Viral: ಶಂಕರ್ ಮಹಾದೇವನ್ ಬ್ರೆಥ್ಲೆಸ್ ಸಾಂಗ್; ಎಜಾಝ್ ಮತ್ತು ಪ್ರಿನ್ಸಿ ವರ್ಷನ್
Breathless Song : ಶಂಕರ್ ಮಹಾದೇವನ್ ಹೇಗೆ ಹಾಡಿದ್ದಾರೋ ಹಾಗೆಯೇ ಎಜಾಝ್ ಇದನ್ನು ಪ್ರಸ್ತುತಪಡಿಸಿದ್ಧಾರೆ. ಇನ್ನು ಹೋಟೆಲ್ಗೆ ಹೋದರೆ ವೇಟರ್ ಈ ಹಾಡನ್ನು ಹೇಗೆ ಹಾಡಬಹುದು ಎಂಬುದನ್ನು ಪ್ರಿನ್ಸಿ ಹಾಡಿದ್ಧಾರೆ.
Shankar Mahadevan : Breathless song ಇಂದಿಗೂ ಜೀವಂತವಾಗಿದೆ ಎನ್ನುವುದಕ್ಕೆ ಸಾಕ್ಷಿ ಇದೀಗ ವೈರಲ್ ಆಗಿರುವ ಇನ್ಸ್ಟಾಗ್ರಾಂನ ರೀಲ್ಗಳು. 1998ರಲ್ಲಿ ಈ ಆಲ್ಬಮ್ ಬಿಡುಗಡೆಯಾಗಿತ್ತು. ಜಾವೇದ್ ಅಖ್ತರ್ (Javed Akhtar) ಸಾಹಿತ್ಯ ಮತ್ತು ಶಂಕರ್ ಮಹಾದೇವನ್ ಸ್ವತಃ ಸಂಗೀತ ಸಂಯೋಜನೆ ಮಾಡಿ ಹಾಡಿದ್ದರು. ಒಂದೇ ಉಸಿರಿನಲ್ಲಿ ಈ ಇಡೀ ಹಾಡು ಸಂಗೀತಪ್ರೇಮಿಗಳನ್ನು ದಂಗುಬಡಿಸಿತ್ತು. ಎಷ್ಟೋ ವರ್ಷ ಈ ಹಾಡಿನ ಗುಂಗು ಹಿಡಿಸಿತ್ತು. ಇದೀಗ ಈ ಹಾಡನ್ನು ನೆನಪಿಸಿದ್ಧಾರೆ ಇನ್ಸ್ಟಾಗ್ರಾಂನ ಗಾಯಕ ಎಜಾಝ್ ಹೈದರ್ ಮತ್ತು ಕಲಾವಿದೆ ಪ್ರಿನ್ಸಿ ಪಾರೀಖ್.
ಎಜಾಝ್ ಅವರ ಈ ರೀಲ್ ಅನ್ನು ಈತನಕ ಸುಮಾರು 11 ಮಿಲಿಯನ್ ಜನರು ನೋಡಿದ್ದಾರೆ. ಸುಮಾರು 2 ಮಿಲಿಯನ್ ಜನರು ಇಷ್ಟಪಟ್ಟಿದ್ದಾರೆ. ರೆಸ್ಪೆಕ್ಟ್ ಬಟನ್ ಎಲ್ಲಿದೆ? ಎಂದು ಕೇಳಿದ್ಧಾರೆ ಅನೇಕರು. ನೀವು ನಮ್ಮೆಲ್ಲರ ಹೃದಯವನ್ನು ಗೆದ್ದಿದ್ದೀರಿ ಸರ್ ಎಂದು ಹಲವರು ಮನದುಂಬಿ ಹೇಳಿದ್ದಾರೆ. ನಿಮ್ಮ ಹಾಡಿನಿಂದ ಭೂಮಿಯ ಮೇಲೆ ಆಮ್ಲಜನಕದ ಮಟ್ಟ ಹೆಚ್ಚಿದೆ, ಗ್ರೇಟ್! ಎಂದಿದ್ದಾರೆ ಮತ್ತೊಬ್ಬರು. ಇನ್ನು ಕಲಾವಿದೆ ಪ್ರಿನ್ಸಿ ಪಾರೀಖ್, ಹೋಟೆಲ್ನಲ್ಲಿ ವೇಟರ್ ಈ ಹಾಡನ್ನು ಹಾಡಿದರೆ ಹೇಗಿರುತ್ತದೆ ಎನ್ನುವುದನ್ನು ಪ್ರಸ್ತುಪಡಿಸಿದ್ದಾರೆ. ಈ ಕೆಳಗಿನ ವಿಡಿಯೋದಲ್ಲಿ ಕೇಳಿ, ನೋಡಿ.
ಹೋಟೆಲ್ನಲ್ಲಿಯ ತಿಂಡಿತಿನಿಸುಗಳನ್ನು ಈ ಗತಿಯಲ್ಲಿ ವೇಟರ್ ಪ್ರಸ್ತುತ ಪಡಿಸಿದರೆ ಕೊನೆಯಲ್ಲಿ ಪ್ರಿನ್ಸಿ ಬರೀ ಒಂದು ಗ್ಲಾಸ್ ನೀರು ಕೇಳಿಬಿಡುತ್ತಾರೆ! ಈ ವಿಡಿಯೋ ಅನ್ನು ಸುಮಾರು 1.5 ಲಕ್ಷ ಜನರು ಮೆಚ್ಚಿದ್ದಾರೆ. ನೀವು ವೇಟರ್ ಬದಲಾಗಿ ಲಾಯರ್ ಥರ ಕಾಣುತ್ತಿದ್ದೀರಿ ಎಂದು ಹೇಳಿದ್ಧಾರೆ ಒಬ್ಬರು. ಈ ಹಾಡು ನನ್ನ ಫೇವರಿಟ್. ಈಗಲೂ ಈ ಹಾಡನ್ನು ನಾನು ಕೇಳುತ್ತೇನೆ ಎಂದು ಕೆಲವರು ಹೇಳಿದ್ದಾರೆ. ನೀವೇನಂತೀರಿ?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 10:37 am, Mon, 10 July 23