ಮದುವೆ ದಿಬ್ಬಣದಲ್ಲಿ ಯೋಧನಂತೆ ಡ್ಯಾನ್ಸ್ ಮಾಡಿದ ವ್ಯಕ್ತಿ, ಸಾಮಾಜಿಕ ಮಾಧ್ಯಮದಲ್ಲಿ ವಿಡಿಯೊ ವೈರಲ್

ಒಬ್ಬ ವ್ಯಕ್ತಿ ತನ್ನ ಸ್ನೇಹಿತನ ಮದುವೆಯ ದಿಬ್ಬಣದಲ್ಲಿ ಯೋಧನಂತೆ ನೃತ್ಯ (Dance) ಮಾಡುತ್ತಿರುವ ವಿಡಿಯೊ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ (Viral Video) ಆಗುತ್ತಿದೆ . ಈ ವಿಡಿಯೊವನ್ನು ಐಪಿಎಸ್ ಅಧಿಕಾರಿ ದೀಪಾಂಶು ಕಾಬ್ರಾ ಅವರು ಟ್ವಿಟರ್‌ನಲ್ಲಿ (Twitter) ಹಂಚಿಕೊಂಡಿದ್ದು “ತರಬೇತಿ ಮುಗಿಯುತ್ತಿದ್ದಂತೆ ಸ್ನೇಹಿತನ ಮದುವೆ ಸಂಭ್ರಮದಲ್ಲಿ ಭಾಗಿಯಾಗಲು ಬಂದ ಯೋಧ” ಎಂದು ಬರೆದಿದ್ದಾರೆ. ತರಬೇತಿಯನ್ನು ಮುಗಿಸಿದ ಯೋಧನಂತೆ ಅವನು ನೃತ್ಯ ಮಾಡುತ್ತಿದ್ದಾನೆ ಎಂದು ಪೊಲೀಸ್ ಅಧಿಕಾರಿ ವಿಡಿಯೊ ಬಗ್ಗೆ ಟ್ವೀಟ್ ಮಾಡಿದ್ದಾರೆ. ವಿಡಿಯೊ 3 ಲಕ್ಷಕ್ಕಿಂತೂ ಹೆಚ್ಚು ವೀಕ್ಷಣೆಗಳನ್ನು ಮತ್ತು 19 ಸಾವಿರಕ್ಕಿಂತಲೂ ಹೆಚ್ಚು ಲೈಕ್ ಪಡೆದುಕೊಂಡಿದೆ. ಬ್ಯಾಂಡ್ ಸಂಗೀತ ನುಡಿಸುತ್ತಿದ್ದಂತೆ ಹಲವಾರು ಪುರುಷರು ನೃತ್ಯ ಮಾಡುವುದನ್ನು ಇದು ತೋರಿಸುತ್ತದೆ. ಆದರೆ ಎಲ್ಲರ ಗಮನ ಕೆಂಪು ಶರ್ಟ್ ಮೀಸೆ ಮನುಷ್ಯ ಮೇಲೆ ಇದೆ. ಆ ವ್ಯಕ್ತಿ ಅವರು ಮದುವೆ ಸಂಭ್ರಮದಲ್ಲಿ ಮಾಡುವಂತೆ ನೃತ್ಯ ಮಾಡುವ ಬದಲು ಬ್ಯಾಂಡ್ ಗೆ ಮಾರ್ಚಿಂಗ್ ಮಾಡುತ್ತಿರುವುದು ವಿಡಿಯೊದಲ್ಲಿದೆ. ಗಂಭೀರ ಮುಖ, ಯೋಧನಂತೆ ಕಾಲುಗಳನ್ನು ಎತ್ತಿ ಅತ್ತಿತ್ತ ನಡೆದು ಸೆಲ್ಯೂಟ್ ಹೊಡೆಯುವ ವ್ಯಕ್ತಿಯನ್ನು ನೀವು ವಿಡಿಯೊದಲ್ಲಿ ನೋಡಬಹುದು. ಸ್ವಲ್ಪ ಸಮಯದವರೆಗೆ ಅದನ್ನು ಮಾಡಿದ ನಂತರ, ಅವನು ಪಿಟಿ ವ್ಯಾಯಾಮಗಳನ್ನು ಮಾಡುತ್ತಾನೆ ಮತ್ತು ನಂತರ ತನ್ನ ತೋಳನ್ನು ತಮಾಷೆಯಾಗಿ ತಿರುಗಿಸುತ್ತಾನೆ. ಈ ವಿಡಿಯೊ ನೋಡಿ ನೆಟ್ಟಿಗರು ಬಿದ್ದು ಬಿದ್ದು ನಗುತ್ತಿದ್ದು, ವಿಡಿಯೊಗಳನ್ನು ಶೇರ್ ಮಾಡುತ್ತಿದ್ದಾರೆ.

ಇದನ್ನೂ ಓದಿ: ಮೊಬೈಲ್ ಫೋನಲ್ಲಿ ಮಾತನಾಡುತ್ತಾ ಮ್ಯಾನ್​​ಹೋಲ್​​ಗೆ ಬಿದ್ದ ಮಹಿಳೆ; ವೈರಲ್ ವಿಡಿಯೊ