Viral Video: ‘ಯಾರು ನ್ಯೂಸ್​ ನೋಡುತ್ತಿದ್ದಾರೆಂದು ನೆನಪಿಸಬಹುದೆ?’ ಆ್ಯಂಕರ್ ಲೈವ್​ನಲ್ಲಿ ತಡವರಿಸಿದ ಆ ಕ್ಷಣಗಳು

News Anchor : ನೀವು ನೋಡುತ್ತಿದ್ದೀರಿ, ನೀವು ನೋಡ್ತಾ ಇದ್ದೀರಿ, ನೀವು ನೋಡ್ತಾ ಇರ್ರಿ, ನೀವು ನೋಡಿದಿರಿ… ಹೀಗೆ ಪ್ರತಿಯೊಬ್ಬ ನ್ಯೂಸ್​​​ ಆ್ಯಂಕರ್​​​ಗಳು ವೀಕ್ಷಕರನ್ನು ಉದ್ದೇಶಿಸಿ ಲೈವ್ ನ್ಯೂಸ್​ನ ಆರಂಭದಲ್ಲಿಯೋ ಅಂತ್ಯದಲ್ಲಿಯೋ ಅಥವಾ ಮಧ್ಯದಲ್ಲಿಯೋ ಹೇಳುವುದನ್ನು ಗಮನಿಸಿದ್ದೀರಿ. ಆದರೆ ಬಿಬಿಸಿ (BBC) ನ್ಯೂಸ್​ ಆ್ಯಂಕರ್ ಗ್ಯಾರೆಥ್ ಬಾರ್ಲೋ (Gareth Barlow)  ‘ನೀವು ನೋಡುತ್ತಿದ್ದೀರಿ’ ಎನ್ನುವ ಬದಲಾಗಿ ‘ನಾನು ನೋಡುತ್ತಿದ್ದೇನೆ’ ಎಂದು ಲೈವ್​ನಲ್ಲಿ ಹೇಳಿ ತಡವರಿಸಿದ್ದಾರೆ. ಈ ತಮಾಷೆಯ ವಿಡಿಯೋ ಅನ್ನು ಅವರೇ ತಮ್ಮ X (Twitter) ಖಾತೆಯಲ್ಲಿ ಪೋಸ್ಟ್ ಮಾಡಿ, ತಮ್ಮ ಕಾಲನ್ನು ತಾವೇ ಎಳೆದುಕೊಂಡಿದ್ದಾರೆ. ನೆಟ್ಟಿಗರು ಈ ವಿಡಿಯೋ ನೋಡಿ ಬಿದ್ದುಬಿದ್ದು ನಗುತ್ತಿದ್ದಾರೆ.

ಇದನ್ನೂ ಓದಿ : Viral Video: 13 ಗಂಟೆಗಳಲ್ಲಿ 73 ಕಿಮೀ ನಡೆದು ಬೆಂಗಳೂರಿನಲ್ಲಿ ‘ಭಾರತದ ನಕ್ಷೆ’ ಗುರುತಿಸಿದ ಈ ವ್ಯಕ್ತಿ

‘ಸುದ್ದಿಯನ್ನು ಯಾರು ನೋಡುತ್ತಿದ್ದಾರೆಂದು ದಯವಿಟ್ಟು ಯಾರಾದರೂ ನನಗೆ ನೆನಪಿಸಬಹುದೇ?’ ಎಂಬ ಒಕ್ಕಣೆ ಬರೆದು ಈ ವಿಡಿಯೋ ಪೋಸ್ಟ್ ಮಾಡಿದ್ದಾರೆ ಗ್ಯಾರೆಥ್. ಆ. 21ರಂದು ಹಂಚಿಕೊಂಡ ಈ ವಿಡಿಯೋ ಅನ್ನು ಈತನಕ  8.8 ಲಕ್ಷ ಜನರು ನೋಡಿದ್ದಾರೆ. 6,900 ಜನರು ಲೈಕ್‌ ಮಾಡಿದ್ದಾರೆ. 300ಕ್ಕೂ ಹೆಚ್ಚು ಜನರು ರೀಪೋಸ್ಟ್ ಮಾಡಿದ್ದಾರೆ. ಅನೇಕರು ಈ ವಿಡಿಯೋ ನೋಡಿ ಪ್ರತಿಕ್ರಿಯಿಸಿದ್ದಾರೆ.

ಆ್ಯಂಕರ್ ಗರೆಥ್​ ನಿಮಗೆ ನೆನಪಿಸಲು ತಿಳಿಸಿರುವ ವಿಡಿಯೋ ಇದೇ

ಇದನ್ನೂ ಓದಿ : Viral Video: ಲಂಡನ್​; ವಿದ್ಯುದ್ದೀಪವೇ ಇಲ್ಲದ ಈ ದ್ವೀಪದಲ್ಲಿ ಈ ವ್ಯಕ್ತಿ ಒಂಟಿಯಾಗಿ ವಾಸಿಸುತ್ತಿರುವುದೇಕೆ?

ನನ್ನನ್ನೂ ನೋಡುತ್ತಿದ್ದೇನೆ, ನಿಮ್ಮನ್ನೂ ನೋಡುತ್ತಿದ್ದೇನೆ ಎಂದು ತಮಾಷೆ ಮಾಡಿದ್ದಾರೆ ಒಬ್ಬರು. ನೀವು ತಾಂತ್ರಿಕವಾಗಿ ಸುದ್ದಿಯನ್ನು ನೋಡುತ್ತಿದ್ದೀರಿ. ಪ್ಯಾಕೇಜುಗಳನ್ನು ನೋಡುತ್ತಿದ್ದೀರಿ, ಔಟ್​ಪುಟ್​ಗೆ ಪ್ರತಿಕ್ರಿಯೆ ನೀಡುತ್ತಿದ್ದೀರಿ ಎಂದು ಮತ್ತೊಬ್ಬರು ಹೇಳಿದ್ದಾರೆ. ಆಹ್ ಇದು ಅದ್ಭುತ! ಮತ್ತಿದನ್ನು ನೀವೇ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು ನಿಮ್ಮ ಸಹಜ ನಡೆಗೆ ಸಾಕ್ಷಿ ಎಂದಿದ್ದಾರೆ ಮತ್ತೊಬ್ಬರು. ತಡವಿರಿಸಿದ್ದು ಮುಖದಲ್ಲಿ ವ್ಯಕ್ತವಾಗದಂತೆ ಲೈವ್​ ನಿಭಾಯಿಸಿದ್ದಾರೆ ಎಂದು ಮಗದೊಬ್ಬರು ಹೇಳಿದ್ದಾರೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​​ಗಾಗಿ ಕ್ಲಿಕ್ ಮಾಡಿ