Viral Video : ಬೇಕಾ ನಿಮಗೂ ಇಂಥ ಸಹಾಯಕ?

Viral Video: ಮ್ಯಾಗ್ನಸ್ ಎಂಬ ನಾಯಿಯು ಪೋಷಕರ ನಿತ್ಯದ ಕೆಲಸಗಳಿಗೆ ಸಹಾಯ ಮಾಡುವ ವಿಡಿಯೋ ಅನ್ನು ಆನ್​ಲೈನ್​ನಲ್ಲಿ ಪೋಸ್ಟ್​ ಮಾಡಿದಾಗಿನಿಂದ ನೆಟ್ಟಿಗರಿಂದ ಪ್ರೀತಿಯ ಮಳೆಯೇ ಸುರಿಯುತ್ತಿದೆ. ಇಲ್ಲಿರುವ ಈ ವಿಡಿಯೋದಲ್ಲಿ ಮ್ಯಾಗ್ನಸ್​ ವಾಷಿಂಗ್ ಮಶೀನಿನೊಳಗೆ ಬಟ್ಟೆಗಳನ್ನು ಹಾಕಿ ತನ್ನ ಮೂಗಿನಿಂದ ಮಶೀನಿನ ಬಾಗಿಲನ್ನೂ ಮುಚ್ಚುತ್ತಿದೆ! ಸೂಪರ್‌ಮ್ಯಾನ್ ಪ್ರಿಂಟ್​ ಇರುವ ಟೀ-ಶರ್ಟ್ ಅನ್ನು ಬಾಯಿಯಿಂದ ಎತ್ತಿಕೊಂಡು ಮಶೀನ್​ಗೆ ಹಾಕುವ ಕ್ಲಿಪ್ಪಿಂಗ್​ನಿಂದ ಈ ವಿಡಿಯೋ ಆರಂಭವಾಗುತ್ತದೆ.  ನಂತರ ಮಡಿಚಿಟ್ಟ ಶರ್ಟ್​ಗಳನ್ನು ಡ್ರಾಯರ್​ಗೆ ಹಾಕಲು ಸಹಾಯ ಮಾಡುತ್ತದೆ.  ಮೂರು ದಿನಗಳ ಹಿಂದೆ ಪೋಸ್ಟ್ ಮಾಡಲಾದ ಈ ವಿಡಿಯೋವನ್ನು 1.5 ಲಕ್ಷಕ್ಕೂ ಹೆಚ್ಚು ಜನರು ವೀಕ್ಷಿಸಿದ್ದಾರೆ.

‘ಮ್ಯಾಗ್ನಸ್ ನಮ್ಮ ಮನೆಗೆ ಬಂದು, ನಮ್ಮ ಸ್ಕೈ ಮತ್ತು ಕಾಪರ್​ಗೆ ಒಂದೆರಡು ಕೆಲಸಗಳನ್ನು ಕಲಿಸಿಕೊಡಬಹುದೆ? ಎಂದು ನಾಯಿಯ ಪೋಷಕರೊಬ್ಬರು ಪ್ರತಿಕ್ರಿಯಿಸಿದ್ದಾರೆ. ‘ನೀನು ಒಳ್ಳೆಯ ಹುಡುಗ!’ ಎಂದು ಬೆನ್ನು ತಟ್ಟಿದ್ದಾರೆ  ಮತ್ತೊಬ್ಬರು. ನಿಮ್ಮ ಮನೆಯಲ್ಲೂ ಇಂಥ ನಾಯಿ ಬೇಕೆ? ಯೋಚಿಸಿ.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ