು ಮಾಹಿತಿ ಇಲ್ಲಿದೆ.

ದೇಶದಲ್ಲಿ ಅವ್ಯಾಚ ಪದಗಳನ್ನು ಹೆಚ್ಚು ಬಳಸುವವರು ಯಾವ ರಾಜ್ಯದವರು ಎನ್ನುವ ಬಗ್ಗೆ ವಿಶಿಷ್ಟ ಸಮೀಕ್ಷೆಯನ್ನು ನಡೆಸಲಾಗಿದೆ. ಸೆಲ್ಸಿ ವಿತ್ ಡಾಟರ್ ಫೌಂಡೇಶನ್‌ನ ಸಂಸ್ಥಾಪಕ ಮತ್ತು ರೋಕ್ಟಕ್‌ನ ಮಹರ್ಷಿ ದಯಾನಂದ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕ ಡಾ. ಸುನಿಲ್ ಜಗ್ಲಾನ್ ಈ ಸಮೀಕ್ಷೆ ನಡೆಸಿದ್ದಾರೆ. ಭಾರತವನ್ನು ನಿಂದನೆ ಮುಕ್ತಗೊಳಿಸಲು ಕಳೆದ 11 ವರ್ಷಗಳಿಂದ ಗಾಳಿ ಬಂದ್ ಘರ್‌ ಅಭಿಯಾನವನ್ನು ನಡೆಸುತ್ತಿದೆ . 70 ಸಾವಿರ ಜನರನ್ನು ಒಳಗೊಂಡಂತೆ ಸಮೀಕ್ಷೆಯನ್ನು ನಡೆಸಲಾಗಿದೆ. ಆದರೆ, ನಿಂದನೀಯ ಪದಗಳನ್ನು ಬಳಸುವ ರಾಜ್ಯಗಳಲ್ಲಿ ದೆಹಲಿ ಅಗ್ರಸ್ಥಾನದಲ್ಲಿದೆ ಎಂದು ಈ ಸಮೀಕ್ಷೆಯೂ ಬಹಿರಂಗಪಡಿಸಿದೆ.

ಪೋಸ್ಟ್‌ ಇಲ್ಲಿದೆ

ಸಮೀಕ್ಷೆಯ ಅಂಕಿಅಂಶಗಳು ಹೀಗಿವೆ

ದೆಹಲಿಯ ಶೇ. 80 ರಷ್ಟು ಜನರು ಅವಾಚ್ಯ ಶಬ್ದಗಳನ್ನು ಬಳಸುವ ಮೂಲಕ ಮೊದಲ ಸ್ಥಾನವನ್ನು ಗಳಿಸಿದೆ. ಶೇ. 78 ರಷ್ಟು ಶ್ರೇಯಾಂಕದೊಂದಿಗೆ ಪಂಜಾಬ್‌ ಎರಡನೇ ಸ್ಥಾನದಲ್ಲಿದ್ದರೆ, ಉತ್ತರ ಪ್ರದೇಶ ಮೂರನೇ ಸ್ಥಾನದ್ದು, ಶೇ. 74 ರಷ್ಟು ಜನರು ಅವಾಚ್ಯ ಶಬ್ದಗಳನ್ನು ಬಳಸುತ್ತಾರೆ ಎನ್ನಲಾಗಿದೆ. ಇನ್ನು ಉಳಿದಂತೆ ಉತ್ತರ ಪ್ರದೇಶದ ನೆರೆಯ ರಾಜ್ಯವಾದ ಬಿಹಾರ ನಾಲ್ಕನೇ ಸ್ಥಾನವನ್ನು ಗಳಿಸಿಕೊಂಡಿದೆ. ಇಲ್ಲಿನ 74 ಪ್ರತಿಶತ ಜನರು ಅವಾಚ್ಯ ಶಬ್ದಗಳನ್ನು ಬಳಸುತ್ತಾರಂತೆ. 68 ಪ್ರತಿಶತ ಜನರು ಅವಾಚ್ಯ ಶಬ್ದಗಳನ್ನು ಬಳಸುವ ಮೂಲಕ ರಾಜಸ್ಥಾನವು ಐದನೇ ಸ್ಥಾನ ಗಳಿಸಿಕೊಂಡಿದೆ.

ಇದನ್ನೂ ಓದಿ: Video: ತೆರಿಗೆ ಹಣ ವಾಪಾಸ್ ಕೊಡಿ, ನಾವೇ ಬೆಂಗಳೂರು ಅಭಿವೃದ್ಧಿ ಪಡಿಸುತ್ತೇವೆ ಎಂದ ಬೆಂಗಳೂರಿನ ನಾಗರಿಕರು

ಕರ್ನಾಟಕಕ್ಕೆ ಎಷ್ಟನೇ ಸ್ಥಾನ?

ಇನ್ನು ಉಳಿದಂತೆ ಇತರ ರಾಜ್ಯಗಳಾದ ಹರಿಯಾಣ (62%), ಮಹಾರಾಷ್ಟ್ರ (58%), ಗುಜರಾತ್ (55%), ಮಧ್ಯಪ್ರದೇಶ (48%), ಉತ್ತರಾಖಂಡ (45%), ಕರ್ನಾಟಕ (44%), ಕಾಶ್ಮೀರ (15%) ರಷ್ಟು ಜನರು ಅವಾಚ್ಯ ಶಬ್ದಗಳನ್ನು ಬಳಸುತ್ತಾರೆ ಎನ್ನಲಾಗಿದೆ. ಕರ್ನಾಟಕವು ಹನ್ನೊಂದನೇ ಸ್ಥಾನವನ್ನು ಗಳಿಸಿಕೊಂಡಿದೆ. ಇನ್ನು, ಇತರ ರಾಜ್ಯಗಳಲ್ಲಿ 20-30 ಪ್ರತಿಶತ ಜನರು ಮಾತ್ರ ಅವಾಚ್ಯ ಶಬ್ದಗಳನ್ನು ಬಳಸುತ್ತಾರೆ ಎನ್ನುವುದು ಸಮೀಕ್ಷೆಯಿಂದ ಬಹಿರಂಗವಾಗಿದೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ