Video: ನಿಮ್ಮ ಅಪ್ಪ ಸೂಪರ್ ಮ್ಯಾನಾ ಎಂದು ಕೇಳಿದ ಶಿಕ್ಷಕರು, ಕೈ ಮೇಲೆತ್ತಿ ಅಪ್ಪನನ್ನು ಬಿಟ್ಟು ಕೊಡದ ಪುಟಾಣಿಗಳು
ತಂದೆ ಮಗಳ ನಡುವಿನ ಬಾಂಧವ್ಯವೇ ಹಾಗೆ, ಅದನ್ನು ವಿವರಿಸಲು ಪದಗಳೇ ಸಾಲಲ್ಲ. ಮಗಳಿಗೆ ಅಪ್ಪನೇ ನಿಜವಾದ ಹೀರೋ, ಹೀಗಾಗಿ ಹೆಣ್ಣು ಮಕ್ಕಳು ಯಾವುದೇ ಕಾರಣಕ್ಕೂ ತನ್ನ ತಂದೆಯನ್ನು ಬಿಟ್ಟು ಕೊಡಲ್ಲ. ಆದರೆ ಪುಟಾಣಿ ಹೆಣ್ಣು ಮಕ್ಕಳು ತಮ್ಮ ಅಪ್ಪ ಸೂಪರ್ ಮ್ಯಾನ್ ಎನ್ನುವುದನ್ನು ಒಪ್ಪಿಕೊಂಡಿದ್ದಾರೆ. ಈ ಮುದ್ದಾದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
ಹೆಣ್ಣು ಮಕ್ಕಳಿಗೆ ಅಪ್ಪನೆಂದರೆ (father) ಎಲ್ಲವೂ ಆಗಿರುತ್ತಾನೆ. ತಂದೆಗೂ ಮಗಳೆ ತನ್ನ ಪುಟ್ಟ ಪ್ರಪಂಚ. ಹೀಗಾಗಿ ಹೆಣ್ಣು ಮಕ್ಕಳಿಗೆ ಅಪ್ಪ ಜೊತೆಗೆ ಇದ್ದರೆ ಏನೋ ಧೈರ್ಯ. ಮಗಳ ಎಲ್ಲಾ ಆಸೆ ಕನಸುಗಳನ್ನು ಈಡೇರಿಸುವ, ಯಾವುದಕ್ಕೂ ಬೇಡ ಎನ್ನದ ಹೃದಯಶ್ರೀಮಂತಿಕೆಯುಳ್ಳ ಅಪ್ಪ ನಿಜವಾದ ಹೀರೋ ಆಗಿರುತ್ತಾನೆ. ಆದರೆ ನಿಮ್ಮ ಮುದ್ದಿನ ಅಪ್ಪ ಸೂಪರ್ ಮ್ಯಾನ್ (super man) ಆಗಿರುವುದನ್ನು ನೀವು ನೋಡಿದ್ದೀರಾ. ಈ ಪುಟಾಣಿಗಳ ಅಪ್ಪಂದಿರು ಸೂಪರ್ ಮ್ಯಾನ್ ಗಳಂತೆ. ತರಗತಿಯಲ್ಲಿ ಶಿಕ್ಷಕರು ನಿಮ್ಮ ತಂದೆಗೆ ಹಾರುವ ಸಾಮರ್ಥ್ಯವಿದೆಯೇ ಎಂದು ಕೇಳಿದ್ದಾರೆ. ಎಲ್ಲಾ ಹೆಣ್ಣು ಮಕ್ಕಳು ತಮ್ಮ ಒಂದು ಕೈಯನ್ನು ಮೇಲಕ್ಕೆತ್ತುವ ಮೂಲಕ ಹೌದು ಎಂದಿದ್ದಾರೆ. ಈ ಮುಗ್ಧ ಪ್ರತಿಕ್ರಿಯೆಯ ವಿಡಿಯೋ ವೈರಲ್ ಆಗುತ್ತಿದೆ.
the.indiantimes ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಈ ವಿಡಿಯೋ ಶೇರ್ ಮಾಡಿಕೊಳ್ಳಲಾಗಿದ್ದು ಶಾಲಾ ತರಗತಿ ಕೋಣೆಯಲ್ಲಿ ಹುಡುಗ ಹುಡುಗಿಯರು ಕುಳಿತಿರುವುದನ್ನು ಕಾಣಬಹುದು. ಈ ವೇಳೆಯಲ್ಲಿ ಶಿಕ್ಷಕರು ಬಾಲಕಿಯರ ಮುಂದೆ ನಿಮ್ಮಲ್ಲಿ ಎಷ್ಟು ಜನರು ನಿಮ್ಮ ಅಪ್ಪ ರಾತ್ರಿ ಸಮಯದಲ್ಲಿ ಒಂದು ಕಟ್ಟಡದಿಂದ ಮತ್ತೊಂದು ಕಟ್ಟಡಕ್ಕೆ ಜಿಗಿಯುವ ಸೂಪರ್ ಮ್ಯಾನ್ ಎಂದು ಭಾವಿಸುತ್ತೀರಾ ಎಂದು ಕೇಳಿದ್ದಾರೆ. ಈ ಹೆಣ್ಣು ಮಕ್ಕಳು ಪ್ರಾಮಾಣಿಕ ಉತ್ತರ ನೀಡಿರುವುದನ್ನು ನೀವಿಲ್ಲಿ ನೋಡಬಹುದು. ಶಿಕ್ಷಕರು ಹೀಗೆ ಪ್ರಶ್ನೆ ಕೇಳುತ್ತಿದ್ದಂತೆ ಪುಟಾಣಿಗಳು ಒಗ್ಗಟ್ಟಿನಲ್ಲಿ ತಮ್ಮ ಕೈಯನ್ನು ಮೇಲಕ್ಕೆತ್ತಿ ಹೌದು ನಮ್ಮಪ್ಪ ಸೂಪರ್ ಮ್ಯಾನ್ ಎಂದು ಹೇಳಿದ್ದಾರೆ.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ
ಇದನ್ನೂ ಓದಿ: Video: ನನ್ನ ಅಪ್ಪ ಸುರಸುಂದರ, ಹೇಗಿದೆ ನನ್ನ ಅಪ್ಪನಿಗೆ ಮಾಡಿದ ಮೇಕಪ್
ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದಂತೆ ಇದುವರೆಗೂ ಲಕ್ಷಾತರ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಬಳಕೆದಾರರು, ಇದೇ ನೋಡಿ ಮಗಳ ಪ್ರೀತಿ ಎಂದು ಕಾಮೆಂಟ್ ಮಾಡಿದರೆ, ಮತ್ತೊಬ್ಬರು, ಲಾಜಿಕ್ ವರ್ಸಸ್ ಎಮೋಷನ್ ಎಂದು ಹೇಳಿದ್ದಾರೆ. ಇನ್ನೊಬ್ಬರು, ಹೆಣ್ಣು ಮಗು ಬೇಕು ಎಂದು ಹೇಳಲು ಕಾರಣವೇ ಇದು ಎಂದು ಕಾಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ