ಇದು ದಾಖಲೆಯ ಜನನ, 5.8 ಕೆಜಿ ತೂಕದ ಮಗುವಿಗೆ ಜನ್ಮ ನೀಡಿದ ಫ್ಲೋರಿಡಾ ಮಹಿಳೆ

ಫ್ಲೋರಿಡಾ ಮಹಿಳೆಯೊಬ್ಬರು (Florida Woman) 5.8 ಕೆಜಿ ತೂಕದ ಮಗುವಿಗೆ ಜನ್ಮ ನೀಡಿದ್ದಾರೆ. ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​​ ಆಗುತ್ತಿದೆ. ಇದೀಗ ಈ ಮಗುವನ್ನು ವಿಶ್ವದ ಅತ್ಯಂತ ದೈತ್ಯ ಗಾತ್ರದ ಮಗು ಎಂದು ಹೇಳಲಾಗಿದೆ. ಟೆನ್ನೆಸ್ಸೀಯ ನ್ಯಾಶ್ವಿಲ್ಲೆಯ ಶೆಲ್ಬಿ ಮಾರ್ಟಿನ್ ಎಂಬುವರು ಇತ್ತೀಚೆಗೆ ಈ ದೈತ್ಯ ಆಕಾರದ ಮಗುವಿಗೆ ಜನ್ಮ ನೀಡಿದ್ದಾರೆ. ಈ ವಿಚಾರ ತಿಳಿದು ಸೋಶಿಯಲ್​​ ಮೀಡಿಯಾ ಬಳಕೆದಾರರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಇನ್ನು ಕೆಲವರು ಹಾಸ್ಯವಾಗಿ ಪ್ರತಿಕ್ರಿಯೆ ನೀಡಿದ್ದಾರೆ. ಇದೊಂದು ಅಸಾಧರಣ ಗಾತ್ರದ ಮಗು, ಜನನದಲ್ಲಿ ನೈಸರ್ಗಿಕ ವ್ಯತ್ಯಾಸದಿಂದ ಈ ಮಗುವಿನ ಜನ್ಮ ಆಗಿದೆ. ಹೆರಿಗೆಯ ಸಮಯದಲ್ಲಿ ತಾಯಂದಿರಿಗೆ ಅಗತ್ಯವಿರುವ ಶಕ್ತಿ ಹಾಗೂ ಸರಿಯಾದ ಅರೋಗ್ಯ ಕಾಳಜಿ ಬೇಕಾಗುತ್ತದೆ. ಮಗುವಿನ ಪಾಲನೆ ಹಾಗೂ ಅದರ ಕಾಳಜಿಯ ಬಗ್ಗೆ ತಾಯಿ ಸೇವೆಯನ್ನು ಮೆಚ್ಚಲೇಬೇಕು. ಹಾಗೂ ವೈದ್ಯರ ಪ್ರಯತ್ನಕ್ಕೆ ಶ್ಲಾಘನೆ ಮಾಡಲೇಬೇಕು ಎಂದು ಅನೇಕರು ಕಮೆಂಟ್​​ ಮಾಡಿದ್ದಾರೆ.

ಶೆಲ್ಬಿ ಮಾರ್ಟಿನ್ ತಮ್ಮ ಹೆರಿಗೆಗೂ ಮುನ್ನ ದೊಡ್ಡ ಹೊಟ್ಟೆಯ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಇದು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​​ ಆಗಿತ್ತು, ಹಾಗೂ ಕೆಲವೊಂದು ತಮಾಷೆಯ ಕಮೆಂಟ್ ಕೂಡ ಬಂದಿತ್ತು. ಈ ವಿಡಿಯೋ 4.4 ಮಿಲಿಯನ್‌ಗಿಂತಲೂ ಹೆಚ್ಚು ಲೈಕ್‌ಗಳು ಮತ್ತು ಹತ್ತು ಸಾವಿರ ಕಾಮೆಂಟ್‌ಗಳನ್ನು ಗಳಿಸಿತು, ಹಲವು ಬಳಕೆದಾರರು ಈ ವಿಡಿಯೋಗೆ ಕಮೆಂಟ್​​ ಮಾಡಿದ್ದರು. ನೀವು ದೊಡ್ಡ ಮಗುವನ್ನು ಪಡೆಯುತ್ತೀರ ಎಂದು ಹೇಳಿದ್ದಾರೆ. ನಂತರದಲ್ಲಿ ಶೆಲ್ಬಿ ಮಾರ್ಟಿನ್ ಹೊಟ್ಟೆಯಲ್ಲಿರುವ ಮಗುವಿನ ಗಾತ್ರದ ಒಂದು ಫೋಟೋವನ್ನು ಕೂಡ ಹಂಚಿಕೊಂಡಿದ್ದರು. ಈ ಫೋಟೋಗೂ ಬಳಕೆದಾರರು ಕಮೆಂಟ್​ ಮಾಡಿದ್ದರು, ಮಗು ಎಷ್ಟು ಸಮಯದಿಂದ ಒಳಗೆ ಇತ್ತು ಅಥವಾ ಅದು ಹೇಗೆ ಹುಟ್ಟಿರಬಹುದು ಎಂಬೆಲ್ಲ ಪ್ರಶ್ನೆಯನ್ನು ಕೇಳಿದರು.

ಇದನ್ನೂ ಓದಿ :  ಬೈಕ್ ಅಲ್ಲ, ಕುದುರೆ ಏರಿ ಬಂದು ಪ್ರವಾಸಿಗರಿಗೆ ಆಹಾರ ತಲುಪಿಸಿದ ಡೆಲಿವರಿ ಬಾಯ್

ದಿ ನ್ಯೂಯಾರ್ಕ್ ಪೋಸ್ಟ್ ವರದಿ ಮಾಡಿರುವ ಪ್ರಕಾರ, ಶೆಲ್ಬಿಯ ನವಜಾತ ಮಗ ಕ್ಯಾಸಿಯನ್, ಸಿ-ಸೆಕ್ಷನ್ ಮೂಲಕ ಜನಿಸಿದೆ. ಈ ವೇಳೆ ಮಗು 5.8 ಕೆಜಿ ತೂಕ ಹೊಂದಿದೆ ಎಂದು ಹೇಳಲಾಗಿದೆ. ಇನ್ನು ಈ ಮಗುವನ್ನು ಮೂರು ಮಕ್ಕಳ ಗಾತ್ರಕ್ಕೆ ಹೊಲಿಸಿದ್ದಾರೆ. ಆಸ್ಪತ್ರೆಯ ವೈದ್ಯರು ಕೂಡ ಈ ಮಗುವನ್ನು ಕಂಡು ಅಚ್ಚರಿಗೊಂಡಿದ್ದಾರೆ. ಈ ಮಗುವಿನ ಆರೋಗ್ಯ ಮೇಲ್ವಿಚಾರಣೆಗಾಗಿ ಐಸಿಯುನಲ್ಲಿ ಇಡಬೇಕಾಗಿತ್ತು. ಜತೆಗೆ ಮಗುವಿಗೆ ಮಾಡಬೇಕಾದ ಎಲ್ಲ ಆರೋಗ್ಯ ತಪಾಸಣೆಯನ್ನು ಕೂಡ ಮಾಡಲಾಗಿದೆ. ಮಗುವಿಗೆ ಯಾವುದೇ ತೊಂದರೆ ಇಲ್ಲ ಎಂದು ವೈದ್ಯರು ಹೇಳಿದ್ದಾರೆ.

ವೈರಲ್​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ